Kitabu Mir Ang’wende Pa Musa Wel 29:6 - The Holy Bible In Alur (Lur) Revised Orthography

⁶ umed lam m’awang’a mi dwi m’upor, ku lam mi mogone, man lam m’awang’a ma thiri thiri ku lam mi mogone, man lam m’amadhane, calku lembapokane, ni ng’wic mido ma ng’ar, lam ma jutimo ku mac ni Yehova.

Kitabu Mir Ang’wende Pa Musa Wel 29:6 ပူးပေါင်းရင်းမြစ်များ

Ezra 3:4

E gikwiro agba mi odbak, calu egore, man gimio lam m’awang’a ma ceng’ ku ceng’ ku welne, calku lembapoka, calu m’umaku piny ceng’ ku ceng’;

Lembe Mi Julawi 6:9

Ng’ol ni Harun ku wote, wac kumae, Maeni cik mi lam m’awang’a: lam m’awang’a bibedo wi yen mi mac wi pemblam diewor soro cil kugweno; man jubiketho mac mi pemblam liel asu i wie.

Kitabu Mir Ang’wende Pa Musa Wel 15:24

ebilund bedo, tek etimbre ma wung’eyo ngo, ma udul ung’eyo ngo, nia udul ceke bithiero thwon dhiang’ acel ni lam m’awang’a, ni ng’wic mido ma ng’ar ni Yehova, karacelo ku lam mi mogone, ku lam m’amadhane, calku lembapoka, man nyog diel acel ni lam mi dubo.

Kitabu Mir Ang’wende Pa Musa Wel 15:4

ng’atu m’uthiero girathiera pare bilund thiero lam mi mogo ni Yehova mi ng’et mogo ma yom mir apaje ma i katoko m’ujebre ku ng’et mo mir ang’wende ma i amorpi:

Kitabu Mir Ang’wende Pa Musa Wel 28:27

ento wubithiero lam m’awang’a ni ng’wic mido ma ng’ar ni Yehova: thwoni dhiang’ m’aradu ario, nyog rombo acel, nyithi nyogi rombe abiro ma rundigi acel acel;

Kitabu Mir Ang’wende Pa Musa Wel 29:18

ku lam mi mogone man lam m’amadhane mi thwoni dhiang’, mi nyogi rombe de, man mi nyithi rombe, calku wel migi, calku lembapoka;

Kitabu Mir Ang’wende Pa Musa Wel 29:21

ku lam mi mogone man lam m’amadhane mi thwoni dhiang’, man mi nyogi rombe, man mi nyithi rombe, calku wel migi, calku lembapoka;

Kitabu Mir Ang’wende Pa Musa Wel 29:5

man nyog diel acel ni lam mi dubo, kara utim adunya piwu;

Kitabu Mir Ang’wende Pa Musa Wel 7:13

man girathiera pare en e atangla acel mi mola ma tar ma pekne en e cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo;

Kitabu Mir Ang’wende Pa Musa Wel 9:14

Man tek jawirok bibedo ni umondo i kindwu, man eyenyo ekwir kadhukuwijo ni Yehova; calku cik mi kadhukuwijo, man calku lembapokane, ebitimo kumeca: wubibedo ku cik acel, ni umondo, man ni ng’atu ma junyolo i ng’om.