Ruth 3:7 - The Holy Bible In Alur (Lur) Revised Orthography

⁷ Man ka Boaz udaru camu ku madhu de, anyong’a de nego adundene, ecidho nivuto ng’et cam ma judhuro: e ebino yo yo, man eyabu wi tiende, e evuto piny.

Ruth 3:7 ပူးပေါင်းရင်းမြစ်များ

Thangambere 43:34

Man eoro cam igi kud i bang’e: ento cam pa Benyamin usagu migi wang’ abic. E gimadhu, man anyong’a negogi gikugi.

2 Samwil 13:28

Man Absalom ung’olo ni jutic pare, ewacu kumae, Wunen kawono, kinde ma pigulok umero adunde Amnon; man kinde m’awacu iwu kumae, Goi Amnon, e wunege; lworo kud unegwu; ang’olo iwu ngo? wubed ku tegocwiny, man wubed jiurukara.

1 Ubimo 21:7

Man Yezebel ma dhaku pare wacu ire kumae, Kawono ibimo ker mir Israeli? ai malu, man icam kwen, man wek anyong’a neg adundeni: abimio iri podho mir ulok pa Naboth ma Jayezreli.

Ester 1:10

I ceng’ mir abirone, ka pigulok umero adunde ubimo, eng’olo ni Mehuman, ku Biztha, man Harbona, ku Bigtha, man Abagtha, man Zethar, man Karkas gi jutic abiro ma gitimo i vut Ahasuerus m’ubimo,

Zaburi 104:15

Man pigulok ma nyayu mutoro i adu nde dhanu, Man mo kara urieny wang’e, Man kwen ma mio tego ni adunde dhanu.

Eklizia 10:19

Jutimo agba mi ng’iero, man pigulok nyayu mutoro i kwo; man sente en e lokolembe mi gin ceke.

Eklizia 2:24

Man gin moko mbe ma ber ni dhanu ma sagu tek ecamu emadhu de, man eketho anyong’a neg ng’eyong’ec pare kum gin ma ber mi tic mi muli pare. Maeni bende aneno, nia eai i cing’ Mungu.

Eklizia 8:15

Alund afoyo anyong’a, kum dhanu bedo ku gin ma ber ma sagu ngo the ceng’, ma sagu camu, ku madhu, man bedo kud anyong’a: kum maeno bibedo kude i tic mi muli pare i nindo ceke mi kwo pare ma Mungu mio ire the ceng’.

Eklizia 9:7

Cidh i yo peri, cam kwen peri ku mutoro, man madh pigulok peri kud adunde mi mutoro; kum Mungu daru jolo tic peri.

1 Jukorinto 10:31

Ka kumeno kadok wucamu, kadi wumadhu, kadi gin ceke ma tek wutimo, wutim ceke ni dwong’ pa Mungu.

Juefeso 5:18

Man kud wumer ku pigulok, ma ie ju rop, ento dong’ Tipo re m’uromwu;

Jupoklembe 16:25

Man etimbre, kinde m’anyong’a nego adundegi, nia giwacu kumae, Wulwong’ Samson, kara enyai lele iwa. Man gilwong’o Samson kud i otkol; man enyayu lele i wang’gi. Man gikethe i dier mbegi:

Jupoklembe 19:22

Man ka gibenyayu mutoro i adundegi, nen, dhanu mir adhurane, ma gi dhanu moko ma rac, gitieko ot kingili, ma gidwong’o ko dhugola; man giyero ni won ot, ma ng’atu m’utine kumae, Wodh ng’atu m’ubino i ot peri woko, kara wang’eye.

Jupoklembe 19:6

Kum kumeno gibedo piny, man gicamu gimadhu de, gin ario karacelo: man won nyaku wacu ni ng’atuca kumae, Akwei, dong’ ebed ber iri ya ibed diewor soro, man wek anyong’a neg adundeni.

Jupoklembe 19:9

Man ka ng’atuca giai malu kara gicidhi, en, ku dhaku pare m’araga, man jatic pare, jalkwaru mire, ma won nyaku, wacu ire kumae, Nen, kawono ceng’ uvoc, akwei ibed ku diewor soro: nen, ceng’ umaku mwony, vut keni, kara anyong’a neg adundeni; man urwone Wucidh i yo mu pir kugweno, kara idok thu.

Ruth 3:6

Man eloro piny wi lelacam, man etimo ceke calu wang’u mire wacu ire.

Ruth 3:8

Etimbre diewor ma ling’, nia lworo nego ng’atuno, man elokre gire; man, nen, nyaku vuto the tiende.