Yakobo 1:3 - The Holy Bible In Alur (Lur) Revised Orthography

³ ma wung’ei ko ya mulo yioyic mu nyayu twiocwiny,

Yakobo 1:3 ပူးပေါင်းရင်းမြစ်များ

Luka 21:19

I twiocwiny mu wubibodho kwo mu.

Jurumi 15:4

Kum gin ma yang’ ugore egore pi ponji mwa, kara ni kum twiocwiny man ni kum jukojuk mi lembagora pa Mungu wabed ku genogen.

Jurumi 2:7

ni ju ma ni kum twiocwiny i timober giyenyo dwong’ ku yung man nyothri ngo, kwo ma rondo ku rondo:

Jurumi 8:25

Ento tek wageno gin ma waneno ngo, e walund wakure ku twiocwiny.

Jurumi 8:28

Man wang’eyo nia gin ceke timbre karacelo mi bero ni ju ma gimaru Mungu, ni ju ma julwong’ogi calku yeny ma ie yenyo

2 Jukorinto 4:17

Kum can mwa ma yot, ma nyagwil, etimo iwa ter mi dwong’ ma nja ku nja ma sagu dit apila;

Jukolosai 1:11

ma wudoko tek ku tego ceke, calku tek mi dwong’ pare, ni twiocwiny ceke ku mwonyolembe ma jumwonyo hai ku mutoro:

2 Jutesaloniki 1:4

ketho wan giwa walula i kumwu i kanisa pa Mungu kum twiocwiny ku yioyic mu i ragedo mu ceke man i ruvwa ma wuciro;

2 Jutesaloniki 3:5

Dong’ Rwoth utel adundewu i mer pa Mungu, man i twiocwiny pa Kristu.

Juebrania 10:36

Kum can twiocwiny ubenegowu, kara, wun ma wudaru timo yeny ma Mungu yenyo, wujol lembang’olane.

Juebrania 12:1

Ka kumeno dong’ wan bende, kum afuru mi jumulembe ma dit ma kumeni betiekowa, wawenyu ter ma pek kubang’e kubang’e, ku dubo ma rubowa tho tho kumeni, man dong’ waringu ku twiocwiny i kwaya ma juketho i wang’wa,

Juebrania 6:12

kara kud wubed ku molkum, endre wubed jupor mi jucampacu mi lembang’ola ni kum yioyic ku twiocwiny.

1 Petro 1:7

kara mulo yioyic mu, ma pire tek ma sagu mola ma kwar ma nyothre kadok jumule ku mac, junwang’e ni pak ku dwong’ ku yung i nyuth pa Yesu Kristu:

2 Petro 1:6

i ng’eyong’ec mu ke kwerigijo; i kwerigijo mu ke twiocwiny; i twiocwiny mu ke bedo ma ayi Mungu ni i kume;