Kitabu Mir Ang’wende Pa Musa Wel 30:2 - The Holy Bible In Alur (Lur) Revised Orthography

² Kinde ma dhanu ng’olo lembang’ola ni Yehova, kadi ekwong’o kwong’ kara etwi ng’eyong’ec pare ku twic, ebituro lembe pare ngo; ebitimo calku gin ceke m’uai kud i dhoge.

Kitabu Mir Ang’wende Pa Musa Wel 30:2 ပူးပေါင်းရင်းမြစ်များ

Kitabu Pa Yob 22:27

Ibitimo rwo peri ire, man ebiwinji; Man ibiculo lembang’ola peri m’ing’olo.

Zaburi 116:14

Abitimo lembang’ola para ni Yehova, Eyo, i vut dhanu pare ceke.

Zaburi 116:18

Abitimo lembang’ola para ni Yehova, Eyo, i vut dhanu pare ceke,

Zaburi 119:106

Akwong’o kwong’, man aketho ecungo, Kara aketh cwinya ku lembapoka peri ma pwe.

Zaburi 15:3

Ng’atu ma yero nying’ ungo ku lebe, Kadi ma timo wadi rac ungo, Kadi ma cayu cac kum jadhugola pare ngo;

Zaburi 22:25

Pak para ai i beng’i i cokri ma dit; Abiculo lembang’ola para i wang’ ju m’ulwore.

Zaburi 50:14

Thier lam mi foc ni Mungu; Man itim lembang’ola peri ni Ng’atu ma Malu Ngbir;

Zaburi 55:20

Erieyo cinge kum wadi ju ma gibedo ber kugi: Eturo lembariba pare.

Zaburi 56:12

Lembang’ola peri ni i wia, E Mungu: Abiculo girathiera mi foyofoc iri.

Zaburi 76:11

Wung’ol lembe, man wucul ni Yehova Mungu mu: Wek dhanu ceke m’utieke gikel ire giramia en ma maku julwore.

Ai 20:7

Kud ilwong’ nying’ Yehova Mungu peri mananu; kum ng’atu m’ulwong’o nyinge mananu bibedo umbe dubo ngo ku ba Yehova.

Lembrieko 20:25

Wec ma vur vur kumae, En e leng’, en e uwic ni dhanu, Man penjo penji yo ng’ei lembang’ola.

Lembe Mi Julawi 5:4

Kadi tek ng’atu moko kwong’o kwong’ vur vur ku dhoge ya etim rac, kadi ya etim ber, gin ceke ma dhanu biwacu vur vur ku kwong’, man emungre ire; kinde m’eng’eyo pire, ebilund bedo ma lembe ni i wie kum kind maeni acel.

Nahum 1:15

Nen, wi gudi tiend ng’atu m’ukelo rwonglembe ma ber, m’urweyo pi kwiocwiny! Kwir agba peri. E Yuda tim lembang’ola peri; kum jadubo bikadhu kud i ii kendo ngo; ethumbre woko kot.

Kitabu Mir Ang’wende Pa Musa Wel 21:2

E Israel ung’olo lembang’ola ni Yehova, man giwacu kumae, Tek ibimio dhanu maeni i cinga andha, abilund nyotho adhura migi kot.

Kitabu Mir Ang’wende Pa Musa Wel 30:10

Man tek eng’olo lembang’ola i ot pa cware, kadi etwio ng’eyong’ec pare ku twic mi kwong’,

Kitabu Mir Ang’wende Pa Musa Wel 32:24

Wugom adhura ni nyithindho mu ma thindho, man dwol ni rombe mu; man wutim gin m’uai kud i dhogwu.

Matayo 23:16

Can i wiwu, wu jutelwijo ma wun abinga, ma wuwacu kumae, Ng’atu ma tek bikwong’o kwong’ ku hekalu, en e mananu; ento ng’atu ma tek bikwong’o kwong’ ku mola ma kwar mi hekalu, en e jabanja.

Matayo 23:18

Man ke kumae, Ng’atu ma tek bikwong’o kwong’ ku pemblam, en e mananu; ento ng’atu ma tek bikwong’o kwong’ ku giramia ma ni i wie, en e jabanja.

Tic Mi Jukwenda 23:12

E ka piny uru, Juyahudi giribri karacelo, man gitwiri gigi ku kwong’, giwacu nia gibicamu giracama kadi madhu giramadha de ngo ma fodi gikunego Paolo ngo.

Tic Mi Jukwenda 23:14

Man gibino ba julam ma dongo ku judongo de, giwacu kumae, Watwira giwa ku kwong’ ma dit, ya wabibilo gin moko ngo ma fodi wakunego Paolo ngo.

Tic Mi Jukwenda 23:21

Ka kumeno kud iyi igi: kum dhanu pier ang’wen ku wie gikanu adhi ire, ma gitwiri gigi ku kwong’, nia gicamu ngo gimadhu de ngo ma fodi gikunege ngo: e kawono gibedo ayika, ma gibekuro ko lembang’ola m’i beng’i.

2 Jukorinto 1:23

Ento alwong’o Mungu ni jamulembe mi pidoic para, kum ngisi nega i kumwu ketho akwero bino Korinto.

Jupoklembe 11:11

Yeftha lund ucidho karacelo ku judongo mi Gilead, man dhanu gikethe ni jawic ku rwoth i wigi: e Yeftha yero lembe pare ceke i wang’ Yehova i Mizpa.

Jupoklembe 11:39

Man etimbre ka dwi ario thum, nia edwogo ba won m’etimo i bang’e calku lembang’ola pare m’eng’olo: man nwang’u fodi eng’eyo co ngo. Man en e kura Israel,