Tic Mi Jukwenda 26:1 - The Holy Bible In Alur (Lur) Revised Orthography

¹ E Agripa wacu ni Paolo kumae, Juyio ya igony lembe peri giri. E Paolo lund urieyo cinge, man egonyo lembe pare kumae:

Tic Mi Jukwenda 26:1 ပူးပေါင်းရင်းမြစ်များ

Zaburi 119:46

Abiweco pi lembatuca peri bende i wang’ ju m’ubimo, Man jubiketho lewic i wia ngo.

Lembrieko 1:24

Kum alwong’o, man wukwero; Arieyo cinga, man ng’atu moko mbe m’upido pire;

Lembrieko 18:13

Ng’atu ma loko lembe ma fok’ewinjo ngo, En e lem ma kite mbe man lewic ire.

Lembrieko 18:17

Ng’atu ma lar cungo kum lembe pare enen pwe; Ento jadhugola pare bino man ekoro i lembe pare.

Ezekiel 16:27

Ka kumeno nen, arieyo cinga i wii, man ajwigo cemo peri ma thiri thiri, man amii ni yeny ma ju m’udegi yenyo, en e nyig Jufilisti, ma lewic unegogi kum yo peri ma rac.

Yohana 7:51

Cik mwa poko lembe pa ng’atu moko, ma k’elar ewinje ngo, eng’eyo gin m’etimo de ngo?

Tic Mi Jukwenda 22:1

Umego ku wego de, wukowuwinj lembe para ma kawono abetito iwu.

Tic Mi Jukwenda 25:16

Aloko igi lembe, nia en e kura mi Jurumi ngo ya juwodh ng’atu moko, ma fodi ng’atu ma judote gikunendri ku wang’gi ngo, ma fodi jukuyio ngo de ya eyer pi lembe ma judote ko.

Tic Mi Jukwenda 25:27

Kum kud i bang’a emaku piny ungo, nioro jakol, ma jukunyutho pir adote mi kume ngo.

Tic Mi Jukwenda 26:2

Kud i bang’a mutoro nega gira, ubimo Agripa, kum abegonyo lembe para i weng’i tinuni pi gin ceke ma Juyahudi gidota pire:

Tic Mi Jukwenda 9:15

Ento Rwoth uwacu ire kumae, Cidh miri: kum en e agulu m’agoyo wie ira, ya eter nyinga i wang’ Thekdhanumange ku ju m’ubimo ku nyithi Israeli bende:

Jurumi 10:21

Ento pi Israel ewacu kumae, Ceng’ du ari nithang’u cinga ni ju ma gi juco man jupiem.