Kitabu Mir Ang’wende Pa Musa Wel 28:11 - The Holy Bible In Alur (Lur) Revised Orthography

¹¹ Man i thekri mi dwi mu wubithiero lam m’awang’a ni Yehova: thwoni dhiang’ m’aradu ario, man nyog rombo acel, ku nyithi nyogi rombe abiro ma rundigi acel acel ma mulima mbe i kumgi;

Kitabu Mir Ang’wende Pa Musa Wel 28:11 ပူးပေါင်းရင်းမြစ်များ

2 Ubimo 4:23

E ewacu kumae, Pirang’o ibicidho i bang’e tini? en e dwi m’upor ungo kadi ceng’ sabatu de ngo. E ewacu kumae, Ebibedo dre.

I Lemkei 23:31

man kara githier lam m’awang’a ceke ni Yehova, i ceng’ sabatu, man i dwi m’upor, man i agba ma juketho, i wel calku lembapoka ma pigi, thiri thiri i wang’ Yehova:

2 Lemkei 2:3

E Suleman uoro kwenda ba Huram m’ubimo mi Turo, ewacu kumae, Calu itimo ni Daudi ma vwa, man ioro musonge i bang’e kara ugom ire ot m’ebed i ie, itim kumeca i bang’a bende.

2 Lemkei 2:4

Nen, ani ceng’ni gomo ot pi nying’ Yehova Mungu para, kara athiere ire, man awang’ udok ma ng’wice ng’ar ma lim lim i wang’e, man mi kwen m’anyutha ma thiri thiri, man mi lam m’awang’a ma kugweno kud uthieno, i ceng’ sabatu, man i dwi ma por, man i agba ma juketho pa Yehova Mungu mwa. Maeni en e lembapoka mi nja ni Israel.

2 Lemkei 8:13

calku ma cande nuti ceng’ ku ceng’, m’ethiero calku lembang’ola pa Musa, i ceng’ sabatu, man i dwi m’upor, man i agba ma juketho, wang’ adek i rundi acel, i agba mi kwen ma thobi mbe i ie, man i agba mi yenga, man i agba mi odbak.

Ezra 3:5

man yo ku ng’eye gimio lam m’awang’a ma thiri thiri, ku lam mi dwi ma por, man mir agba ceke m’aketha pa Yehova ma judwokogi leng’, man mi dhanu ceke kubang’gi kubang’gi m’umio lam mi berocwiny ni Yehova ku laccing’.

Nehemia 10:33

mi kwen m’anyutha, man mi lam mi mogo ma thiri thiri, man mi lam m’awang’a ma thiri thiri, mi ceng’ sabatu, mi ceng’ mi dwi ma por, mir agba ma juketho, man mi gin ma leng’, man mi lam mi dubo kara jutim adunya pir Israel, man mi tic ceke mi ot pa Mungu mwa.

Zaburi 40:6

Anyong’a negi ngo kum lam ku girathiera; Iyabu itha: Ilwong’o lam m’awang’a ngo ku lam mi dubo de ngo.

Zaburi 40:8

Anyong’a nega kum timo yeny m’iyenyo, E Munguna; Eyo, cik peri ni yor i adundena.

Zaburi 81:3

Wukudh agwara mi lakdwi, Ceng’ mi dwi ma dit, ceng’ mir agba mwa.

Zaburi 81:4

Kum en e cik mir Israel, Lembapoka pa Mungu pa Yakobo.

Isaya 66:23

Man ebitimbre, nia ugambre kum dwi ma por acel cil kum mange, man ugambre kum sabatu acel cil kum mange, weg kum ceke bibino rwo i wang’a, Yehova wacu.

Ezekiel 46:1

Rwoth Yehova wacu kumae Dhugang’ mi lelagang’ ma yor i ie ma neno yo nyangu bibedo acika i ceng’ mi tic abusiel; ento jubiyabe i ceng’ sabatu, man i ceng’ mi dwi ma por jubiyabe,

Ezekiel 46:6

Man i ceng’ mi dwi ma por ebibedo thwon dhiang’ m’aradu ma mulima mbe i kume, man nyithi rombe abusiel, ku nyog rombo; gibibedo ma mulima mbe i kumgi:

Ezekiel 46:7

man ebiyiko lam mi mogo, ku kunju mi thwon dhiang’, man kukunju mi nyog rombo, man mi nyithi rombe calu ecopo mio, man amorpi mi mo mi kukunju.

Hoseya 2:11

Abiketho mutoro pare ceke bende jik, kud agba pare, ceng’ dwi pare ma por, man ceng’ sabatu pare, ku cokri pare ceke mi rwo.

Lembe Mi Julawi 1:13

ento jambie ku tiende ebilwoko ku pi. E jalam bithiere dho, man ebiwang’e wi pemblam; en e lam m’awang’a, lam ma jutimo ku mac, mi ng’wic mido ma ng’ar ni Yehova.

Lembe Mi Julawi 1:3

Tek girathiera pare en e lam m’awang’a mi dhok, ethier thwon ma mulima mbe i kume; ethiere dhugola mi hema mi cokri, kara jujole i wang’ Yehova.

Lembe Mi Julawi 1:9

ento jambie ku tiende ebilwoko ku pi. Kare ceke jalam biwang’u wi pemblam, ni lam m’awang’a, girathiera ma jutimo ku mac, mi ng’wic mido ma ng’ar ni Yehova.

Amos 3:5

Winyo copo podho i uwic wi ng’om, ka ma juciko ie uwic ungo ire? uwic bituk kud i ng’om, tek k’emaku gin moko ngo?

Amos 8:5

ma wuwacu kumae, Dwi ma por bibedo umbe awene, kara walok cami? man sabatu, kara wawodh nganu, ma wadwok ko katoko nok, man cekel dit, ma watim ko ku ndra ku mukero mir abombi de:

Kitabu Mir Ang’wende Pa Musa Wel 10:10

I nindo mi mutoro mu bende, man i agba mu ma juketho, man i thekri mi dwi mu, wubikudho agwara wi lam m’awang’a mu, man wi lam mi girathiera mi kwiocwiny mu; e gibibedo iwu ni poi i wang’ Mungu mu; an a Yehova Mungu mu.

Kitabu Mir Ang’wende Pa Musa Wel 28:19

ento wubithiero lam ma jutimo ku mac, lam m’awang’a ni Yehova: thwoni dhiang’ ario m’aradu, ku nyog rombo acel, ku nyithi nyogi rombe abiro ma rundigi acel acel; gibibedo ma mulima mbe i kumgi iwu;

Jugalatia 4:10

Wukwiro ceng’, ku dwi, ku nindo, ku rundi de.

Jukolosai 2:16

Ka kumeno ng’atu moko kud upok lembe iwu kum giracama, kadi kum giramadha, kadi kum ceng’ agba kadi mi dwi ma por kadi ceng’ sabatu;

Jukolosai 2:6

Ka kumeno calu wudaru jolo Kristu Yesu ma Rwoth, e wuwoth i ie kumeno,

1 Samwil 20:5

Man Daudi wacu ni Yonathan kumae, Nen, urwo dwi bipor, man maku kud akwer bedo kud ubimo dhu cemo: ento wek acidhi, kara apond i podho cil i ceng’ mir adege uthieno.

1 Samwil 9:12

E giloko lembe igi, giwacu kumae, Enuti; nen, eni i weng’i: tim pio kawono, kum ewok tinuni i adhura; kum dhanu gibedo ku lam tin i ka ma malu.