Kitabu Mir Ang’wende Pa Musa Wel 4:18 - The Holy Bible In Alur (Lur) Revised Orthography

¹⁸ Kud wukab suru mi wat mi Jukohathi ku kind Julawi;

Kitabu Mir Ang’wende Pa Musa Wel 4:18 ပူးပေါင်းရင်းမြစ်များ

Ai 19:21

E Yehova wacu ni Musa kumae, Lor piny, ng’ol lembe ni dhanu, gimaru ng’enyo yo ba Mungu kara ginen, man kindgi dupa maru tho.

Ai 30:33

Ng’atu ma tek ujebo moko calu maeni, kadi ng’atu ma tek ukonjo kume moko wi jawirok, jubikabe woko ku ba juthugi.

Ai 30:38

Ng’atu ma tek bitimo calu maeno, kara eng’wiye, jubikabe woko ku ba juthugi.

Yeremia 38:23

E gibiwodho mon peri ceke ku nyithindhi ba Jukaldayo; e ibiboth ungo kud i cing’gi, ento cing ubimo mi Babeli bimeki: e ibiketho juwang’u adhura maeni ku mac.

Kitabu Mir Ang’wende Pa Musa Wel 16:32

e ng’om ung’amu dhoge, man emwonyogi, ku juudigi, ku dhanu ceke ma pa Kora, ku piny migi ceke.

Kitabu Mir Ang’wende Pa Musa Wel 17:10

Man Yehova wacu ni Musa kumae, Dwok dul pa Harun i wang’ lembatuca, kara jugwoke ni giranyutha ni nyithindho mi jai; kara ijig ng’ur migi i kuma, kara ku githo.

Kitabu Mir Ang’wende Pa Musa Wel 18:5

E wubigwoko kur mi kamaleng’, man kur mi pemblam; kara kwinyo kud ubed kendo Wi nyithindho mir Israel.

Kitabu Mir Ang’wende Pa Musa Wel 3:27

Man wat mi Juamrami, ku wat mi Juizhari, man wat mi Juhebroni, ku wat mi Juuzieli en e pa Kohath: maeni gi wat mi Jukohathi.

Kitabu Mir Ang’wende Pa Musa Wel 4:17

E Yehova yero ni Musa man ni Harun, ewacu kumae,

Kitabu Mir Ang’wende Pa Musa Wel 4:19

ento wutim kumae i kumgi, kara gibed kwo, man ku githo, kinde ma gibino ceng’ni ba gin ma leng’ m’usagu: Harun ku wote bimondo, man gibikethogi kubang’gi kubang’gi ng’atuman ba tic pare man ba ter pare;

1 Samwil 6:19

Man egoyo kind dhanu m’i Beth-cemec, kum gineno i sanduk pa Yehova, e egoyo kind dhanune pier abiro, man dhanu rubanga pier abic; e dhanune giywak, kum Yehova goyo dhanune ku nek ma dit.