Kitabu Mir Ang’wende Pa Musa Wel 7:10 - The Holy Bible In Alur (Lur) Revised Orthography

¹⁰ Man judongomawijo githiero giramia mi thier wi pemblam i ceng’ ma juwire i ie, en e judongomawijo githiero girathiera migi i wang’ pemblam.

Kitabu Mir Ang’wende Pa Musa Wel 7:10 ပူးပေါင်းရင်းမြစ်များ

1 Ubimo 8:63

Man Suleman uthiero koni dhiang’ rubanga pier ario, ku rombe rubanga dak acel ku pier ario ni Yehova, ni lam mi kwiocwiny. Kum kumeno ubimo ku nyithindho mir Israel ceke githiero ot pa Yehova.

2 Lemkei 7:5

Man ubimo ma Suleman uthiero lam mi koni dhiang’ rubanga pier ario wi ario, man rombe rubanga dak acel ku pier ario. Kum Icumeno ubimo ku dhanu ceke githiero ot pa Mungu.

2 Lemkei 7:9

Man i ceng’ mir aborane giketho cokri mi rwo: kum giketho thier mi pemblam ubedo ceng’ abiro, man agba de ceng’ abiro.

Nehemia 12:27

Man ka juthiero gang’kidi mi Yerusalem giyenyo Julawi kud i ka ma gini i ie ceke, kara gikelgi i Yerusalem, kara gitim thier kud anyong’a, man ku foyofoc, man ku wer, man kud umbukulumbu, man adungu, ku nanga.

Nehemia 12:43

E gimio lam ma dit i ceng’ maeca, man anyong’a negogi; kum Mungu ketho anyong’a nyai ku mutoro ma dit; e mon ku nyithindho bende anyong’a negogi: ketho nia juwinjo mutoro mi Yerusalem ku bor.

Zaburi 30:1

Abiyungi, E Yehova; kum iting’a malu, Man iketho anyong’a nego judegi para ngo i kuma.

Kitabu Mir Ang’wende Pa Musa Wel 7:1

Man etimbre i ceng’ ma Musa daru ting’o ie hema malu, man ewire edwoke leng’ de, ku jamnine ceke, ku pemblam man agulune ceke, man ewirogi edwokogi leng’ de;

Kitabu Mir Ang’wende Pa Musa Wel 7:11

E Yehova wacu ni Musa kumae, Gibithiero girathiera migi, ku ba judongomawijo ku ba judongomawijo ng’atuman i ceng’ pare, ni thier mi pemblam.

Kitabu Mir Ang’wende Pa Musa Wel 7:84

Maeni en e giramia mi thier mi pemblam, i ceng’ ma juwire i ie ku mo, ni kum judongomawijo mir Israel: atangla mi mola ma tar apar wi ario, ku tabu mi mola ma tar apar wi ario, man upal mi mola ma kwar apar wi ario;

Kitabu Mir Ang’wende Pa Musa Wel 7:88

man koni dhiang’ ceke mi lam mi girathiera mi kwiocwiny en e thwoni dhiang’ pier ario wi ang’wen, nyogi rombe ke pier abusiel, nyogi diegi ke pier abusiel, man nyithi nyogi rombe ma rundigi acel acel pier abusiel. Maeni en e giramia mi thier mi pemblam, yo ng’ei wire ku mo.

Poi Mi Cik 20:5

E jego biyero ni dhanu, gibiwacu kumae, Ng’a m’ugomo ot ma nyen, m’ethiere ngo? wek ecidh edok i ot pare, emaru tho i lwiny, man dhanu mange maru thiero ode.