Kitabu Mir Ang’wende Pa Musa Wel 34:11 - The Holy Bible In Alur (Lur) Revised Orthography

¹¹ man kieu biloro piny gambre Cefam tundo kum Ribla, i ng’et Ain ma yo nyangu; e kieu biloro piny, man ebitundo ba ng’et nam mi Cinereth yo nyangu;

Kitabu Mir Ang’wende Pa Musa Wel 34:11 ပူးပေါင်းရင်းမြစ်များ

2 Ubimo 23:33

Man Farao-neko kethe i kol i Ribla i ng’om Hamath, kara kud ecam ker i Yerusalem; man egoyo ajok wi ng’ombe talanto mi mola ma tar dak acel, man talanto mi mola ma kwar acel.

2 Ubimo 25:6

Gilund gimaku ubimo, man gitere malu bang’ ubimo mi Babeli i Ribla; e gipoko lembe i wie.

Yeremia 52:10

E ubimo mi Babeli nego wot Zedekia i wang’e: enego judongomawijo mi Yuda ceke bende i Ribla.

Yeremia 52:9

E gilund gimaku ubimo, man gitere malu bang’ ubimo mi Babeli i Ribla i ng’om mir Hamath; man emio pokolembe i wie.

Kitabu Mir Ang’wende Pa Musa Wel 34:10

Man wubiporo kieu mu ma yo nyangu gambre Hazar-enan tundo kum Cefam;

Kitabu Mir Ang’wende Pa Musa Wel 34:12

man kieu biloro piny ba Yordan, man kawokne bibedo ba Nam Kadu. Maeni bibedo ng’om mu calku kieune m’utieke gbur.

Matayo 14:34

E ka gikadhu lokaca, gitundo dhu wath, ba Genesareti.

Luka 5:1

Nie etimbre, kinde ma udul dhanu gicungri i kume giwinjo lem pa Mungu de, nwang’u ecungo dhu nam Genesareti;

Yohana 6:1

Yo ng’ei gin maeni Yesu eidho loka nam mi Galilaya, ma en e nam mi Tiberia.

Poi Mi Cik 3:17

man Araba bende, ku Yordan man kieune, ugambre Cinereth utundo kum nam mir Araba, ma en e Nam Kadu, the kulo mi Pizga yo nyangu.

Yocuwa 11:2

man ba ju m’ubimo ma gini yor ariwa ma malu, i ng’om gudi, man i ng’om mir Araba ma yor ariwa ma piny ni Cineroth, man i ng’om poga, kud i ng’om m’utingre mi Dor yo reto,

Yocuwa 12:3

man ng’om mir Araba cil kum nam Cineroth, yo nyangu, man kum nam mir Araba, en e Nam Kadu, yo nyangu, yo ba Beth-yecimoth; man yor ariwa ma piny, the ka m’alora mi Pisga:

Yocuwa 13:27

man i poga, Beth-haram, man Beth-nimra, man Sukoth, ku Zafon, dong’ ker pa Sihon m’ubimo mi Hecbon, ku Yordan man kieune, cil kum ng’et nam Cinereth ma wi tung loka Yordan yo nyangu.

Yocuwa 19:35

E adhura ma tek en e Zidim, ku Zer, man Hamath, ku Rakath, man Cinereth,