Kitabu Mir Ang’wende Pa Musa Wel 4:15 - The Holy Bible In Alur (Lur) Revised Orthography

¹⁵ Man kinde ma Harun ku wote gidaru umo kamaleng’, ku jamni ceke mi kamaleng’, kinde ma gonjo maku tugo woth; yo ng’ei maeno, wot Kohath bibino yeye: ento gibimulo kum gin ma leng’ ungo, gimaru tho. Gin maeni en e ter mi wot Kohath i hema mi cokri.

Kitabu Mir Ang’wende Pa Musa Wel 4:15 ပူးပေါင်းရင်းမြစ်များ

2 Samwil 15:24

Man, nen, Zadok bende bino, ku Julawi ceke gikugi, ma gibeyeyo sanduk mi lembariba pa Mungu; e giketho sanduk pa Mungu piny; man Abiathar uidho malu, maram dhanu ceke gikadhu ko ku i adhura.

2 Samwil 6:13

Man ebedo kumeno, nia, kinde ma ju m’uyeyo sanduk pa Yehova gidaku tiendgi wang’ abusiel, elamu koni dhiang’ ku ma ful ful.

1 Ubimo 8:3

E judongo mir Israel ceke gibino, man julam giting’o sanduk.

I Lemkei 15:15

Man nyithindho mi Julawi giyeyo sanduk pa Mungu wi gokgi ku yen m’i kume, calu Musa ng’olo calku lembe pa Yehova.

I Lemkei 15:2

Daudi lund uwacu kumae, Maku jumoko kud uyei sanduk pa Mungu ndhu Julawi: kum Yehova goyo wigi ya giyei sanduk pa Mungu, man gitim ire nja.

I Lemkei 23:26

man Julawi bende can yeyo hema binegogi ngo kud agulune ceke pi timotimne.

Ai 19:12

Man ibiguro kieu gbur kum dhanune, ibiwacu kumae, Wukuru giwu, kara kud wuidh malu kor got, kadi kud wumul kume de: ng’atu ma tek umulo kum got jubiketho etho andha:

Ai 19:21

E Yehova wacu ni Musa kumae, Lor piny, ng’ol lembe ni dhanu, gimaru ng’enyo yo ba Mungu kara ginen, man kindgi dupa maru tho.

Ai 27:7

Man juroi yende i wende, man yende bibedo wi ng’et pemblam ario, i kinde mi yeine.

Lembe Mi Julawi 16:13

man ebiketho udok ma ng’ wice ng’ame wi mac i wang’ Yehova, kara afuru mir udok ma ng’wice ng’ar uum kabedomikisa ma ni wi lembatuca, kara kud etho:

Kitabu Mir Ang’wende Pa Musa Wel 1:50

ento iketh Julawi wi hema mi lembatuca, man wi jamnine ceke, man wi gin ceke ma jamnine: gibiyeyo hema, ku jamnine ceke; man gibitimo tim i kume, e gibigonjo i ng’et hema gbur.

Kitabu Mir Ang’wende Pa Musa Wel 1:51

Man kinde ma hema biwotho Julawi bituge piny; man kinde ma jubiguro hemane, Julawi biting’e malu; man jawirok m’ucoro ceng’ni jubinege.

Kitabu Mir Ang’wende Pa Musa Wel 10:21

Man Jukohathi tugo woth, ma gibeyeyo kamaleng’: man jumange giketho hema cungo ma fodi giwok ungo.

Kitabu Mir Ang’wende Pa Musa Wel 18:3

Man gibigwoko kur peri, ku kur mi Hema ceke: ento gibicoro ceng’ni agulu mi kamaleng’ man ba pemblam ungo, kara ku githo, kadok gin, kadi wun.

Kitabu Mir Ang’wende Pa Musa Wel 3:38

Man ju m’ugonjo i wang’ hema ma yo nyangu, i wang’ hema mi cokri yo ku wokceng’, bibedo Musa, man Harun ku wote, ma gibegwoko kur mi kamaleng’ pi kur mi nyithindho mir Israel; man jawirok m’ucoro ceng’ni jubinege.

Kitabu Mir Ang’wende Pa Musa Wel 4:14

man gibiketho agulune ceke i wie, ma gitimo tim kudo i vute, atangla mi mac, ku gol mi ring’o, kud upal, kud alibi, kud agulu ceke mi pemblam; man gibipedho jambum mi lau yedi m’i nam i wie, man gibiroyo yende.

Kitabu Mir Ang’wende Pa Musa Wel 4:19

ento wutim kumae i kumgi, kara gibed kwo, man ku githo, kinde ma gibino ceng’ni ba gin ma leng’ m’usagu: Harun ku wote bimondo, man gibikethogi kubang’gi kubang’gi ng’atuman ba tic pare man ba ter pare;

Kitabu Mir Ang’wende Pa Musa Wel 4:20

ento gibimondo nineno kamaleng’ kadok nyathigi de ngo, gimaru tho.

Kitabu Mir Ang’wende Pa Musa Wel 7:9

Ento emio moko ngo ni wot Kohath, kum tic mi kamaleng’ en e migi; giyeye wi gokgi.

Poi Mi Cik 31:9

E Musa kiewo cik maeni, man emie ni julam ma wot Lawi, m’uyeyo sanduk mi lembariba pa Yehova, man ni judongo ceke mir Israel.

Yocuwa 4:10

Kum julam m’uyeyo sanduk ucungo i die Yordan, cil ma gin ceke ma Yehova ng’olo ni Yocuwa ya eyer ni dhanu thum ko, calku gin ceke ma Musa ng’olo ni Yocuwa: e dhanune giruiri e gikadhu lokaca.

1 Samwil 6:19

Man egoyo kind dhanu m’i Beth-cemec, kum gineno i sanduk pa Yehova, e egoyo kind dhanune pier abiro, man dhanu rubanga pier abic; e dhanune giywak, kum Yehova goyo dhanune ku nek ma dit.