Tito 1:7 - The Holy Bible In Alur (Lur) Revised Orthography

⁷ Kum jalieu kobedo ma adote mbe i wie be, calu jakurpiny pa Mungu; udhuko ngo, jang’ecwiny ma vur vur de ngo, jakwakwa ma wi pigulok ungo, jagoc ungo, jamar kuloka ma rac ungo;

Tito 1:7 ပူးပေါင်းရင်းမြစ်များ

Thangambere 49:6

E ng’eyong’ec para, kud imond i porolembe migi; Dwong’ para, kud iribri ku cokri migi; Kum i ng’ecwiny migi ginego dhanu. Man i lembe ma gikeco gitong’o ler koni dhiang’.

Lembrieko 14:17

Ng’atu ma ng’ecwiny make vur vur bitimo lem ma kite mbe; Man judagu japorlembe ma rac.

Lembrieko 15:18

Ng’atu ma kwiny nyayu piem; Ento ng’atu ma ng’ecwiny make pio ngo kwio wi piem.

Lembrieko 16:32

Ng’atu ma ng’ecwiny make pio ngo e ber ma sagu jarukara; Man ng’atu ma bimo cwinye, sagu ng’atu ma maku adhura.

Eklizia 7:9

Ng’ecwiny kud umeki vur vur i cwinyi; kum ng’ecwiny bedo i kor jukusegu.

Isaya 28:7

E cil maeni giwiri ku pigulok, man gicidho bik bik ku giramadha ma lake tek; jalam ku jabila giwiri ku giramadha ma lake tek, e pigulok umwonyogi, man gicidho bik bik ku giramadha ma lake tek; gikier i ginmawokiwang’, gikier i pokolembe.

Ezekiel 44:21

Kadi julam moko de bimadhu pigulok ungo, kinde ma gimondo i lelagang’ ma yor i ie.

Lembe Mi Julawi 10:9

Kud wumadh pigulok kadi giramadha ma lake tek, in, kadi woti wukugi, kinde ma wumondo i hema mi cokri, kara kud wutho: ebibedo ni cik mi nja cil kum dhanum’utuk mu ceke:

Matayo 24:45

Ka kumeno ng’a ma jamiru mandha ma riek de, ma rwoth pare kethe wi juode, ya emi igi cemo migi i nindone?

Luka 12:42

Rwoth uwacu kumae, Ka ku meno ng’a ma jakurpiny mandha ma riek de, ma rwoth pare bikethe wi juode, nimio igi cemo maka migi ka nindone tundo?

Juefeso 5:18

Man kud wumer ku pigulok, ma ie ju rop, ento dong’ Tipo re m’uromwu;

Jufilipi 1:1

Paolo ku Timoteo, jumiru pa Kristu Yesu, ni jumaleng’ ceke i Kristu Yesu ma gini i Filipi, ku julieu man jukony:

Tito 1:5

Kum lembe nini aweki i Krete, kara iyik gin m’urem, man iketh judongo ku bang’ adhura ceke, calu ang’olo iri;

Tito 2:3

ya mon m’uti bende ku meno bedo migi bed m’umaku piny, ku gigob agobe, ku gibed andrej pigulok, gibed juponji mi gin ma ber;

1 Petro 4:10

calu ku ba dhanu ng’atuman ujolo giramia, ma wutim ko i kindwu giwu, calu jukurpiny ma ber mi bero pa Mungu ma kwonde tung’ tung’;

1 Petro 5:2

Wukwai udul pa Mungu ma ni i kindwu, wunen wigi de, ma jukucukowu acuka ngo, ento ni kum avane m’unegowu, calku yeny ma Mungu yenyo; kadi kum kuloka ma rac de ngo, endre ku pidoic ma yot;

2 Petro 2:10

ento ma sagu ju m’ulubo tok kum i awanya ma rac mir acidi, man m’ucayu kero. Ju ma wigi tek, m’udhuko, ma lworo cayu weg dwong’ negogi ngo: