Kitabu Mir Ang’wende Pa Musa Wel 28:24 - The Holy Bible In Alur (Lur) Revised Orthography

²⁴ Wubithiero ceng’ ku ceng’ calu maeni, ceng’ abiro, cemo mi lam ma jutimo ku mac, ni ng’wic mido ma ng’ar ni Yehova: jubithiere umed lam m’awang’a ma thiri thiri, ku lam m’amadhane.

Kitabu Mir Ang’wende Pa Musa Wel 28:24 ပူးပေါင်းရင်းမြစ်များ

Ai 29:40

man ithier apaje mi mogo ma yom ma i katoko m’ujebre ku mo m’afoda mir ang’wende ma i amorpi; nian ng’et pigulok mir ang’wende ma i amorpi karacelo ku nyathi rombo acel ni lam m’amadha.

Ezekiel 45:23

Man i ceng’ abiro mir agba ebiyiko lam m’awang’a ni Yehova, en e thwoni dhiang’ abiro ku nyogi rombe abiro ma mulima mbe i kumgi ku ba rupiny ku ba rupiny mi ceng’ abiro; man nyog diel ku ba rupiny ku ba rupiny ni lam mi dubo.

Lembe Mi Julawi 3:11

Man jalam biwang’e wi pemblam: en e cemo mi lam ma jutimo ku mac ni Yehova.

Kitabu Mir Ang’wende Pa Musa Wel 28:3

Man ibiwacu igi kumae, Maeni girathiera ma jutimo ku mac ma wubithiero ni Yehova: nyithi nyogi rombe ma rundigi acel acel ma mulima mbe i kumgi, ario ku ba ceng’ ku ba ceng’, ni lam m’awang’a ma thiri thiri.

Juebrania 10:11

Man ku ba julam ceke gicungo ku ba rupiny ku ba rupiny andha ma gitimo ko giratima giwodho ko lam de ma calacel wang’ udul, ma copo kabu dubo ki ngo: