Kitabu Mir Ang’wende Pa Musa Wel 5:19 - The Holy Bible In Alur (Lur) Revised Orthography

¹⁹ Man jalam biketho ekwong’o kwong’, man ebiwacu ni dhakune kumae, Tek ng’atu moko ma nico vuto kudi ngo, man tek ikier ungo ku kum acidi, m’ibedo the cing’ cweri, ibed agonya ni pi ma kec maeni ma kelo kwong’.

Kitabu Mir Ang’wende Pa Musa Wel 5:19 ပူးပေါင်းရင်းမြစ်များ

Kitabu Mir Ang’wende Pa Musa Wel 5:12

Yer ni nyithindho mir Israel, man iwac igi kumae, Tek dhaku pa ng’atu moko kier, man edubo ire,

Kitabu Mir Ang’wende Pa Musa Wel 5:18

E jalam biketho dhakune i wang’ Yehova, man ebigonyo yuk wi dhakune, e ebiketho lam mi mogo mi poi i cinge, ma en e lam mi mogo mi nyeko: man jalam bibedo ku pi ma kec ma kelo kwong’ i cinge.

Kitabu Mir Ang’wende Pa Musa Wel 5:28

Man tek dhakune cido ngo, ento ebedo leng’; ebilund bedo agonya, man ebigamu ie.

Matayo 26:63

Ento Yesu bedo pare ling’. Jalam ma dit de wacu ire kumae, Aketho ikwong’o ku Mungu ma kwo, ya iwac iwa tek in i Kristu, ma Wod Mungu.

Jurumi 7:2

Kum dhaku ma cware nuti ebedo atwia ni cware ni kum cik i nindo ma fodi cwarene bedo kwo; ento tek cwarene tho, egonjre i cik pa cware.