Ruth 2:2 - The Holy Bible In Alur (Lur) Revised Orthography

² E Ruth ma Nyamoabi wacu ni Naomi kumae, Wek acidh kawono i podho, abek kund cam i kind kumna cam yo tok ng’atu m’abinwang’u bero i wang’e. Man ewacu ire kumae, Cidhi, nyara.

Ruth 2:2 ပူးပေါင်းရင်းမြစ်များ

Thangambere 32:6

Man jukwenda gidwogo ba Yakobo, giwacu kumae, Wawok bang’ umeru ma Esau, man kendo ebebino rombo kudi, ku dhanu dak ang’wen ma ni kude.

Lembe Mi Julawi 19:10

Man kud ibek kund podho mir ulok peri, kadok nying’ podho mir ulok peri m’upodho de kud icoki; wekgi ni jacan man ni umondo: an a Yehova Mungu mu.

Lembe Mi Julawi 19:16

Kud iwoth kun ku kun calu janying’ i kind juthu: kadi kud icung kum rimo pa wedu: an a Yehova.

Lembe Mi Julawi 19:9

Man kinde ma wukayu mwoka mi ng’om mu, kud ikai gund podho peri kur kur, kadok kund mwoka peri de kud ibeki.

Lembe Mi Julawi 23:22

Man kinde ma wukayu mwoka mi ng’om mu, kud ikai gund podho peri ceke, kadok kund mwoka de kud icoki: wekgi ni jacan, man ni umondo: an a Yehova Mungu mu.

Ruth 2:3

E ecidho, man ebino beko kund cam i podho i ng’ei jukai: etimbre ire nia ewok i ng’et podho ma en e piny pa Boaz, ma en e wat pa Elimelek.

Ruth 2:7

manewacu kumae, Apenji, ng’ol ira abek kund cam man acok i ng’ei jukai cam i kind kumna ma jutwio. Kum kumeno ebino, man ebedo ugambre kugweno cil ku kawono, ento ebedo nyanok i ot.

1 Samwil 1:18

E ewacu kumae, Dong’ bong’ peri unwang’ bero i weng’i. Kum kumeno dhakune cidho i yo pare, man ecamu; man can umbe i wang’e kendo.