Wer Pa Suleman 5:1 - The Holy Bible In Alur (Lur) Revised Orthography

¹ Abino i podho para, nyamira, mugole para: Acoko udok ma ng’wice ng’ar para ku yath para ma jwa jwa; Acamu pedekic para ku kic para; Amadhu pigulok para ku cak para. Wucam, E jurimo; Wumadhi, eyo, wumadh k’abamba, E jumer.

Wer Pa Suleman 5:1 ပူးပေါင်းရင်းမြစ်များ

Thangambere 37:25

E gibedo piny kara gicam kwen: man ging’ayu wang’gi malu e gineno, man, nen, piro mi Juicmaeli ubebino m’uai Gilead, ku ngamia migi m’uyeyo yath ma jwa jwa man mo ma ng’wice ng’ar man udog yen, gibecidho kude piny i Misiri.

Zaburi 147:11

Ju m’ulwore nyayu mutoro i Yehova, Ju m’ugeno mer mi bero pare.

Zaburi 16:3

Ni jumaleng’ ma gini i ng’om, Gin gi ju ma ber hai ma anyong’a para ceke ni i bang’gi.

Lembrieko 24:13

Woda, cam kic, kum e mit; Man mio kic ma i pedene, m’e mit i dhogi:

Lembrieko 9:5

Wubin, wucam kwen para moko, Man wumadh pigulok m’ajeba.

Eklizia 2:5

atimo ira podho man podho mir anena, man apidho yen ma kwond nyinge tung’ tung’ i igi;

Wer Pa Suleman 1:13

Jamerna bedo ira calu lungu udok ma ng’wice ng’ar, M’uvuto i kind thuno para.

Wer Pa Suleman 4:16

Ceu, E yamu ma yor ariwa ma malu; man ibin, in i yor ariwa ma piny; Kot wi podho para, kara iwodh yath ma jwa jwane woko. Wek jamerna bin i podho pare, Man ecam nyinge ma pire tek.

Wer Pa Suleman 4:8

Bin karacelo kuda kud i Lebanon, mugole para, Karacelo kuda kud i Lebanon: Nen ku i usimbru Amana, Ku wi usimbru Senir ku Hermon, Ku i kabedo mir umvor, Ku kum gudi mi ng’u.

Wer Pa Suleman 6:11

Aloro piny i podho mi nying’ yen ma tek, Kara anen girapidha ma numu i poga, Kara anen tek ulok ukudo, Man tek ulemo thiwo.

Wer Pa Suleman 6:2

Jamerna loro piny i podho pare, Ba thuthu mi yath ma jwa jwa, Kara ecam i podhone, man ecokkura.

Wer Pa Suleman 8:1

A tek in i calu umira mire, M’udhodho thuno ma! Kinde m’anweng’i yo woko, kuno di acwio limbi: Eyo, man kuno di ng’atu moko mbe m’ucaya.

Wer Pa Suleman 8:13

In m’ibedo i podho, Juwedu ciko ithgi kara giwinj dwendi: Keth awinje.

Isaya 23:18

Man kuloka pare ku sukulia pare bibedo leng’ ni Yehova: jubigwoke ngo kadi jubikane de ngo: kum kuloka pare bibedo ni ju m’ubedo i wang’ Yehova, kara gicam m’uromo, man mi kendi ma nindo.

Isaya 5:1

Wek awer wer pa jamerna ni jamerna pi podho mir ulok pare. Jamerna bedo ku podho mir ulok wi ungulu got ma ber hai:

Isaya 51:3

Kum Yehova juko Sayuni; ejuko kar uvuru pare ceke, man edwoko langa pare calu Aden, man ng’omngele pare calu podho pa Yehova; mutoro kud anyong’a binwangre i ie, man foyofoc, ku dwal mi werower.

Isaya 53:11

Ebineno sendri mi ng’eyong’ec pare, e cwinye bikwio: ni kum ng’eyong’ec pare gire jatic para ma pwe bigonyo lembe ma wi dhanu dupa; man ebiyeyo kier migi.

Isaya 58:11

e Yehova bitelo wii thiri thiri, man ebikwio ng’eyong’ec peri i ka m’uthwo, man ebidwoko cogoni tek; e ibibedo calu podho ma jukwoyo pi i wie, man calu kulo mi pi, ma pige dwono ngo.

Isaya 61:11

Kum calu ng’om twio kudone, man calu podho ketho gin ma jucoyo i ie loth; e Rwoth Yehova biketho bedopwe ku pak loth kumeca i wang’ thek ceke.

Isaya 65:13

Ka kumeno Rwoth Yehova wacu kumae, Nen, jutic para bicamu, ento kec binego wu; nen, jutic para bimadhu, ento rieu binegowu; nen, anyong’a binego jutic para, ento jubinyayu lewic i wiwu;

Isaya 66:14

E wubineno maeni, man anyong’a binego adundewu, cogowu de biloth calu lum ma numu: man cing’ Yehova bing’eire yo ba jutic pare; man kwinyo binege kum judegine.

Matayo 25:40

Ubimo de biloko lembe ebiwacu igi kumae, Andha awacu iwu kumae, Kum calu wutime ni ng’atu acel ma kind utumira maeni, cil ni maeni ma gi nyithigiki nwang’u wutime ira.

Luka 12:4

Man awacu iwu jurimba, Kud wulwor ju ma nego kum, ma yo ku ng’eye gin moko mbe ma gicopo timo.

Yohana 3:29

Ng’atu m’ubedo ku mugole en e cwar mugole: ento jarim cwar mugole, m’ucungo m’uwinje de, anyong’a kwa nege kum dwand cwar mugole: ka kumeno anyong’a maeni timbre kakare.

Tic Mi Jukwenda 11:29

E julub kubang’gi ceke gikeco ya gior piny ma kakorgi bang’ umego ma gini i Yahudi

Juefeso 5:18

Man kud wumer ku pigulok, ma ie ju rop, ento dong’ Tipo re m’uromwu;

Lembanyutha 22:17

Man Tipo ku mugole giwacu, Bin. Man ng’atu m’uwinjo, dong’ ewac, Bin. Man ng’atu ma rieupi nege, dong’ ebin: man ng’atu m’uyenyo, dong’ egam pi mi kwo k’abamba.

Jupoklembe 14:11

Man etimbre, ka ginene, nia gikelo juwagi pier adek m’ubed karacelo kude.

Jupoklembe 14:20

Ento dhaku pa Samson jumio ni wadi, ng’atu m’etimo ire calu jarimone.