Yakobo 1:1 - The Holy Bible In Alur (Lur) Revised Orthography

¹ Yakobo, ma jamiru pa Mungu man pa Rwoth Yesu Kristu, ni dhanu apar wi ario mi Jumulal mba, moth iwu.

Yakobo 1:1 ပူးပေါင်းရင်းမြစ်များ

1 Ubimo 18:31

Man Elia gamu kidi apar wi ario, calku wel suru mi wot Yakobo, ma lembe pa Yehova bino i bang’e, uwacu kumae, Nyingi bibedo Israel.

Ezra 6:17

Man i thier mi ot maeni pa Mungu gimio thwoni dhiang’ dak acel, ku nyogi rombe dak ario, man nyithi rombe dak ang’wen; man gimio nyogi diegi apar wi ario, ni lam mi dubo mir Israel ceke, calku wel suru mir Israel.

Ester 3:8

Man Haman uwacu ni ubimo ma Ahasuerus kumae, Dhanu moko nuti m’ukethri mba mba ma julalu de i kind kodhidhanu mi ng’etker ceke mi ker peri; e cik migi tung’ ku maeno mi dhanu ceke; kadok cik p’ubimo de giworo ngo: ka kumeno en e kuloka ngo ni ubimo ya eyigi.

Ai 24:4

Man Musa goro lembe ceke pa Yehova, man eai pir kugweno, man eguro pemblam the got, ku mbegi apar wi ario, calku suru mir Israel apar wi ario.

Ai 28:21

Man kidine bibedo calku nying’ nyithindho mir Israel, apar wi ario, calku nying’gi; gibibedo mi sura apar wi ario, calku ng’ik mir ayi, kubang’e kubang’e calku nyinge.

Ai 39:14

Man kidine calku nying’ nyithindho mir Israel, apar wi ario, calku nying’gi; calku ng’ik mir ayi, kubang’gi kubang’gi calku nyinge, mi suru apar wi ario.

Ezekiel 12:15

E gibing’eyo nia an a Yehova, kinde m’abilalugi i kind thek, m’abikethogi de kud i ng’om.

Lembe Mi Julawi 26:33

E abikethowu i kind thek, man abirieyo palamularu i tokwu: man ng’om mu bibedo ni nyoth, adhura mu de bibedo ni uvuru.

Matayo 10:3

Filipo, man Bartolomayo; Thoma, man Matayo ma won ajok: Yakobo ma wod Alfayo, man Thadayo;

Matayo 13:55

Ng’atuni wod jabodho mi bau ngo? min mire julwong’o Mariamu ngo? utumin ke, Yakobo, ku Yusuf, man Simon, ku Yuda de ngo?

Matayo 19:28

E Yesu wacu igi kumae, Andha awacu iwu, Nia wun ma wulubo ng’eya, i nyol ma nyen ka Wod dhanu bijany wi komker mi dwong’ pare, wun bende wubijany wi komker apar wi ario, ma wupoko ko lembe ni suru apar wi ario mir Israel.

Marko 3:18

man ke Andrea, ku Filipo, ku Bartolomayo, man Matayo, man Thoma, man Yakobo, wod Alfayo, man Thadayo, ku Simon ma Jakanani.

Luka 22:30

kara wucam wumadh de dhu mesa para i ker para; man wubijany wi komker ku poko lembe wi suru apar wi ario mir Israel.

Luka 6:15

man Matayo giku Thoma, man Yakobo ma wod Alfayo, ku Simon ma julwong’o Zelote,

Yohana 12:26

Tek ng’atu moko timo ira, wek elub ng’eya; man ka m’ani ie, jatic para bende bibedo keca: tek ng’atu moko timo ira, Vwa biyunge.

Yohana 7:35

Ka kumeno Juyahudi giweco i kindgi gigi kumae, Ng’atuni bicidho kani ma wakubinwang’e ngo e? ebicidho ba ju m’ulal i kind Juyunani, man ebiponjo Juyunani?

Tic Mi Jukwenda 1:13

E ka gidaru mondo i ie, giidho i ot ma malu, ka ma gibedo i ie; Petro giku Yohana man Yakobo kud Andrea, Filipo giku Thoma, Bartolomayo giku Matayo, Yakobo wod Alfayo, man Simon Zelote, man Yuda wod Yakobo.

Tic Mi Jukwenda 12:17

Ento en, m’ejukogi ku cinge nia gibed ling’, egonyo igi maram Rwoth uwodhe ko kud i odkol. Man ewacu kumae, Wuyer lembe maeni ni Yakobo, kud umego bende. E eai, ecidho kamange.

Tic Mi Jukwenda 15:13

Yo ng’ei bedo ling’ migi, Yakobo loko lembe, ewacu kumae, Umego, wuwinj dwanda:

Tic Mi Jukwenda 15:21

Kum Musa bedo ku dhanu m’uyero pire ku bang’ adhura ceke, ma jusomo i kacokri ku ba ceng’ sabatu ugambre kum dhanum’utuk ma con.

Tic Mi Jukwenda 15:23

e gioro lembe kumae i cing’gi, Jukwenda kud umego ma dongo, ni umego ma gi mi Thekdhanumange i Antiokia, ku Cami, man Kilikia, moth iwu:

Tic Mi Jukwenda 2:5

Nwang’u Juyahudi gibedo Yerusalem, gi dhanu ma lworo Mungu, ma giai kud i thek ceke ma the polo.

Tic Mi Jukwenda 21:18

E urwone Paolo mondo ba Yakobo wakugi; nwang’u judongo ceke ginuti.

Tic Mi Jukwenda 23:26

Klaudio Lusia ni jabim ma dwong’ Feliki, moth iri.

Tic Mi Jukwenda 26:7

ni lembang’olane suru mwa apar wi ario, ma gitimo ni Mungu kud avane dieceng’ ku diewor, gigeno ya gibitundo i bang’e. Man Juyahudi gidota pi genogen maeni, E ubimo!

Tic Mi Jukwenda 8:1

Saul de yio ya etho. Ceng’ nica ragedo ma dit uwok kum kanisa ma ni i Yerusalem; e kagi ceke julalugi nge nge i ng’om Yahudi man Samaria, jukwenda re m’udong’.

Jurumi 1:1

Paolo, jamiru pa Yesu Kristu, ma julwong’e ebed jakwenda, ma jukoye pi lembanyong’a ma juboth ko pa Mungu,

Jugalatia 1:19

Ento jukwenda mange aneno ngo, ndhu Yakobo m’umin Rwoth.

Jugalatia 2:12

Kum ka fodi dhanu m’uai ba Yakobo foduwok ungo, ecamu ku Thekdhanumange; ento ka giwok, ecoro cen man ekoire gire, m’elworo ko ju ma weg yaa.

Jugalatia 2:9

e ka ging’eyo bero m’umire ira, Yakobo giku Kefa man Yohana, ju ma pigi yik nia gi mbegi, gimio cing’gi ma yor acwic mi ribri iwa waku Barnaba, ya waci ba Thekdhanumange, gin ke gici migi ba weg yaa;

Poi Mi Cik 28:64

E Yehova bikethi i kind kodhidhanu ceke, ugambre i kajik mi ng’om acel cil kum kajik mi ng’om mucelo; e ibitimo ni mungu mange kuca, ma fodi k’ing’eyo ngo, in kadi kwaru, en e mi yen man kidi.

Poi Mi Cik 30:3

nia Yehova Mungu peri bilund loko ng’eca peri, man ngisi binege i kumi, man ebidwogo ebicoki ku ba kodhidhanu ceke, ka ma Yehova Mungu peri leli i ie.

Poi Mi Cik 32:26

Awacu nia abikethogi ngbir, Nia abiketho poi ma pigi ujik i kind dhanu;

Poi Mi Cik 4:27

E Yehova bikethowu i kind kodhidhanu, man wel mu bidong’ nok i kind thek, ka ma Yehova biterowu i ie cen.

Jufilipi 1:1

Paolo ku Timoteo, jumiru pa Kristu Yesu, ni jumaleng’ ceke i Kristu Yesu ma gini i Filipi, ku julieu man jukony:

2 Timoteo 4:21

Tim k’amora ya ilar ibin ma fodi nindo mi koyo kuwok ungo. Eubulo de mothi, man Pudente, man Lino, giku Klaudia, kud umego de ceke.

Tito 1:1

Paolo, jamiru pa Mungu, man jakwenda pa Yesu Kristu calku yioyic mi ju ma Mungu goyo nying’gi, man ng’eyong’ec mi lemandha ma en e calku bedo ma ayi Mungu ni i kume,

1 Petro 1:1

Petro, jakwenda pa Yesu Kristu, ni ju ma jugoyo nying’gi ma gi jubedo mi Jumulal mba ma gini i Ponto, ku Galatia, ku Kapadokia, kud Asia, man Bithunia,

2 Petro 1:1

Simon Petro, jamiru man jakwenda pa Yesu Kristu, ni ju ma ginwang’u yioyic ma calacel ma pire tek karacelo kudwa i bedopwe pa Mungu mwa man Jalar Yesu Kristu:

Yuda 1:1

Yuda, jamiru pa Yesu Kristu, m’umin Yakobo ni ju ma julwong’ogi, ma gi jumer i Mungu ma Wego, ma jugwoko de pi Yesu Kristu:

Lembanyutha 7:4

Man awinjo wel ju ma juketho ayi i kumgine, rubanga dak acel ku pier ang’wen wi ang’wen, ma juketho ayi i kumgi kud i suru mi nyithi Israel kubang’gi nzu: