Yakobo 1:5 - The Holy Bible In Alur (Lur) Revised Orthography

⁵ Ento tek ng’atu moko m’i kindwu rieko mbe kude, wek ekwai Mungu, ma mio ni dhanu ceke ku berocwinye, egamugi ku dhau de ngo; man ebimire ire.

Yakobo 1:5 ပူးပေါင်းရင်းမြစ်များ

I Lemkei 22:12

Ndhu Yehova mi iri rieko ku ng’eyong’ec, man emi iri lembang’ola pir Israel; kara iwor cik pa Yehova Mungu peri.

2 Lemkei 1:10

Kawono mi ira rieko ku ng’eyong’ec, kara awok woko amond de i wang’ dhanu maeni; kum ng’a ma copo poko lembe ni dhanu peri maeni, ma en e dit kumeni?

Zaburi 51:6

Nen, iyenyo lemandha yor i ic; Man ibiketho ang’eyo rieko i ka m’aponda;

Ai 31:3

man apong’e ku Tipo Mungu, ku rieko, man ng’eyothelembe, ku ng’eyong’ec, man bodho mi tic ma kwonde tung’ tung’ ceke,

Ai 31:6

Man an, nen, aketho Aholiab, ma wod Ahisamak, mi suru pa Dan karacelo kude; man aketho rieko i adunde dhanu ceke m’adundegi riek, kara gitim gin ceke m’ang’olo iri:

Lembrieko 8:17

Amaru ju m’umara; Man ju m’uyenya ngili ngili gibinwang’a.

Matayo 11:20

Elund emaku dhau bang’ adhura ka ma tic pare ma tek utimbre i ie dit, kum giloko cwinygi ngo.

Marko 16:14

Macen enyuthre ni juapar wi acel ka gibedo dhu cam; man edhau i wigi kum yioyic migi m’umbe kum nwang’ mir adundegi de, kum giyio ngo ni ju m’unene yo ng’ei cer pare.

Yohana 14:13

Man gin ma tek wubikwayu ku nyinga e abitimo ginde, kara Wego dok dwong’ i Wod;

Yohana 15:7

Tek wubedo i ia, lem para de bedo i iwu, wupenj gin ma tek wuyenyo, manebitimbre iwu.

Yohana 4:10

Yesu dwoko lembe ewacu ire kumae, Tek ing’eyo giramia pa Mungu, ku ng’atu m’uwacu iri kumae, Mi ira amadhi; kuno di ipenje, man kuno di emio iri pi mi kwo.

2 Jukorinto 2:16

ni acel mido m’uai ba tho tundo de ba tho; ni mange ke mido m’uai i kwo tundo de i kwo. Ng’a ke m’uromo ni gin maeni?

Yakobo 1:17

Giramia ceke ma ber kubang’gi kubang’gi man giramia ceke ma ndhu cu kubang’gi kubang’gi, uai malu, uloro piny ku ba Wego mi der, ma lokri rr umbe kude, kadok tipopiny ma podho kum lokri rr.

Yakobo 3:17

Ento rieko m’uai malu elar ebedo leng’, macen mi kwiocwiny, yo de, ma yot kum winjo lembe, pong’ ku kisa ku nying’ ma jucego, ma piem umbe, dhok ario de mbe.

Yakobo 5:16

Ka kumeno dong’ wutuc dubo mu ng’atuman utuc ni wadi man ni wadi, man wurwo ma ng’atuman urwo pi wadi man pi wadi, kara kumwu kei. Kwac pa ng’atu ma pwe yire dit i ticne.

1 Yohana 3:22

man gin ma tek wakwayu wagamu i bang’e, kum waworo cik pare watimo de gin ma nyayu mutoro i wang’e.