Kitabu Mir Ang’wende Pa Musa Wel 28:3 - The Holy Bible In Alur (Lur) Revised Orthography

³ Man ibiwacu igi kumae, Maeni girathiera ma jutimo ku mac ma wubithiero ni Yehova: nyithi nyogi rombe ma rundigi acel acel ma mulima mbe i kumgi, ario ku ba ceng’ ku ba ceng’, ni lam m’awang’a ma thiri thiri.

Kitabu Mir Ang’wende Pa Musa Wel 28:3 ပူးပေါင်းရင်းမြစ်များ

I Lemkei 16:40

kara githier lam m’awang’a ni Yehova wi pemblam mi lam m’awang’a thiri thiri kugweno kud uthieno, calku maeno ceke m’ugore i cik pa Yehova, m’eng’olo ni Israel;

2 Lemkei 8:13

calku ma cande nuti ceng’ ku ceng’, m’ethiero calku lembang’ola pa Musa, i ceng’ sabatu, man i dwi m’upor, man i agba ma juketho, wang’ adek i rundi acel, i agba mi kwen ma thobi mbe i ie, man i agba mi yenga, man i agba mi odbak.

Ezra 3:5

man yo ku ng’eye gimio lam m’awang’a ma thiri thiri, ku lam mi dwi ma por, man mir agba ceke m’aketha pa Yehova ma judwokogi leng’, man mi dhanu ceke kubang’gi kubang’gi m’umio lam mi berocwiny ni Yehova ku laccing’.

Daniel 11:31

Man njuru asikari bicungo i kume, man gibicido kamaleng’, cil ot ma tek, man gibikabu lam m’awang’a ma thiri thiri woko, man gibiketho ginmajudagu ma timo uvuru ucungi.

Daniel 12:11

Man ugambre i nindo ma lam m’awang’a ma thiri thiri bikabre ie woko, man ginmajudagu ma ketho uvuru bicungo, ceng’ bibedo rubanga acel ku dak ario ku pier abung’wen.

Daniel 8:11

Eyo, eyungre gire cil ni jadit mir udul; man ekabu woko lam m’awang’a pare ma thiri thiri, man juredho ka mi kamaleng’ pare piny.

Daniel 8:13

Alund awinjo ng’atu acel ma leng’ ubeweco; man ng’atu ma leng’ acel mange wacu ni ng’atu maeno m’uweco kumae, Ginmawokiwang’ pi lam m’awang’a ma thiri thiri, ku kier ma timo nyoth, bibedo rokani, ma jumio ko kamaleng’ kud udul ya junyon the tielo?

Lembe Mi Julawi 3:5

Man wot Harun biwang’e wi pemblam wi lam m’awang’a, ma ni wi yen ma ni wi mac: en e lam ma jutimo ku mac, mi ng’wic mido ma ng’ar ni Yehova.

Lembe Mi Julawi 6:9

Ng’ol ni Harun ku wote, wac kumae, Maeni cik mi lam m’awang’a: lam m’awang’a bibedo wi yen mi mac wi pemblam diewor soro cil kugweno; man jubiketho mac mi pemblam liel asu i wie.

Amos 4:4

Wubin ba Beth-el, man wudubi; ba Gilgal, man wumed dubo; man wukel lam mu ku ba rupiny ku ba rupiny, man apaje ma ku ba ceng’ adek ku ba ceng’ adek;

Kitabu Mir Ang’wende Pa Musa Wel 28:10

maeni lam m’awang’a mi sabatu kubang’e kubang’e, umed lam m’awang’a ma thiri thiri, man lam m’amadhane.

Kitabu Mir Ang’wende Pa Musa Wel 28:15

Man nyog diel acel ubed ni lam mi dubo ni Yehova; jubithiere umed lam m’awang’a ma thiri thiri, ku lam m’amadhane.

Kitabu Mir Ang’wende Pa Musa Wel 28:23

Wubithiero maeni umed lam m’awang’a mi kugweno, ma en e ni lam m’awang’a ma thiri thiri.

Kitabu Mir Ang’wende Pa Musa Wel 28:24

Wubithiero ceng’ ku ceng’ calu maeni, ceng’ abiro, cemo mi lam ma jutimo ku mac, ni ng’wic mido ma ng’ar ni Yehova: jubithiere umed lam m’awang’a ma thiri thiri, ku lam m’amadhane.

Kitabu Mir Ang’wende Pa Musa Wel 28:31

Umed lam m’awang’a ma thiri thiri, ku lam mi mogone, wubithierogi (gibibedo iwu ma mulima mbe i kumgi), ku lam m’amadhane.

Kitabu Mir Ang’wende Pa Musa Wel 28:4

E ibithiero nyathi rombo acel kugweno, man nyathi rombo mucelo ibithiero uthieno;

Kitabu Mir Ang’wende Pa Musa Wel 29:11

nyog diel acel ni lam mi dubo; umed lam mi dubo mir adunya, ku lam m’awang’a ma thiri thiri, ku lam mi mogone, ku lam m’amadhane.

Kitabu Mir Ang’wende Pa Musa Wel 29:16

man nyog diel acel ni lam mi dubo; umed lam m’awang’a ma thiri thiri, ku lam mi mogone, man lam m’amadhane.

Kitabu Mir Ang’wende Pa Musa Wel 29:6

umed lam m’awang’a mi dwi m’upor, ku lam mi mogone, man lam m’awang’a ma thiri thiri ku lam mi mogone, man lam m’amadhane, calku lembapokane, ni ng’wic mido ma ng’ar, lam ma jutimo ku mac ni Yehova.

Yohana 1:29

Urwone eneno Yesu bebino i bang’e, man ewacu kumae, Nen, Nyathi Rombo pa Mungu, ma kabu dubo m’i ng’om woko!

Juebrania 9:6

Nie gin maeni ma juyiko kumern, julam gimondo i hema ma kwong’a thiri thiri, ma gitimo ko tic mi kisoma;

Lembanyutha 13:8

Man dhanu ceke m’ubedo wi ng’om birwo ire, ma nying’gi kugore ngo i kitabu mi kwo pa Nyathi Rombo ma juthumo ugambre i thek ma ng’om uthekre ko.