Ruth 4:10 - The Holy Bible In Alur (Lur) Revised Orthography

¹⁰ Mange ke ang’iewo Ruth ma Nyamoabi, ma ci Malon, ubed dhaku para, kara uting’ nying’ ng’atu m’utho wi aba pare, kara nying’ ng’atu m’utho kud urwiny kind utumin, man kud i dhugang’ mi kakare: wu jumulembe tinuni.

Ruth 4:10 ပူးပေါင်းရင်းမြစ်များ

Thangambere 29:27

Tim yenga bo pi maeni, man wabimio iri mucelo bende pi tic m’ibitimo ira rundi abiro mange.

Thangambere 38:9

Man Onan ung’eyo nia kodhi bibedo pare ngo; man etimbre, kinde m’emondo ba dhaku p’umin, nia eoyo kodhine i ng’om, kara kud emi kodhi ni umin.

Zaburi 109:15

Wek gibed i wang’ Yehova thiri thiri, Kara ekab poi ma pigi woko kud i ng’om;

Zaburi 34:16

Wang’ Yehova ni kum ju m’utimo rac, Kara ekab poi ma pigi woko kud i ng’om.

Lembrieko 18:22

Ng’atu ma tek unwang’u dhaku nwang’u enwang’u gin ma ber, Man egamu bero ba Yehova.

Lembrieko 19:14

Ot ku lonyo en e aba ma ai ba wego; Ento dhaku ma won pidoic ai ba Yehova.

Isaya 48:19

kuno di kodhini de bedo calu kwio, nyikwei m’i ii bedo calu nying’ kwione: kuno di nyinge kabre woko ngo kadi unyothre de i wang’a.

Hoseya 12:12

Man Yakobo ringo i podho mir Aram, man Israel utimo pi dhaku, man pi dhaku ekwayu rombe.

Hoseya 3:2

Kum kumeno ang’iewo dhakune ira ku sente mi mola ma tar apar wi abic, man Icatoko apar wi acel mi nganu ma tung’, man katoko abic ku ma kore mi nganu ma tung’;

Zekaria 13:2

Man ebitimbre i ceng’ maeca, Yehova mir udul uwacu, nia abithumo nying’ mungu m’araga woko kud i ng’om e jubipoi pigi kendo ngo; man abiwodho jubila ku tipo m’ucido bende woko kud i ng’om.

Malaki 2:14

Ento wuwacu kumae, Nedi? Kum Yehova en e jamulembe i kindwu wuku dhaku mir aradu peri, m’itimo ire kud awondi, kadok en e wedu, man dhaku mi lembariba peri.

Juefeso 5:25

Cogmon, wumar mondwu, cil calu Kristu bende maru kanisa, man emire gire pire;

Poi Mi Cik 25:6

Man ebibedo, nia kayu m’enyolo bilubo tok umin m’utho ku nyinge, kara nyinge kud ukabre woko i kind Israel.

Juebrania 13:4

Wek gam ma jugambri ko bed ku yung i kind jo ceke, kavuto de kud ubed m’ecido: kum weg tarwang’ man weg gier Mungu bipoko lembe migi.

Yocuwa 7:9

Kum Jukanani ku ju m’ubedo i ng’om ceke gibiwinjo pire, man gibitiekowa gbur man gibithumo nyingwa woko kud i ng’om: e ibitimo ang’o pi nyingi ma dwong’i?

Ruth 4:9

Man Boaz uwacu ni judongo, man ni dhanu ceke kumae, Wun wu jumulembe tinuni, nia ang’iewo gin ceke ma naka pa Elimelek, ku gin ceke ma naka pa Kilion man pa Malon, i cing’ Naomi.