Tito 2:12 - The Holy Bible In Alur (Lur) Revised Orthography

¹² m’ubeponjowa, kara wakwer gin ma ayi Mungu mbe i kume kud awanya ma rac m’i ng’om, wabed nger man pwe man kud ayi Mungu i kumwa i ng’om ma kawono;

Tito 2:12 ပူးပေါင်းရင်းမြစ်များ

Zaburi 105:45

Kara giwor lembang’ola pare, Man gimok kum cik pare. Wupak Yehova.

Zaburi 4:3

Ento wung’ei nia Yehova koyo ng’atu ma ayi Mungu ni i kume ire gire: Yehova biwinjo kan alwong’e.

Ezekiel 36:27

Man abiketho Tipo para i iwu, man abiketho wuwotho i cik para, man wubiworo lembapoka para, wubitimogi de.

Matayo 12:32

Man ng’atu ma tek biyero lembe kum Wod dhanu, ebiwekre woko ire; ento ng’atu ma tek biyero kum Tipo Maleng’ re, ebiwekre woko ire ngo, kadok i ng’om maeni, kadi i maeca ma bibino.

Matayo 16:24

Yesu lund uwacu ni julubne kumae, Tek ng’atu moko yenyo elub ng’eya, dong’ ekwere gire, eting’ yen m’athara pare de, elub ng’eya.

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

Luka 1:6

Gin ario de gibedo pwe i wang’ Mungu, ma gibewotho i cik ku lembapoka ceke pa Rwoth umbe gin ma rac.

Luka 1:75

I leng’cwiny man bedopwe i wang’e i ceng’ mwa ceke.

Yohana 14:30

Wabiweco wakudu hai ngo, kum jadit mi ng’om ubebino: gin moko m’ebedo ko mbe i ia;

Yohana 6:25

Ka ginwang’e de loka nam, giwacu ire kumae, Japonji, ibino kakeni awene?

Tic Mi Jukwenda 24:16

Kum kumeno aponjra gira kara abed ku pidocwiny ma ber m’umbe kier yo ba Mungu ku ba dhanu de thiri thiri.

Tic Mi Jukwenda 24:25

E kan eluro lembe mi bedopwe, man pi kwerigijo, ku mi pokolembe ma bibino de, e Feliki doko tipo, man edwoko lembe kumae, Koicidh i yo peri tundu; ka nindo m’ubedo ber ira wok, abilwong’i i bang’a.

Jurumi 12:2

Man kud wuporu ku ng’om maeni: endre wubed ma kothwu lokre ni kum dwoko pidoiwu nyen, kara wung’ei yeny ma Mungu yenyo m’e ber m’e yire de m’e cu ma ndhu de.

Jurumi 6:12

Ka kumeno kud wuyi dubo bim wi kumwu ma tho, ma nia wuwor ko awanyane ma rac:

Jurumi 6:19

Ayero calu dhanu yero kum ng’ic mi kumwu: kum calu wuting’o wathkumwu ubed jutic mi sasa man mi camuco ni camuco, cil kumeno kawono wuting’ wathkumwu ubed jutic mi bedopwe ni dwokrileng’.

Jurumi 8:13

kum tek wubedo tok kum, wubikotho be; ento tek wunego tic mi kum ku Tipo, wubibedo kwo.

2 Jukorinto 1:12

Kum kulula mwa e eni, lembatuca mi pidocwiny mwa, nia i leng’cwiny man cwiny ma abombi mbe i ie pa Mungu, i rieko mi kum de ngo endre i bero pa Mungu, watimbra giwa i ng’om, ma sagu dit yor i beng’wu.

2 Jukorinto 7:1

Ka kumeno, jumer, wan ma wabedo ku lembang’ola maeni, dong’ walwokra giwa ni cilo ceke mi kum ku mi tipo, ma wadwok ko leng’cwiny udok ndhu cu i lworo pa Mungu.

Jugalatia 1:4

m’umire gire kum dubo mwa, kara elarwa kud i rundi maeni ma rac ma kawono, calu i Mungu mwa ma Wegwa yenyo:

Jugalatia 5:24

Man ju ma gi pa Kristu Yesu giguro kum kud avane man awanya ma racne de kor yen m’athara.

Juefeso 1:4

cil calu yang’ elwong’owa i ie ka fodi theng’om kuthekre ngo, nia wabed leng’ ma poyo de mbe i wang’e i mer:

Juefeso 2:2

ma naka wuwotho i ie calku kura mi ng’om maeni, calku jadit mi tego mi lietho, mi tipo ma kawono ubetimo i wot juco;

Jukolosai 1:22

ento kawono re dong’ ekwiowu i kum mi ring’kume ni kum tho, kara ethierwu i wang’e gire ma wu leng’ ma poyo de mbe adote de mbe:

1 Jutesaloniki 4:7

Kum Mungu lwong’owa pi sasa ngo, endre i dwokrileng’.

1 Jutesaloniki 4:9

Ento pi mer mi utumego can lembe ma nia ng’atu moko gor iwu negowu ngo: kum Mungu ponjowu giwu ya wumeru;

1 Timoteo 4:12

Kud iyi ng’atu moko cei ya fodi i nyathin; ento dong’ ibed ni por mi ju m’uyio, i lembe, i bedo, i mer, i yioyic, i leng’cwiny.

1 Timoteo 6:17

Ng’ol ni ju ma gi julonyo i ng’om maeni ma kawono, kara pidoigi kud ubed dit, kadi ku giketh genogen migi kum lonyo ma kare kadhu, ento kum Mungu re, m’emio iwa gin ceke ku berocwinye ni mutoro mwa;

1 Timoteo 6:9

Endre ju ma giyenyo gibed julonyo gipodho i abidhe ku i uwic de man i kasegu ku i awanya ma rac ma akeca, wagi gin ma mwonyo dhanu i rwinyo ma jurwinyo man i kanyoth ma junyothri i ie bende.

2 Timoteo 3:12

Andha, man dhanu ceke m’uyenyo gibed kud ayi Mungu i Kristu Yesu gibinwang’u ragedo.

2 Timoteo 4:10

kum Dema weka, m’emaru ng’om maeni ma kawono, man ecidho Tesaloniki; Kreske de cidho Galatia, Tito ke Dalmatia.

Tito 3:3

Kum wan bende naka wa jukusegu, wa juco, juwondowa de, ma watimo ni awanya ma rac ku mutoro ma kwonde tung’ tung’, wabedo de kud akece ku kumira, wabedo kud adegi, man wadagra.

Juebrania 8:11

Man ku ba dhanu ceke ng’atu moko mbe ma biponjo wadi, Man ku ba dhanu ndri ng’atuman biwacu ngo ni umin kumae, Ng’ei Rwoth: Kum dhanu ceke bing’eya, Ugambre kum ma thindho m’i kindgi cil ku ma dongone de.

Yakobo 1:27

Kisoma m’alili ma cido de ngo i wang’ Mungu mwa ma Wegwa e ee, ya julieu kic ku mon ma coggi tho i can migi, man ke gwok ma jugwokri ko gijo ni ng’om ma jukuvukri ngo.

2 Petro 2:9

Rwoth ung’eyo maram elar ko ju ma ayi Mungu ni i kumgi ku i abidhe, m’egwok ko weg gondri de the masendi mi cing’ pokolembe;

2 Petro 3:11

Kum giki maeni biloi ceke kumeni, maku wubed dhanu ma kothwu nenedi? ku bedo ceke ma leng’ man bedo ma ayi Mungu ni i kume,

1 Yohana 2:27

Ento wun re, wir ma wujolo i bang’e bedo i iwu, man can ponji ma nia ng’atu moko ponj kowu negowu ngo; ento calu wir pare ponjowu pi gin ceke, man en e andha, en e ndra de ngo, man cil calu eponjowu, wubed i ie.

1 Yohana 2:6

ng’atu m’uwacu nia ebedo i ie maku en gire bende ewoth cil calu en de ewotho.

1 Yohana 5:19

Wang’eyo nia wa pa Mungu, man ng’om ngung’ de vuto i ng’atu ma rac.

Yuda 1:18

ya giwacu iwu kumae, I dong nindo jucac bibedo nuti ma gibewotho ku lubo tok awanya migi ma rac ma ayi Mungu mbe i ie.

Lembanyutha 14:12

Keni en e twiocwiny mi jumaleng’, gi ju ma giworo lembang’ola pa Mungu, ku yioyic pa Yesu.