Wer Pa Suleman 1:4 - The Holy Bible In Alur (Lur) Revised Orthography

⁴ Peya; wabiringo i toki: Ubimo kela ikusika pare; Wabibedo ku mutoro man anyong’a binegowa ni kumi; Wabiweco pi mer peri ma sagu mi pigulok: Gimeri cu.

Wer Pa Suleman 1:4 ပူးပေါင်းရင်းမြစ်များ

Zaburi 111:4

Eketho jupoi kum tic pare ma wang’u ijo; Yehova en e won bero ku kisa.

Zaburi 119:32

Abiringo i yo mi lembang’ola peri, Kinde m’ibidwoko adundena lac.

Zaburi 119:60

Atimo pio, man agalu ngo, Kara awor lembang’ola peri,

Zaburi 149:2

Wek anyong’a neg Israel ni kume m’ecwie: Wek anyong’a neg nyithindho mi Sayuni kum Ubimo migi.

Zaburi 42:4

Apoi kum gin maeni, man akonjo ng’e yong’ec para ku yor i ia, Maram acidho ko kud udul, man atelo wigi ba ot pa Mungu, Ku dwal mi mutoro man pak, udul m’ubekuro ceng’ ma leng’.

Zaburi 48:9

Wapido pi mer mi bero peri, E Mungu, I die hekalu peri.

Zaburi 63:5

Ng’eyong’ec para biyeng’ calu ku mo man mio; Man dhoga bipeki ku dendhoga m’anyong’a nego;

Wer Pa Suleman 3:4

Akadhu kud i bang’gi i kinde ma nyathigi, E anwang’u ng’atu ma ia maru: Amake, man akwere kud ecidhi, Maram akele ko i ot pa ma, Man i kusika pa ng’atu m’ugamu ic m’enyola ko.

Wer Pa Suleman 4:10

Merni ber mire, nyamira, mugole para! Mer peri ber ma sagu pigulok mire! Man ng’wic mo peri ber ma sagu kwond yath ma jwa jwa ceke mire!

Isaya 25:8

Emwonyo tho mi nja; e Rwoth Yehova biyweyo piwang’ kud i wang’ ceke; man ebikabu cac mi dhanu pare woko kud i ng’om ngung’: kum Yehova yero maeni.

Isaya 45:25

Jubigonyo lembe ma wi kodhi Israel ceke ni kum Yehova, man gibiyungri.

Isaya 61:3

kara ang’ol ni ju m’uywak i Sayuni, kara ami igi jambruko ka vuru, man mo mi mutoro ka ywak, man kendi mi pak kar adieng’acwiny; kara julwong’gi yen mi bedopwe, girapidha pa Yehova, kara juyunge.

Isaya 63:7

Abiweco pi mer mi bero pa Yehova ku pak pa Yehova, calku gin ceke ma Yehova mio iwa, man bero ma dit yo ba ot mir Israel, m’emio igi calku kisa pare, man calkud udul mer mi bero pare.

Yeremia 31:3

Yehova wok i bang’a con, ewacu kumae, Eyo, ameri ku mer mi nja: ka kumeno apei ku mer mi bero.

Hoseya 11:4

Apeyogi ku uno mi dhanu, ku uno mi mer; man abedo igi calu ju m’uting’o mberembere wi lwokni migi; man aketho cemo i wang’gi.

Zefania 3:14

Wer, E nya Sayuni; kok, E Israel; anyong’a negi man ifoi kud adunde ceke, E nya Yerusalem.

Zekaria 9:9

Anyong’a negi dit, E nya Sayuni; koki, E nya Yerusalem: nen, ubimo peri bino i beng’i; en e pwe, man e won both; e mol, man eberingo ku wi kana, en e wi kana ma nyathi kana.

Matayo 25:10

E kinde ma gicidho ning’iewo, cwar mugole wok; e ju ma giyikri gimondo gikugi ba cemo mir ambadha: e juciko dhugola.

Luka 2:10

Malaika wacu igi kumae, Lworo kud unegwu; kum nen, akelo iwu rwonglembe ma ber mir anyong’a ma dit ma bibedo ni dhanu ceke:

Luka 22:19

E eting’o kwen, e kan emio foc, eng’wenyo ie, emio igi, ewacu kumae, Maeni en e kuma m’umire piwu: wutim mae wupoi ko pira.

Yohana 12:32

Man an, tek juting’a malu kud i ng’om, abipeyo dhanu ceke i bang’a.

Yohana 6:44

Ng’atu moko mbe ma copo bino i bang’a, tek Wego m’uora kupeye ngo: man abiketho ecungo i kajikceng’.

Juefeso 2:6

man eketho wacer wakugi, man eketho wajany karacelo wakugi i ka mi polo, i Kristu Yesu:

Juefeso 6:24

Bero bed ba ju m’umaru Rwoth Yesu Kristu mwa ceke ku mer ma nyothre ngo.

Jufilipi 3:3

kum wan wa weg yaa, ma warwo ku Tipo pa Mungu, e walula i Kristu Yesu, man wageno mwa kum ungo:

Jufilipi 4:4

Anyong’a negwu thiri thiri i Rwoth: awacu kendo, Anyong’a negwu.

Juebrania 12:1

Ka kumeno dong’ wan bende, kum afuru mi jumulembe ma dit ma kumeni betiekowa, wawenyu ter ma pek kubang’e kubang’e, ku dubo ma rubowa tho tho kumeni, man dong’ waringu ku twiocwiny i kwaya ma juketho i wang’wa,

1 Petro 1:8

ma wumare, ma fodi wukunene ngo; ma kadok wunene ngo kawono, ento ma wuyie, anyong’a negowu dit kud anyong’a ma wecre ngo m’upong’ ku dwong’ de;