Wer Pa Suleman 6:2 - The Holy Bible In Alur (Lur) Revised Orthography

² Jamerna loro piny i podho pare, Ba thuthu mi yath ma jwa jwa, Kara ecam i podhone, man ecokkura.

Wer Pa Suleman 6:2 ပူးပေါင်းရင်းမြစ်များ

Wer Pa Suleman 2:16

Jamerna e para, man an a pare: Ekwayu udul rombe pare i kind kura.

Wer Pa Suleman 4:12

Nyamira, mugole para, en e podho ma jutwodo kume; Kulo m’atong’a ma juculo, kulo ma dhenyni ma jumwono.

Wer Pa Suleman 4:16

Ceu, E yamu ma yor ariwa ma malu; man ibin, in i yor ariwa ma piny; Kot wi podho para, kara iwodh yath ma jwa jwane woko. Wek jamerna bin i podho pare, Man ecam nyinge ma pire tek.

Wer Pa Suleman 4:5

Thuno peri ario gi calu nyithi ruda ario Ma gi rut pa vong’ ruda, M’ucamu kind kura.

Wer Pa Suleman 5:1

Abino i podho para, nyamira, mugole para: Acoko udok ma ng’wice ng’ar para ku yath para ma jwa jwa; Acamu pedekic para ku kic para; Amadhu pigulok para ku cak para. Wucam, E jurimo; Wumadhi, eyo, wumadh k’abamba, E jumer.

Wer Pa Suleman 5:13

Limbe calu kavuto mi yath ma jwa jwa, Calu ka m’utingre m’utwio uboko ma ng’ar: Dendhoge calu kura, m’ubetono udok ma ng’wice ng’ar ma liu.

Wer Pa Suleman 6:11

Aloro piny i podho mi nying’ yen ma tek, Kara anen girapidha ma numu i poga, Kara anen tek ulok ukudo, Man tek ulemo thiwo.

Isaya 40:11

Ebikwayu udul rombe pare calu jakwac, ebicoko nyithi rombe i bote, man ebiting’ogi i kore, man ebipeyo ju ma nyithindhgi nuti yo.

Isaya 57:1

Weg bedopwe rwinyo, e ng’atu moko mbe ma paru pire; man jukabu jukisa woko, man ng’atu moko mbe ma paru nia jukabu weg bedopwe ni gin ma rac ma bibino.

Isaya 58:11

e Yehova bitelo wii thiri thiri, man ebikwio ng’eyong’ec peri i ka m’uthwo, man ebidwoko cogoni tek; e ibibedo calu podho ma jukwoyo pi i wie, man calu kulo mi pi, ma pige dwono ngo.

Isaya 61:11

Kum calu ng’om twio kudone, man calu podho ketho gin ma jucoyo i ie loth; e Rwoth Yehova biketho bedopwe ku pak loth kumeca i wang’ thek ceke.

Ezekiel 34:23

Man abiketho jakwac acel i wigi, e e’oikakugi ku cam, en e jatic para ma Daudi; ebikakugi ku cemo, man ebibedo jakwac migi.

Zefania 3:17

Yehova Mungu peri ni i kindi, ng’atu ma tek ma bibodho; anyong’a binege i kumi ku mutoro; ebiyom i mer pare; anyong’a binege i kumi ku wer.

Matayo 18:20

Kum ka ma juario kadi adek gicokri ie karacelo i nyinga, anuti i kindgi kakeca.

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

Yohana 14:3

Man tek acidho niyiko kabedo iwu, abibino kendo, abijolowu de i bang’a gira; kara ka m’ani ie, wun bende wubed keca.

Yohana 17:24

Vwa, ayenyo nia gin bende m’imio ira wabed kugi karacelo ka m’ani ie, kara ginen dwong’ para, m’imio ira: kum imara ma fodi ng’om ku thekre ngo.

Lembanyutha 7:17

kum Nyathi Rombo ma ni i kind komker ebibedo jakwac migi, man ebitelo wigi ba pi mi kwo ma dhenyni: man Mungu biyweyo piwang’ pet kud i wang’gi.