Wer Pa Suleman 4:8 - The Holy Bible In Alur (Lur) Revised Orthography

⁸ Bin karacelo kuda kud i Lebanon, mugole para, Karacelo kuda kud i Lebanon: Nen ku i usimbru Amana, Ku wi usimbru Senir ku Hermon, Ku i kabedo mir umvor, Ku kum gudi mi ng’u.

Wer Pa Suleman 4:8 ပူးပေါင်းရင်းမြစ်များ

1 Ubimo 4:33

Man eyero pi yedhi, ugambre kum musonge ma ni i Lebanon cil kum alagi m’utwi kum gang’kidi: eyero bende pi yedi, man pi winyo, man pi gin ma lak i ng’om, man pi rec.

2 Ubimo 5:12

Abana ku Farpar, ma kulo mi Dameski, gi ber ma sagu kulo mir Israel ceke ngo? acopo logo i igi ngo, man abed leng’i? Kum kumeno elokre man ecidho cen ma kwinyo nege.

I Lemkei 5:23

Man nyithindho mi ng’et suru pa Manase gibedo i ng’ombe: gimedri ugambre Bacan cil kum Balhermon man Senir ku got Hermon.

Zaburi 45:10

Winji, E nyaku, man ii pid, man icik ithi; Wii wil bende kum juthu, man pi ot pa wuru:

Zaburi 72:16

Cam bibedo dit i ng’om wi gudi; Nyinge biyengre calu Lebanon: Man lembe mi dhanu mir adhura bibedo miero calu lum mi ng’om.

Zaburi 76:1

Mungu ng’eire i Yuda: Nyinge dwong’ i Israel.

Zaburi 76:4

In i won yung man i ber hai, Ma sagu gudi mir amaci.

Zaburi 89:12

Yor ariwa ma malu man yor ariwa ma piny, iewiogi: Anyong’a nego Tabor man Hermon ni kum nyingi.

Lembrieko 9:6

Wuweki, wu ju m’ung’eyo lembe ngo, man wubed kwo; Man wuwoth i yo mi ng’eyothelembe.

Wer Pa Suleman 2:13

Yendubolo bogo nyinge m’aluthru. Man yendulok uthiwo; Giwodho ng’wicgi ma ng’ar. Ai, jamerna, ng’atu ma kume leng’ para, wacidhi.

Wer Pa Suleman 5:1

Abino i podho para, nyamira, mugole para: Acoko udok ma ng’wice ng’ar para ku yath para ma jwa jwa; Acamu pedekic para ku kic para; Amadhu pigulok para ku cak para. Wucam, E jurimo; Wumadhi, eyo, wumadh k’abamba, E jumer.

Wer Pa Suleman 7:11

Bin, jamerna, wek wawok woko podho; Wek wagonj i pacu.

Isaya 62:5

Kum calu jalawobi gamu mugole, e woti bigemi kumeca; man calu anyong’a nego won ambadha kum mugole, e anyong’a binego Mungu peri i kumi kumeca.

Ezekiel 27:5

Gitimo bau peri ceke kum yen sipre m’uai Senir; gigamu musonge kud i Lebanon kara utim mbegi mi combo iri.

Yohana 12:26

Tek ng’atu moko timo ira, wek elub ng’eya; man ka m’ani ie, jatic para bende bibedo keca: tek ng’atu moko timo ira, Vwa biyunge.

Poi Mi Cik 3:25

Akwei, wek akadh man anen ng’om ma ber maeno ma ni loka Yordan, got maeno ma ber, man Lebanon.

Poi Mi Cik 3:9

(Hermonne Jusidoni lwong’o Sirion, man Juamori lwong’o Senir);

Yocuwa 12:1

Nie maeni gi ju m’ubimo mi ng’ombe, ma nyithindho mir Israel gigoyo, man gimwonyo ng’om migi loka Yordan yo ku wokceng’, ugambre kum poga mir Arnon cil kum got Hermon, man ng’om Araba pet yo nyangu: