Kitabu Mir Ang’wende Pa Musa Wel 26:10 - The Holy Bible In Alur (Lur) Revised Orthography

¹⁰ e ng’om ung’amu dhoge, man emwonyogi karacelo ku Kora, kinde ma njuru dhanu maeno tho; nindo nino mac uwang’u dhanu dak ario ku pier abic, e gidoko ni giranyutha.

Kitabu Mir Ang’wende Pa Musa Wel 26:10 ပူးပေါင်းရင်းမြစ်များ

Ai 16:35

E nyithindho mir Israel ucamu mana rundi pier ang’wen, cil ma gitundo ko i ng’om ma dhanu ni i ie; gicamu mana, cil ma gibino ko ba kieu mi ng’om Kanan.

Yeremia 29:22

man ng’eca ceke mi Yuda ma ni i Babeli gibiweco pigi ku kwong’, gibiwacu kumae, Yehova dwoki calu Zedekia man calu Ahab m’ubimo mi Babeli thologi ku mac;

Ezekiel 14:8

man abiketho wang’a kum ng’atu maeno, man abidwoke ni wang’uic, man ni giranyutha ku lembabola, man abikabe cen kud i kind dhanu para; e wubing’eyo nia an a Yehova.

Kitabu Mir Ang’wende Pa Musa Wel 16:2

man giai malu i wang’ Musa, karacelo ku jumoko mi nyithindho mir Israel, en e judongomawijo mir udul dak ario ku pier abic, ma julwong’ogi ba cokri, dhanu ma pigi yik;

Kitabu Mir Ang’wende Pa Musa Wel 16:38

en e tabu mi dhanu maeni m’udubo ketho kwo migi rwinyo; man wek jutimgi ni ban m’afoda ni girauma mi pemblam: kum githierogi i wang’ Yehova: ka kumeno gi leng’; man gibibedo ni giranyutha ni nyithindho mir Israel.

Kitabu Mir Ang’wende Pa Musa Wel 17:3

Man ibigoro nying’ Harun wi dul pa Lawi; kum dul bibedo acel mi wi udi pa weggi kubang’gi kubang’gi.

Kitabu Mir Ang’wende Pa Musa Wel 27:3

Wegwa tho i langa, man eni i kind njuru dhanu ngo m’ucokri gigi karacelo i wi Yehova i njuru dhanu pa Kora: ento etho i dubo pare gire; man wote mbe.

Poi Mi Cik 11:6

ku gin m’etimo kum Dathan kud Abiram, wot Aliab, ma wod Ruben; maram ng’om ung’amu ko dhoge, man emwonyogi, ku juudigi, ku hema migi, ku gin ceke ma kwo kubang’gi kubang’gi m’ulubo ng’eigi, i kind Israel ceke:

Poi Mi Cik 28:46

e gibibedo i wii ni giranyutha man ni wang’uic, man wi kodhini mi nja.

2 Petro 2:6

man ku loko adhura Sodom ku Gomora ni vu ru, epoko lembe rac i wigi ku nyoth m’enyotho kogi, m’edwoko kogi ni por ni ju ma gibedo ma ayi Mungu mbe i kumgi;

Yuda 1:7

Cil calu Sodom ku Gomora, man adhura m’i vutgi, ma gimiri gigi ni tarwang’ calu joca bende timo ma gilubo tok kum ma tung’ de, e jukethogi ngbeng’ calu por, ma gibesendri ku masendi mi mac ma rondo ku rondo.

1 Samwil 2:34

Man maeni bibedo ni giranyutha iri, ma bibino wi woti ario, wi Hofni giku Finehaz: i ceng’ acel gibitho gin ario.