Tic Mi Jukwenda 13:52 - The Holy Bible In Alur (Lur) Revised Orthography

⁵² E mutoro ku Tipo Maleng’ de pong’o julub.

Tic Mi Jukwenda 13:52 ပူးပေါင်းရင်းမြစ်များ

Matayo 5:12

Anyong’a negwu, ku mutoro ma dit de: kum sukulia mu e dit i polo: kum ginyayu ragedo kum jubila m’ular uwok iwu bende.

Tic Mi Jukwenda 11:29

E julub kubang’gi ceke gikeco ya gior piny ma kakorgi bang’ umego ma gini i Yahudi

Tic Mi Jukwenda 2:4

E kagi ceke Tipo Maleng’ uromogi, man gimaku weco ku dhok ma nge nge, calu wec ma Tipo mio igi.

Tic Mi Jukwenda 2:46

Man ku ba rupiny ku ba rupiny, ma gibedo asu ku cwinygi m’uripo acel i hekalu, ku kwen m’ang’weka de i udigi, gijolo cemo migi ku mutoro kwa kud adunde m’ucungo acel,

Tic Mi Jukwenda 4:31

E ka gidaru rwo ka ma gicoko ie dhoggi karacelo yengre; e kagi ceke Tipo Maleng’ uromogi, man giyero lem pa Mungu ku tegocwiny.

Tic Mi Jukwenda 5:41

E ka kumeno giai kud i dilo, ma anyong’a negogi kum jukwanu ya giromo sendri mai jujwigo kogi kum Nying’ maeni.

Jurumi 14:17

kum ker pa Mungu en e camu giracama man madhu giramadha de ngo, endre bedopwe man kwiocwiny kud anyong’a i Tipo Maleng’.

Jurumi 15:13

Nie dong’ Mungu mi genogen upong’wu kud anyong’a ceke ku kwiocwiny i yic ma wuyio, kara wusegru i genogen, i tego pa Tipo Maleng’.

Jurumi 5:3

Man kumeni kende ngo ento anyong’a negowa i masendi mwa bende: ma wang’eyo ko ya masendi nyayu twiocwiny;

2 Jukorinto 8:2

maram ku muloic ma dit mi can e dit mi mutoro migi man can piny migi ma apila usagre ni lonyo mi miomic migi ma ku berocwinygi.

Jugalatia 5:22

Ento nying’ Tipo en e mer, ku mutoro, ku kwiocwiny, ku mwonyolembe hai, ku bedo ber ku dhanu, ku berocwiny, ku bedo mandha,

1 Jutesaloniki 1:6

Man wudoko jupor mwa, ku pa Rwoth, wun ma wudaru jolo lembe i can ma dit, kud anyong’a mi Tipo Maleng’;

Yakobo 1:2

Umego, tek wupodho i udul abidhe, wukwane ceke ni mutoro;

1 Petro 4:13

ento kum wu jurib mi sendri pa Kristu, anyong’a negwu; kara i nyuth mi dwong’ pare bende anyong’a negwu kud anyong’a ma dit apila.