Kitabu Mir Ang’wende Pa Musa Wel 26:59 - The Holy Bible In Alur (Lur) Revised Orthography

⁵⁹ Man nying’ dhaku pa Amram en e Yokebed, ma nya Lawi, ma junyolo ni Lawi i Misiri: e enyolo Harun giku Musa man Miriem ma nyameggi ni Amram.

Kitabu Mir Ang’wende Pa Musa Wel 26:59 ပူးပေါင်းရင်းမြစ်များ

Ai 15:20

Man Miriem ma jabila ma dhaku, ma nyamin Harun, umaku umbukulumbu i cinge; man mon ceke gilubo toke kud umbukulumbu ku miel.

Ai 2:4

Man nyamin ucungo ku cen, kara eng’ei gin ma bitimbre i kume.

Ai 6:20

Man Amram ugamu Yokebed ma nyamin won ni dhaku; man enyolo ire Harun giku Musa: man rundi mi camung’om pa Amram en e rundi dak acel ku pier adek wi abiro.

Lembe Mi Julawi 18:12

Kud iyab mimeru pa nyamin wuru: en e mon ma wat pa wuru ma ceng’ni.

Kitabu Mir Ang’wende Pa Musa Wel 12:1

E Miriem giku Harun giyero nying’ Musa kum dhaku ma Nyakuci m’egamu; kum egamu dhaku ma Nyakuci.

Kitabu Mir Ang’wende Pa Musa Wel 20:1

Man nyithindho mir Israel en e udul dho, gibino i langa mi Zin i dwi ma kwong’ane; e dhanu gibedo Kadec; e Miriem utho keca, man juyike keca.