Kitabu Mir Ang’wende Pa Musa Wel 9:15 - The Holy Bible In Alur (Lur) Revised Orthography

¹⁵ Man i ceng’ ma juting’o ie hema malu afuru umo hema, en e hema mi lembatuca: man uthieno eni wi hema calu en e ayi mac, cil kugweno.

Kitabu Mir Ang’wende Pa Musa Wel 9:15 ပူးပေါင်းရင်းမြစ်များ

Nehemia 9:12

Man ke itelo wigi ku dieceng’ ku mbegi mir afuru; man ku mbegi mi mac ku diewor, kara umi igi der i yo ma maku giwoth i ie.

Nehemia 9:19

ento in i udul kisa peri ikunogi ngo i langa: mbegi mir afuru ai kud i wigi ngo ku dieceng’, kara: utel wigi i gengi; kadok mbegi mi mac ku diewor, kara unyuth igi der, ku yo ma maku giwoth i ie.

Zaburi 105:39

Epedho afuru ni jambum, Man mac kara umi der ku diewor.

Zaburi 78:14

Dieceng’ bende etelo wigi kud afuru, Man diewor soro ku der mi mac.

Ai 13:21

Man Yehova cidho i wang’gi ku dieceng’ kud i mbegi mir afuru, kara utel wigi i yo, man ku diewor i mbegi mi mac, kara umi igi der; kara giwoth ku dieceng’ man ku diewor:

Ai 13:22

mbegi mir afuru ku dieceng’, man mbegi mi mac ku diewor, uai ungo kud i wang’ dhanu.

Ai 14:24

Man etimbre i kur mi kugweno, nia Yehova neno wi udul Misiri ku wi mbegi mi mac man mir afuru, man esendo udul mi Jumisiri.

Ai 40:2

I ceng’ ma kwong’ane mi dwi ma kwong’ane iting’ hema mi hema mi cokri malu.

Ai 40:34

Afuru lund uumo hema mi cokri, man dwong’ pa Yehova pong’o hema.

Ai 40:35

E Musa copo mondo i hema mi cokri ngo, kum afuru bedo i wie, man dwong’ pa Yehova pong’o hemane.

Ai 40:38

Kum afuru pa Yehova ni wi hema ku dieceng’, man mac ni i ie ku diewor, i wang’ juot mir Israel ceke, cil i woth migi ceke.

Isaya 4:5

Man Yehova biewio afuru ku yiro ma ku dieceng’, man rieny mi lebmac ma ku diewor; wi kabedo dho mi got Sayuni, man wi cokri pare; kum jubipedho girauma wi dwong’ne ceke.

Kitabu Mir Ang’wende Pa Musa Wel 10:34

Man afuru pa Yehova ni i wigi ku dieceng’, kinde ma gitugo woth ma giai ko ku i kagonjo.

Kitabu Mir Ang’wende Pa Musa Wel 14:14

e gibiyero maeni ni ju m’ubedo i ng’om maeni. Giwinjo nia ini Yehova ini i kind dhanu maeni; kum in i Yehova juneni wang’ ku wang’, man afuru peri cungo i wigi, man icidho i wang’gi, i mbegi mir afuru ku dieceng’, man i mbegi mi mac ku diewor.

Kitabu Mir Ang’wende Pa Musa Wel 17:7

Man Musa ketho dul malu i wang’ Yehova i hema mi lembatuca.

1 Jukorinto 10:1

Kum ayenyo ngo wubed cobo, umego, ya wegwa ceke yang’ gini ther afuru, man kagi ceke gikadhu kud i nam;

Poi Mi Cik 1:33

m’ucidho i weng’wu i yo, kara eyeny iwu ka ma wugur ie hema mu, i mac ku diewor, kara enyuth iwu yo ma kani ma wucidh i ie, man i afuru ku dieceng’.