Kitabu Mir Ang’wende Pa Musa Wel 28:14 - The Holy Bible In Alur (Lur) Revised Orthography

¹⁴ Man lam m’amadhane bibedo ng’et pigulok ma i amorpi mi thwon dhiang’, man ng’ete mir adege ma i amorpi mi nyog rombo, man ng’ete mir ang’wende ma i amorpi mi nyathi rombo: maeni en e lam m’awang’a mi dwi kubang’e kubang’e cil ku ba dwi ceke mi rundi.

Kitabu Mir Ang’wende Pa Musa Wel 28:14 ပူးပေါင်းရင်းမြစ်များ

Ezra 3:5

man yo ku ng’eye gimio lam m’awang’a ma thiri thiri, ku lam mi dwi ma por, man mir agba ceke m’aketha pa Yehova ma judwokogi leng’, man mi dhanu ceke kubang’gi kubang’gi m’umio lam mi berocwiny ni Yehova ku laccing’.

Isaya 1:13

Kud wukel lam ma ie nanu kendo; udok ma ng’wice ng’ar en e ginmajudagu ira; dwi ma por ku sabatu, man lwong’o mi cokri, acopo kude ngo: en e kier, cil cokri mi rwo.

Yeremia 48:35

Mange ke abiketho ng’atu ma lamu i ka ma malu, man ng’atu ma wang’u udok ma ng’wice ng’ar ni mungu pare ujik i Moab, Yehova wacu.

Ezekiel 46:4

Man lam m’awang’a ma jaditmawijo bithiero ni Yehova bibedo nyithi rombe abusiel ma mulima mbe i kumgi ku nyog rombo ma mulima mbe i kume i ceng’ sabatu;

Yoel 1:13

Wutwi usuba i pierwu, man wuywaki, wu julam; wugoi nduru, wu jutim mi pemblam; wubin, wuvut diewor soro i usuba, wu jutic pa Mungu para: kum girathiera mi mogo ku girathiera m’amadha jucero ni ot pa Mungu mu.

Kitabu Mir Ang’wende Pa Musa Wel 15:5

ku pigulok mi lam m’amadha, ng’ete mir ang’wende ma i amorpi, ibiyiko karacelo ku lam m’awang’a, kadi ni lam, mi nyithi rombe kubang’gi kubang’gi.

Kitabu Mir Ang’wende Pa Musa Wel 15:9

ebilund thiero karacelo ku thwon dhiang’ lam mi mogo mir apaje adek mi mogo ma yom ma i katoko m’ujebre ku ng’et mo ma i amorpi:

Kitabu Mir Ang’wende Pa Musa Wel 28:13

man ng’ete mir apaje mi mogo ma yom m’ujebre ku mo ni lam mi mogo mi nyithi rombe kubang’e kubang’e; ni lam m’awang’a mi ng’wic mido ma ng’ar, lam ma jutimo ku mac ni Yehova.

Kitabu Mir Ang’wende Pa Musa Wel 28:15

Man nyog diel acel ubed ni lam mi dubo ni Yehova; jubithiere umed lam m’awang’a ma thiri thiri, ku lam m’amadhane.

Kitabu Mir Ang’wende Pa Musa Wel 28:7

Man lam m’amadhane bibedo ng’ete mir ang’wende ma i amorpi mi nyathi rombo acel: konj girathiera mi giramadha mi giramadha ma lake tek i kamaleng’ ni Yehova.

Kitabu Mir Ang’wende Pa Musa Wel 29:18

ku lam mi mogone man lam m’amadhane mi thwoni dhiang’, mi nyogi rombe de, man mi nyithi rombe, calku wel migi, calku lembapoka;