Kitabu Mir Ang’wende Pa Musa Wel 28:6 - The Holy Bible In Alur (Lur) Revised Orthography

⁶ En e lam m’awang’a ma thiri thiri, ma jung’olo wi got Sinai ni ng’wic mido ma ng’ar, lam ma jutimo ku mae ni Yehova.

Kitabu Mir Ang’wende Pa Musa Wel 28:6 ပူးပေါင်းရင်းမြစ်များ

2 Lemkei 2:4

Nen, ani ceng’ni gomo ot pi nying’ Yehova Mungu para, kara athiere ire, man awang’ udok ma ng’wice ng’ar ma lim lim i wang’e, man mi kwen m’anyutha ma thiri thiri, man mi lam m’awang’a ma kugweno kud uthieno, i ceng’ sabatu, man i dwi ma por, man i agba ma juketho pa Yehova Mungu mwa. Maeni en e lembapoka mi nja ni Israel.

2 Lemkei 31:3

Eketho makapiny p’ubimo bende kum piny pare ni lam m’awang’a, thelembene, mi lam m’awang’a ma kugweno kud uthieno, man lam m’awang’a mi ceng’ sabatu, mi dwi m’upor de, man mir agba ma juketho, calu egore i cik pa Yehova.

Ezra 3:4

E gikwiro agba mi odbak, calu egore, man gimio lam m’awang’a ma ceng’ ku ceng’ ku welne, calku lembapoka, calu m’umaku piny ceng’ ku ceng’;

Zaburi 50:8

Abijuki ngo kum lam peri; Man lam m’awang’a peri ni i wang’a thiri thiri.

Ai 24:18

E Musa mondo kind afuru, man eidho malu wi got: man Musa bedo wi got ceng’ pier ang’wen ku diewor pier ang’wen.

Ai 31:18

Man emio ban ario mi lembatuca ni Musa, ban mi kidi, m’ubedo agora ku lwet Mungu, kinde m’edaru weco kude wi got Sinai.

Ezekiel 46:14

Man ibiyiko lam mi mogo karacelo kude ku ba rupiny ku ba rupiny, ng’ete mir abusiende mi kukunju, man ng’ete mir adege mir amorpi mi mo, kara uyom mogo ma yom; lam mi mogo ni Yehova, thiri thiri ku lembang’ola ma thiri thiri.

Ezekiel 46:15

Gibiyiko nyathi rombo, ku lam mi mogo, man mo kumeni, ku ba rupiny ku ba rupiny, ni lam m’awang’a ma thiri thiri.

Lembe Mi Julawi 27:34

Maeni lembang’ola, ma Yehova ng’olo ni Musa ni nyithindho mir Israel kum got Sinai.

Lembe Mi Julawi 6:9

Ng’ol ni Harun ku wote, wac kumae, Maeni cik mi lam m’awang’a: lam m’awang’a bibedo wi yen mi mac wi pemblam diewor soro cil kugweno; man jubiketho mac mi pemblam liel asu i wie.

Amos 5:25

Wukelo lam man lam mi mogo i bang’a i langa rundi pier ang’wen, E ot mir Israel?

Kitabu Mir Ang’wende Pa Musa Wel 28:5

man ng’et mogo ma yom mir apaje ma i katoko ni lam mi mogo, m’ujebre ku ng’et mo m’afoda mir ang’wende ma i amorpi.

Kitabu Mir Ang’wende Pa Musa Wel 28:7

Man lam m’amadhane bibedo ng’ete mir ang’wende ma i amorpi mi nyathi rombo acel: konj girathiera mi giramadha mi giramadha ma lake tek i kamaleng’ ni Yehova.

Jufilipi 2:17

Eyo, man tek jubekonja wi lam man wi tic mi yioyic mu, e anyong’a benega, man anyong’a benega wakudu ceke: