Tito 1:6 - The Holy Bible In Alur (Lur) Revised Orthography

⁶ tek ng’atu moko adote mbe i wie, en e nico ma won dhaku acel, ma won nyithindho m’uyio, ma judotogi ngo nia gi jurop kadi juco.

Tito 1:6 ပူးပေါင်းရင်းမြစ်များ

Thangambere 18:19

Kum ang’eye, nia ebing’olo ni nyithindhe ku juode yo ng’eye, kara giwor yo pa Yehova, kara gitim bedopwe man lembapoka; kara Yehova kel lembe m’eyero pire wi Ibrahim.

Lembrieko 28:7

Ng’atu ma tek woro cik nwang’u en e wodo ma riek; Ento ng’atu ma jarimb jumbo nyayu lewic wi won.

Ezekiel 44:22

Kadi gibigamu dhaku ma cware tho de ngo ni mon migi, kadi ng’atu ma jucoro cen de ngo; ento gibigamu nyir ma ng’won mi kodhi mi ot mir Israel, kadi dhaku ma cware tho ma en e dhaku ma cware tho pa jalam.

Lembe Mi Julawi 21:14

Dhaku ma cware tho, kadi ma juriemo, kadi dhaku m’ucido, kadi won tarwang’, maeni kud egam: ento nyaku ma ng’won mi juthugi ebigamu ni dhaku.

Lembe Mi Julawi 21:7

Ku gigam dhaku ma won tarwang’, kadi m’ucido; kadok dhaku ma jurieme ku ba cware de ku gigam: kum ng’atu ma nicone e leng’ ni Mungu pare.

Malaki 2:15

Man etimo acel ungo, kadok ebedo ku dong’ Tipo? Man acel mir ang’o? Eyenyo kodhi mi koth Mungu. Ka kumeno gwok cwinyi, man ng’atu moko kud utim awondi kum dhaku mir aradu pare.

Luka 1:5

I nindo pa Herode, ubimo mi Yahudi, nwang’u jalam ma nyinge Zakaria nuti, i maka pa Abia: man ebedo ku dhaku ma kind nyir pa Harun, nyinge de Elisabeth

Juefeso 5:18

Man kud wumer ku pigulok, ma ie ju rop, ento dong’ Tipo re m’uromwu;

1 Jutesaloniki 5:14

Man w akwayuwu, umego, wujuk ju ma gitimbri rac, wudwok cwiny ju ma cwinygi tek ungo, wujeng ju m’ubedo ng’ic, wubed ku mwonyolembe ma jumwonyo hai yo ba dhanu ceke.

1 Timoteo 1:9

ma wang’eyo ko lembe nini, ya cik juciko ni ng’atu ma pwe ngo, ento ni ju ma juco, ku ju ma giwor ungo, man ni ju ma ayi Mungu mbe i kumgi, ku judubo bende, ni ju ma leng’ ungo, ku ju ma yero lembacidi, man ni ju ma nego wego, ku ju ma nego mego, ni ju ma nego nek,

1 Timoteo 3:12

Dong’ jukony gibed cog mon acel acel, ma gibimo wi nyithindhgi ku udigi bende ber.

Tito 1:10

Kum dhanu ma juco gi dupa ma gi juwec mananu ku weg abombi, ju ma gi weg yaa ci dit ma kumeno,

1 Samwil 2:11

Man Elkana cidho Rama ba ot pare. E nyathin maeno timo ni Yehova i wang’ Eli ma jalam.

1 Samwil 2:22

Nwang’u Eli ti dit; man ewinjo gin ceke ma wote timo bang’ Israel ceke, man maram givuto ko ku mon m’utimo tic dhugola mi hema mi cokri.