Wer Pa Suleman 2:3 - The Holy Bible In Alur (Lur) Revised Orthography

³ Calu yendulam i kind yen m’i luli, Jamerna bedo kumeno i kind nyithindho ma co. Abedo piny the tipone kud anyong’a ma dit, Man nyinge mit i dhoga.

Wer Pa Suleman 2:3 ပူးပေါင်းရင်းမြစ်များ

Zaburi 45:2

In i ber ma sagu nyithindho mi dhanu; Bero konjre i dendhogi: Ka kumeno Mungu mio mugisa iri mi nja.

Zaburi 45:3

Twi palamularu peri i pieri, E ng’atu ma tek, Yung peri man dwong’ peri.

Zaburi 57:1

Bed ku kisa i kuma, E Mungu, bed i ku kisa i kuma; Kum ng’eyong’ec para pondo i beng’i: Eyo, abipondo i tipopiny mi bombi, Cil ma lem ma rac maeni thum ko.

Zaburi 89:6

Kum ng’a m’i polo ma jucopo poro ku Yehova? Ng’a ma kind wot ju ma tek ma calu Yehova,

Zaburi 91:1

Ng’atu m’ubedo i kapondo pa Ng’atu ma Malu Ngbir Bibedo i tipopiny pa ng’atu ma Jategokpo.

Wer Pa Suleman 1:16

Nen, kumi leng’, jamerna, eyo, mi mer: Kavuto mwa bende en e mir ayi lum.

Wer Pa Suleman 2:5

Wudwoka tek ku nyingulok m’uthwo, dwok cwinya kud ulam; Kum mer umaka ku kuma.

Wer Pa Suleman 4:13

Nyithindhi gi podho yen mir ulemo, ku nying’ ma pire tek; Uboko ma jubogo ko lwet kud uboko ma ng’wice ng’ar,

Wer Pa Suleman 4:16

Ceu, E yamu ma yor ariwa ma malu; man ibin, in i yor ariwa ma piny; Kot wi podho para, kara iwodh yath ma jwa jwane woko. Wek jamerna bin i podho pare, Man ecam nyinge ma pire tek.

Wer Pa Suleman 5:16

Dhoge mit hai; Eyo, en e mi mer kwa: Maeni jamerna, man maeni en e jarimba, E nyig Yerusalem.

Wer Pa Suleman 7:13

Nying uboko wodho ng’wice ma ng’ar; Kwond nying’ piny ceke ma pire tek ni dhugola mwa, ma nyen ku ma con, M’akanu malu piri, E jamerna.

Wer Pa Suleman 8:11

Suleman ubedo ku podho mir ulok i Bal-hamon; Eketho podho mir ulokne ba jukur; Ku ba dhanu ceke ng’atuman kelo mola ma tar rubanga pi nying’ podhone.

Wer Pa Suleman 8:12

Podho mir ulok para, ma en e para, eni i wang’a: In, E Suleman, ibibedo ku rubanga, Man ju m’ugwoko nyinge bibedo ku dak ario.

Wer Pa Suleman 8:5

Maeni ng’a m’uai malu kud i langa, M’ujengre kum jameme? Acewi the yendulam: Kuca meru sendre kudi, Kuca esendre m’ewodhi ko woko.

Isaya 25:4

Kum ibedo ka ma tek ni jucan, ka ma tek ni jucanpiny i can pare, kavogo ni wavuvu, tipopiny ni lietho, kinde ma atido mi ju mi ndiri bedo calu wavuvu kum gang’kidi.

Isaya 32:2

Man dhanu bibedo calu kapondo ni yamu, kapondo de ni wavuvu, calu kulo mi pi i ka m’uthwo, calu tipo mi cana ma dit i ng’om mi olo.

Isaya 4:2

I ceng’ maeca jang Yehova bibedo leng’ man mi dwong’, man nying’ ng’om bibedo ber hai man mi bero ni ju ma giboth mir Israel.

Isaya 4:6

Man hema bibedo nuti ni tipo ma ku dieceng’ ni lietho, man ni kapondo man ni jambum ni wavuvu man ni koth.

Ezekiel 47:12

Man dhu kulo ma dit wi ng’ete, wi ng’ete kucel man wi ng’ete mucelo, yen mi cemo bitwi kubang’e kubang’e, ma ithe biner ungo, kadok nyinge de birem ungo: ebicego nyinge ma nyen ku ba dwi ku ba dwi, kum pige wok woko kud i kamaleng’; man nyinge bibedo mi cemo, man ithe mi cangu.

Yoel 1:12

Ulok de tal, man yendubolo voc; yendulemo, thith bende, man yenduru, en e yen ceke m’i podho giner: kum mutoro jung’ kud i wot dhanu.

Juebrania 12:2

ma wabeneno ko ba Yesu ma en e jathek ku jadar mi yioyic mwa, ma pi mutoro ma juketho i wang’e eciro yen m’athara, m’ecayu ko lewicne acaya man ejany yo ku cing’ ma yor acwic mi komker pa Mungu.

Jupoklembe 9:15

Man ukudho wacu ni yedhi kumae, Tek wukonjo mo i wia andha abim wiwu, e wubin wupond i tipona; man tek kumeno ngo, dong’ mac uai ku i ukudho, man ewang’ musonge m’i Lebanon.