Kitabu Mir Ang’wende Pa Musa Wel 3:38 - The Holy Bible In Alur (Lur) Revised Orthography

³⁸ Man ju m’ugonjo i wang’ hema ma yo nyangu, i wang’ hema mi cokri yo ku wokceng’, bibedo Musa, man Harun ku wote, ma gibegwoko kur mi kamaleng’ pi kur mi nyithindho mir Israel; man jawirok m’ucoro ceng’ni jubinege.

Kitabu Mir Ang’wende Pa Musa Wel 3:38 ပူးပေါင်းရင်းမြစ်များ

I Lemkei 23:32

man kara gigwok lembang’ola mi hema mi cokri, man lembang’ola mi kamaleng’, man lembang’ola mi wot Harun ma utumeggi, pi timotim mi ot pa Yehova.

Kitabu Mir Ang’wende Pa Musa Wel 1:51

Man kinde ma hema biwotho Julawi bituge piny; man kinde ma jubiguro hemane, Julawi biting’e malu; man jawirok m’ucoro ceng’ni jubinege.

Kitabu Mir Ang’wende Pa Musa Wel 1:53

Ento Julawi bigonjo i ng’et hema mi lembatuca gbur, kara kwinyo kud ubed wi udul mi nyithindho mir Israel: man Julawi bigwoko kur mi hema mi lembatuca.

Kitabu Mir Ang’wende Pa Musa Wel 2:3

Man ju m’ugonjo i ng’ete ma yo nyangu yo ku wokceng’ gibibedo mir abera mi gonjo pa Yuda, calkud udul migi: man Nacon ma wod Aminadab bibedo jadit mi nyithindho pa Yuda.

Kitabu Mir Ang’wende Pa Musa Wel 3:10

Man ibiketho Harun ku wote, e gibigwoko lamulam migi: e jawirok m’ucoro ceng’ni jubinege.

Kitabu Mir Ang’wende Pa Musa Wel 3:23

Wat mi Jugerconi bigonjo i ng’ei hema yo reto.

Kitabu Mir Ang’wende Pa Musa Wel 3:29

Wat mi wot Kohath bigonjo i ng’et hema ma yor ariwa ma piny.

Kitabu Mir Ang’wende Pa Musa Wel 3:35

Man jaditmawijo mi ot pa wego mi wat pa Merari en e Zuriel ma wod Abihail: gibigonjo ng’et hema ma yor ariwa ma malu.

Kitabu Mir Ang’wende Pa Musa Wel 3:37

man mbegi mi lelagang’ m’utieke gbur, ku werne, ku gutene, man thondhe.