Ruth 2:4 - The Holy Bible In Alur (Lur) Revised Orthography

⁴ Man, nen, Boaz uai Beth-lehem, man ewacu ni jukai kumae, Yehova bed kudu. Gidwoko ire lembe kumae, Yehova mi mugisa iri.

Ruth 2:4 ပူးပေါင်းရင်းမြစ်များ

Thangambere 18:19

Kum ang’eye, nia ebing’olo ni nyithindhe ku juode yo ng’eye, kara giwor yo pa Yehova, kara gitim bedopwe man lembapoka; kara Yehova kel lembe m’eyero pire wi Ibrahim.

Thangambere 28:3

E Mungu ma Jategokpo mi mugisa iri, man eketh inyai, emedi de, kara idok ni udul kodhidhanu;

I Lemkei 2:51

man Salma ma won Beth-lehem, man Haref ma won Bethgader.

Zaburi 118:26

Mugisa kwany ng’atu m’ubino ku nying’ Yehova: Wamio mugisa iri kud i ot pa Yehova.

Zaburi 134:3

Yehova mi mugisa iri kud i Sayuni; En e ng’atu m’utimo polo ku ng’om.

Yeremia 31:23

Yehova mir udul, Mungu mir Israel uwacu kumae, Gibiweco wec maeni i ng’om mi Yuda man i adhurane, kinde m’adwoko ng’eca migi kendo; Yehova mi mugisa iri, E kabedo mi bedopwe, E gudi mi leng’cwiny.

Kitabu Mir Ang’wende Pa Musa Wel 6:24

Yehova mi mugisa iri, man egwoki:

Luka 1:28

Emondo i bang’e, man ewacu kumae, Moth iri, in ma mugisa kwenyi, Rwoth ni kudi.

2 Jutesaloniki 3:16

Nie dong’ Rwoth mi kwiocwiny en emi iwu kwiocwiny i nindo ceke i yo ceke de. Dong’ Rwoth ubed kudu ceke.

1 Timoteo 6:2

Ju ma judongo m’i wigi de gi juyic, ku gicaigi, kum gi utumego; endre ma sagu wek gitim igi, kum gi juyic ku jumer bende ma ginwang’u kuloka ku timo ber. Ponj gin maeni man ijuk juk de.

2 Timoteo 4:22

Dong’ Rwoth ubed ku cwinyi. Dong’ bero bed i beng’wu.

Yocuwa 24:15

E tek ebedo rac iwu ya wutim ni Yehova, wufoi tinuni ng’atu ma wubitimo ire; tek ni mungu ma kwaruwu timo igi loka Kulo, kadi ni mungu mi Juamori, ma wubedo i ng’om migi: ento an ku ot para, wabitimo ni Yehova.

Jupoklembe 6:12

Man malaika pa Yehova wok i bang’e, man ewacu ire kumae, Yehova ni kudi, in i ng’atu ma tek ma jarukara.

Jupoklembe 6:16

Man Yehova wacu ire kumae, Wabibedo wakudi andha, man ibigoyo Jumidiani calu ng’atu acel.

Ruth 2:3

E ecidho, man ebino beko kund cam i podho i ng’ei jukai: etimbre ire nia ewok i ng’et podho ma en e piny pa Boaz, ma en e wat pa Elimelek.

Ruth 2:5

Boaz ulund uwacu ni jatic pare ma juketho wi jukai kumae, Nyaku maeni pa ng’a?

Ruth 4:11

E dhanu ceke ma gini dhugang’, man judongo, giwacu kumae, Wan wa jumulembene. Yehova uketh dhaku m’ubino i ot peri calu Rahel ku Leya, gi mon ario ma gigomo ot mir Israel: man igam iri lonyo i Efratha, man ibed ma rwongi yik i Beth-lehem:

1 Samwil 17:37

Man Daudi wacu kumae, Yehova m’ubodha kud i cing umvor, man kud i cing undiek, ebibodha kud i cing’ Jafilisti maeni. E Saul uwacu ni Daudi kumae, Cidhi, man Yehova bibedo kudi.