Tic Mi Jukwenda 7:2 - The Holy Bible In Alur (Lur) Revised Orthography

² Man eloko kumae, Umego ku wego de, wukowuwinji: Mungu mi dwong’ unyuthre ni wegwa ma Ibrahim, kan eni i Mesopotamia, ka fodi ebedo i Haran ungo,

Tic Mi Jukwenda 7:2 ပူးပေါင်းရင်းမြစ်များ

Thangambere 11:31

Man Tera gamu Abram ma wode, ku Lot ma wod Haran, ma wod wode, man Sarai ma ci wode, ma ci wode ma Abram; man gicidho gikugi kud i Ur mi Jukaldayo, kara gicidh i ng’om Kanan; man gibino ba Haran, e gibedo keca.

Thangambere 12:1

Nie Yehova wacu ni Abram kumae, Wodhri woko kud i ng’om ma thu, man ku ba wat peri, man kud i ot pa wuru, icidh i ng’om m’abinyutho iri:

Thangambere 12:5

Man Abram ugamu Sarai ma dhaku pare, ku Lot ma wod umin, ku jukupiny migi ceke ma gicoko, ku dhanu ceke ma ginwang’u i Haran; e gitugo woth kara gicidh i ng’om Kanan; man giwok i ng’om Kanan.

Thangambere 15:7

Man ewacu ire kumae, An a Yehova m’ukeli woko kud i Ur mi Jukaldayo, kara ami iri ng’om maeni kara ebed ni aba iri.

Thangambere 29:4

E Yakobo wacu igi kumae, Utumira, wuai kani? Man giwacu kumae, Waai ba Haran.

Nehemia 9:7

In i Yehova Mungu, m’igoyo wi Abram, m’iwodhe de woko kud i Ur mi Jukaldayo, m’icaku ire nying’ Ibrahim de,

Zaburi 24:10

Ng’a m’Ubimo mi dwong’ maeni? Yehova mir udul, En e Ubimo mi dwong’. [Sela.

Zaburi 24:7

Wuting’ wiwu malu, E wu dhugang’; Man wutingru malu, wu dhugola ma con: Man Ubimo mi dwong’ bimondo.

Zaburi 29:3

Dwand Yehova ni wi pi: Mungu mi dwong’ umor, En e Yehova wi pi dupa.

Isaya 37:12

Mungu mi thek gibodhogi, ma kwaru nyotho, en e Gozan, ku Haran, man Rezef, ku nyithindho mir Aden ma gini i Telasari?

Isaya 51:2

Wunen bang’ Ibrahim ma kwaruwu, man ba Sara m’unyolowu; kum kinde ma en e acel kende alwong’e, man amio mugisa ire, e adwoke dupa.

Isaya 6:3

Man acel ulwong’o ba wadi, man ewacu kumae, Yehova mir udul leng’, leng’, leng’: ng’om ngung’ upong’ ku dwong’ pare.

Matayo 6:13

Kud iterwa i abidhe, ento ilarwa ni ng’atu ma rac.

Luka 2:14

Dwong’ ni Mungu ma malu ngbir, Kwiocwiny de wi ng’om kind dhanu ma mutoro nege i kumgi.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Yohana 12:41

Isaya wacu gin maeni kum eneno dwong’ pare; man eyero pire.

Tic Mi Jukwenda 22:1

Umego ku wego de, wukowuwinj lembe para ma kawono abetito iwu.

Tic Mi Jukwenda 23:7

E kan ewacu kumeno, e piem ugapre kind Jufarisayo ku Jusadukayo de; e dhanu m’ucokri gipoko igi dra.

Tic Mi Jukwenda 7:1

Man jalam ma dit uwacu kumae, Gin maeni kumeno?

1 Jukorinto 2:8

ma jubim m’i ng’om maeni moko mbe m’ung’eyo: kum tek ande ging’eyo, kuno di gikuguro Rwoth mi dwong’ ungo;

Juefeso 1:17

kara Mungu pa Rwoth mwa Yesu Kristu, ma Wego mi dwong’, umi iwu tipo mi rieko ku nyuth mi ng’ec ma jung’eye ko;

Tito 2:13

ma wabekio ko genogen mi mugisa man nyuth mi dwong’ pa Mungu ma dit ma Jalar mwa Yesu Kristu;

Juebrania 1:3

en m’e car m’ucare mi dwong’ pare, man en e ayi mi kit kume, man gin ceke thiere ni kum lembe mi tego pare, kan etimo lwok mi dubo, ejany piny yo ku cing’ ma yor acwic mi Dwong’ ka ma malu;

Juebrania 11:8

Ni kum yioyic, ka julwong’o Ibrahim, eyio ecidh i ka m’ebijolo ni aba; man ecidho, m’eng’eyo ka m’ecidho i ie ngo.

Yakobo 2:1

Juwada, kud wubed ku yic pa Rwoth Yesu Kristu, Rwoth mi dwong’, ma dhanu bedo tung’ tung’ i weng’wu.

Yocuwa 24:2

Man Yocuwa wacu ni dhanune ceke kumae, Yehova, Mungu mir Israel, uwacu kumae, Yang’ kwaruwu bedo loka Kulo, en e Tera, ma won Ibrahim, man won Nahor; e gitimo ni mungu mange.

Lembanyutha 4:11

Eromo kudi, Rwoth mwa man Mungu mwa, ya igam dwong’ man yung ku tego: kum icwio gin ceke, man gibedo nuti ni kum yeny m’iyenyo, gicwiri de.