Kitabu Mir Ang’wende Pa Musa Wel 31:28 - The Holy Bible In Alur (Lur) Revised Orthography

²⁸ Man wujok ajok ni Yehova ba dhanu mir ali ma gicidho woko ba lwiny: ku ba dak abic ku ba dak abic ng’eyong’ec acel, mi dhanu, man mi koni dhiang’, man mi kana, man mir udul rombe:

Kitabu Mir Ang’wende Pa Musa Wel 31:28 ပူးပေါင်းရင်းမြစ်များ

Thangambere 14:20

man mugisa ni Mungu ma Malu Ngbir, m’emio jukwoji i cingi. Man emio ire apaje mi gin ceke.

I Lemkei 18:11

Maeni bende ubimo ma Daudi thiero ni Yehova, karacelo ku mola ma tar man mola ma kwar m’eyaku ba thek ceke; kud i Edom, man kud i Moab, man ku ba nyithindho mir Amon, man ku ba Jufilisti, man ku bang’ Amalek.

2 Lemkei 15:11

E gilamu lam ni Yehova i ceng’ maeca, kum ayeki ma gikelo, koni dhiang’ dak abiro man rombe rubanga abiro.

Isaya 18:7

I nindo maeca jubitero giramia ni Yehova mir udul m’uai ba dhanu ma boco man ma juruyime ngo, en e ba dhanu mi ndiri ugambre i thekri migi cil asu, thek ma juporo ku mukero ma junyono piny de, ma ng’ombe kulo poko, jubitero ba ka mi nying’ Yehova mir udul, ba got Sayuni.

Isaya 23:18

Man kuloka pare ku sukulia pare bibedo leng’ ni Yehova: jubigwoke ngo kadi jubikane de ngo: kum kuloka pare bibedo ni ju m’ubedo i wang’ Yehova, kara gicam m’uromo, man mi kendi ma nindo.

Isaya 60:9

Andha cula bikura, man combo mi Tarcic ma kwong’ane, kara gikel woti ku bor, mola ma tar migi ku mola ma kwar migi karacelo kugi, pi nying’ Yehova Mungu peri, man pi Ng’atu Maleng’ mir Israel, kum eyungi.

Kitabu Mir Ang’wende Pa Musa Wel 18:21

Man nen, amio apaje ceke i Israel ni aba ni nyithindho pa Lawi, ka giratima migi ma gitimo, en e giratima mi hema mi cokri.

Kitabu Mir Ang’wende Pa Musa Wel 18:26

Man kendo ibiyero ni Julawi, man iwac igi kumae, Kinde ma wugamu apaje ba nyithindho mir Israel m’amio iwu m’uai i bang’gi ni aba mu, wubilund thier o ng’ete ni lam m’ating’a ni Yehova, en e apaje mir apaje.

Kitabu Mir Ang’wende Pa Musa Wel 31:29

wugame kum ng’ete migi, man wumie ni Eleazar ma jalam, ni lam m’ating’a pa Yehova.

Kitabu Mir Ang’wende Pa Musa Wel 31:30

Man kum ng’ete mi nyithindho mir Israel, ibigamu acel ma juwodho kud i kind pier abic kubang’gi kubang’gi, mi dhanu, mi koni dhiang’, mi kana, man mir udul rombe, cil mi lim ceke, man; ibimiogi ni Julawi, m’ugwoko kur mi hema pa Yehova.

Kitabu Mir Ang’wende Pa Musa Wel 31:47

cil kind ng’ete mi nyithindho mir Israel, Musa wodho acel kud i pier abic kubang’gi kubang’gi, mi dhanu man mi lim, man emiogi ni Julawi, m’ugwoko kur mi hema pa Yehova; calu Yehova ng’olo ni Musa.

Matayo 22:21

Giwacu ire kumae, Pa Kaisari. Elund ewacu igi kumae, Ka kumeno wumi ni Kaisari gin pa Kaisari; ni Mungu de gin ma pa Mungu.

Yocuwa 6:19

Ento mola ma tar ceke, ku mola ma kwar, kud agulu mi mola man mi nyunyu, gileng’ ni Yehova: jubikelogi i kakanpiny pa Yehova.

Yocuwa 6:24

Man giwang’u adhurane ku mac, ku gin ceke ma ni i ie; ndhu mola ma tar, ku mola ma kwar, man agulu mi mola ku mi nyunyu, e ma giketho i kakanpiny mi ot pa Yehova.

Yocuwa 9:27

E Yocuwa dwokogi i ceng’ maeca ni jutong’ yen man jutwom pi mir udul, man mi pemblam pa Yehova, cil i ceng’ maeni, i ka m’ebifoyo.