Tic Mi Jukwenda 26:3 - The Holy Bible In Alur (Lur) Revised Orthography

³ ma sagu kum in i riek dit i kura ku penji ma kind Juyahudi: kum kumeno akwei iwinja ku twiocwiny.

Tic Mi Jukwenda 26:3 ပူးပေါင်းရင်းမြစ်များ

Yeremia 32:11

Kum kumeni agamu waraga mi ng’ieune, ma jumwono, calku cik ku kura, man maeno m’ubedo ayaba bende:

Tic Mi Jukwenda 21:21

man giwinjo piri, nia iponjo Juyahudi ceke m’i kind Thekdhanumange ya giwek Musa, nia ku gitim yaa kum nyithindho migi, kadi kuragi de ku gikwany.

Tic Mi Jukwenda 24:10

Ka jabim ugwelo ire ya eyer, Paolo loko lembe kumae, Kum ang’eyo nia ibedo japoklembe mi thek maeni rundi dupa, agonyo lembe para ku tegocwiny:

Tic Mi Jukwenda 24:4

Ento, kara kud aoli kendo, akwei ya ikoiwinja nyanok ku mol peri.

Tic Mi Jukwenda 25:26

Pi ng’atuno abedo ku gin moko ngo ma cu m’agor ni rwoth para. Kum kumeno akele woko i weng’wu, ndhu i weng’i, ubimo Agripa, kara, yo ng’ei titine, abed ku gin moko m’agor.

Tic Mi Jukwenda 26:2

Kud i bang’a mutoro nega gira, ubimo Agripa, kum abegonyo lembe para i weng’i tinuni pi gin ceke ma Juyahudi gidota pire:

Tic Mi Jukwenda 26:26

Kum ubimo ng’eyo gin maeni, e abeyero ire bende yot yot: kum ang’eyo gin maeni moko mbe m’upandre ire; kum maeni kutimbre i gui ungo.

Tic Mi Jukwenda 26:7

ni lembang’olane suru mwa apar wi ario, ma gitimo ni Mungu kud avane dieceng’ ku diewor, gigeno ya gibitundo i bang’e. Man Juyahudi gidota pi genogen maeni, E ubimo!

Tic Mi Jukwenda 28:17

Man etimbre, nia ka ceng’ adek ukadhu Paolo lwong’o judongo mi Juyahudi karacelo: e ka gicoko dhoggi, ewacu igi kumae, An, umego, kadok atimo gin moko ngo kum dhanu, kadi kum kura pa wegwa de, ento ku Yerusalem re jumia ni jakol i cing’ Jurumi:

Tic Mi Jukwenda 6:14

kum wawinjo ewacu ya Yesu maeni ma Nazareti binyotho kakeni, man ebiloko kura ma Musa mio iwa.

1 Jukorinto 13:2

Man ke tek a won giramia mi lembila, man ang’eyo giramung’a ceke ku girang’eya de ceke; man tek a won yioyic ceke, m’acopo ketho ko gudi ai cen, ento mer umbe kuda, meca an a mananu.

Poi Mi Cik 17:18

Man ebibedo, kinde m’ejany wi komker mi ker pare, nia ebikiewo ire wadi cik maeni i kitabu, ku i maeno ma ni i wang’ julam ma Julawi: