Kitabu Mir Ang’wende Pa Musa Wel 27:21 - The Holy Bible In Alur (Lur) Revised Orthography

²¹ Man ebicungo i wang’ Eleazar ma jalam, ma bipenjo pire ku lembapoka pa Urim i wang’ Yehova: ku lembe pare gibiwok woko, man ku lembe pare gibimondo, en, ku nyithindho mir Israel ceke karacelo kude, cil udul ceke.

Kitabu Mir Ang’wende Pa Musa Wel 27:21 ပူးပေါင်းရင်းမြစ်များ

2 Samwil 21:1

Man ndru nuti i ceng’ pa Daudi rundi adek, rundi ku rundi; e Daudi yenyo wang’ Yehova. Man Yehova wacu kumae, En e pi Saul, man kum ot pare mi rimo, kum eketho Jugibeoni tho.

Ezra 2:63

Man jabim uwacu igi, nia ku gicam kum gin ma leng’ ma sagu, cil ma jalam bicungo ko kud Urim man ku Thumim.

Nehemia 7:65

E jabim uwacu igi, nia ku gicam gin ma leng’ hai, ma fodi jalam kucungo malu ngo kud Urim man Thumim.

Ai 28:30

Man iketh Urim ku Thumim i jambkor mi pokolembe; man gibibedo wi adunde Harun, kinde m’emondo i wang’ Yehova: man Harun biyeyo pokolembe mi nyithindho mir Israel wi adundene i wang’ Yehova thiri thiri.

Lembe Mi Julawi 8:8

Man eketho jambkor i kume: man eketho Urim ku Thumim i jambkorne.

Malaki 2:7

Kum maku dendhu jalam ugwok ng’eyong’ec, man maku giyeny cik i dhoge; kum en e jakwenda pa Yehova mir udul.

Kitabu Mir Ang’wende Pa Musa Wel 27:17

ma biwok woko i wang’gi, ma bimondo i wang’gi de, ma bitelo wigi woko, man ma bikelogi i ie; kara udul pa Yehova kud ubed calu rombe ma jakwacne mbe.

Kitabu Mir Ang’wende Pa Musa Wel 27:2

E gicungo i wang’ Musa, man i wang’ Eleazar ma jalam, man i wang’ judongomawijo kud udul ceke, i dhugola mi hema mi cokri, e giwacu kumae,

Kitabu Mir Ang’wende Pa Musa Wel 27:20

Man iketh kum yung peri i wie, kara udul ceke mi nyithindho mir Israel giwor.

Kitabu Mir Ang’wende Pa Musa Wel 27:22

E Musa timo calu Yehova ng’olo ire; man egamu Yocuwa, man ekethe i wang’ Eleazar ma jalam, man i wang’ udul ceke:

Kitabu Mir Ang’wende Pa Musa Wel 27:5

E Musa kelo lembe migi i wang’ Yehova.

Poi Mi Cik 31:3

Yehova Mungu peri, ebikadhu lokaca i weng’i; ebinyotho thek maeni kud i weng’i, man ibiyakugi: e Yocuwa, ebikadhu lokaca i weng’i, calu Yehova yero.

Poi Mi Cik 33:8

Man pi Lawi ewacu kumae, Thumim peri kud Urim peri gini karacelo ku dhanu peri ma ayi Mungu ni i kume, M’imulo ie i Masa, M’i-ii kude dhu pi mi Meriba;

Yocuwa 9:14

E dhanu gigamu kum giracama migi, man gipenjo lembapora dhu Yehova ngo.

Jupoklembe 1:1

Man etimbre yo ng’ei tho pa Yocuwa, nia nyithindho mir Israel gipenjo ba Yehova, giwacu kumae, Ng’a ma bilar idho malu piwa kum Jukanani, nikiedo kugi?

Jupoklembe 20:18

E nyithindho mir Israel giai malu, man giidho i Beth-el, e gikwayu lembapora ba Mungu; man giwacu kumae, Ng’a ma bilar idho malu piwa nikiedo ku nyithindho pa Benyamini? E Yehova wacu kumae, Yuda bilar idho.

Jupoklembe 20:23

E nyithindho mir Israel giidho malu man giywak i wang’ Yehova cil uthieno; man gipenjo Yehova, giwacu kumae, Abicoro ceng’ni kendo nikiedo ku nyithindho pa Benyamin m’umira? E Yehova wacu kumae, Idh malu ikied kude.

1 Samwil 14:19

Man etimbre, kinde ma Saul ubeweco ba jalam, nia yakni ma ni ka ma Jufilisti gonjo i ie bedo asu man ebedhetho adhetha: man Saul uwacu ni i jalam kumae, Kab cingi cen.

1 Samwil 23:9

E Daudi ng’eyo nia Saul ubepido lembe i kume; man ewacu ni Abiathar ma jalam kumae, Kel ugoke keni.

1 Samwil 28:6

Man ka Saul upenjo ba Yehova, Yehova loko ire lembe ngo, kadok ku lek, kadi kud Urim, kadi ku jubila.

1 Samwil 30:7

Man Daudi wacu ni Abiathar ma jalam, ma wod Ahimelek kumae, Akwei, kel ugoke keni i bang’a. Man Abiathar ukelo ugoke keca ba Daudi.