Ruth 1:16 - The Holy Bible In Alur (Lur) Revised Orthography

¹⁶ E Ruth uwacu kumae, Kud ikwai nia aweki, man adok kud alub toki; kum ka m’icidho i ie, an de abicidho keca; man ka m’igonjo i ie, an de abigonjo keca; juthu gibibedo juthuwa, man Mungu peri bibedo Mungu para;

Ruth 1:16 ပူးပေါင်းရင်းမြစ်များ

2 Samwil 15:21

Man Itai uloko lembe bang’ ubimo, ewacu de kumae, Calu Yehova bedo kwo, man calu rwoth para m’ubimo bedo kwo, andha i ka ma tek Rwoth para m’ubimo bibedo i ie, tek mi tho kadi mi kwo, e jatic peri bende bibedo keca.

Zaburi 45:10

Winji, E nyaku, man ii pid, man icik ithi; Wii wil bende kum juthu, man pi ot pa wuru:

Lembrieko 17:17

Jarimo bedo ku mer i nindo ceke; Man junyolo umego mi can.

Isaya 14:1

Kum kisa binego Yehova kum i Yakobo, e ebifoyo Israel kendo, man ebikethogi i ng’om migi ma dhe: e umondo biribre gire kugi, man gibimoko kum ot pa Yakobo.

Daniel 2:47

Ubimo loko lembe ni Daniel, man ewacu kumae, Andha Mungu mu en e Mungu mi mungu, man Rwoth mi ju m’ubimo, man en e ng’atu ma nyutho lembamung’a, kum icopo nyutho lembamung’a maeni.

Daniel 3:29

Ka kumeno atimo cik, nia ku ba kodhidhanu ceke, man thek ceke, ku dhok, ma biyero lem cac moko kum Mungu pa Cadrak, ku Mecak, man Abed-nego, jubithume nziki nziki, man udi migi jubidwoko ni udhuru mi weyo; kum mungu mange robe ma copo bodho calu maeni.

Daniel 4:37

Kawono, an a Nebukadnezar, apaku man afoyo man ayungo Ubimo m’i polo; kum tic pare ceke en e andha, man yo pare pwe; e ju m’uwotho ku kuhaya ecopo jwigo.

Hoseya 13:4

Ento an a Yehova Mungu peri ugambre kud i ng’om Misiri; man kud ing’ei mungu moko ndhu an, man jalar moko mbe m’umedo an.

Zekaria 8:23

Yehova mir udul uwacu kumae: I ceng’ maeca ebitimbre, nia co apar, kud i dhu thek ceke, gibimaku dhu kendi pa Jayahudi, gibiwacu kumae, Wabicidho wakudu, kum wa winjo nia Mungu ni kudu.

Matayo 8:19

E jagorcik moko bino, ewacu ire de kumae, Japonji, abilubo ng’ei ka ma tek icidho i ie ceke.

Yohana 13:37

Petro wacu ire kumae, Rwoth, nedi acopo lubo ng’ei ngo kawono? Abimio kwo para piri.

Tic Mi Jukwenda 21:13

E Paolo lund uloko lembe kumae, Wubeywak, wuluro ko adundena nedi? kum abedo ayika mi twic kende ngo, ento mi tho bende i Yerusalem pi nying Rwoth Yesu.

1 Jutesaloniki 1:9

Kum joni giyero piwa gigi pi mondo mwa m’i beng’wu maram ebedo ko; man ke maram wulokru ko ni Mungu ku kum ayi gin m’acwia, kara wutim ni Mungu ma kwo mandha de,

Yocuwa 24:18

man Yehova riemo kodhidhanu ceke woko kud i wang’wa, en e Juamori m’ubedo i ng’ombe: ka kumeno wan bende wabitimo ni Yehova; kum en e Mungu mwa.

Lembanyutha 14:4

Joni gi ju ma gicido ngo ku mon; kum gi ju ma sumba. Joni gi ju ma gilubo Nyathi Rombo ku ba ka m’ecidho i ie ceke. Joni jung’iewogi kud i kind dhanu, ya gibed ni landu mwoka ni Mungu man ni Nyathi Rombo.

Ruth 1:15

Man ewacu kumae, Nen, dhaku wedu bedok ba juthugi, man ba mungu pare: in de dok tok dhaku wedu.

Ruth 1:17

ka m’itho i ie, an de abitho keca, keca de jubiyika: Yehova tim kumeni i bang’a, ma sagu bende, tek lembe moko nuti ma en e tho ngo ma bipokowa wakudi.

Ruth 2:6

E jatic ma juketho wi jukai uloko lembe man ewacu kumae, En e nyaku ma Nyamoabi ma gidwogo giku Naomi kud i ng’om Moab:

Ruth 4:15

Man ebibedo iri ni ng’atu ma dwoko kwo, man ng’atu m’ugwoko tio peri; kum ci wodi, m’umeri, ma en e kuloka iri ma sagu wot abiro, enyole.