Kitabu Mir Ang’wende Pa Musa Wel 25:8 - The Holy Bible In Alur (Lur) Revised Orthography

⁸ man elubo tok Jaisraeli i hema, man ecobogi plu gin ario, ng’atu ma Jaisraeli giku dhakune de ecobogi plu. Kum kumeno thong’om ucok i kum nyithindho mir Israel.

Kitabu Mir Ang’wende Pa Musa Wel 25:8 ပူးပေါင်းရင်းမြစ်များ

2 Samwil 21:14

E giyiko cogo Saul ku pa Yonathan ma wode i ng’om Benyamin i Zela, i odliel pa Kic ma won: e gitimo gin ceke m’ubimo ng’olo. Man yo ku ng’ei maeno Mungu winjo kwac ma pi ng’om.

2 Samwil 24:25

Man Daudi guro pemblam keca ni Yehova, man ethiero lam m’awang’a ku lam mi kwiocwiny. Kum kumeno Yehova winjo lembe ma pi ng’om, e thong’ombe jik kum Israel.

I Lemkei 21:22

E Daudi lund uwacu ni Oman kumae, Mi ira kaka mi lelacam maeni, kara agur pemblam ni Yehova i wie: ibimie ira pi welpiny ma bo, kara thong’omne ng’ol ni dhanu.

Malaki 2:5

Lembariba para bedo kude mi kwo man mi kwiocwiny; man amiogi ire kara lworo nege; e elwora, man ndiri make kum nyinga.

Kitabu Mir Ang’wende Pa Musa Wel 17:13

Ku ba dhanu ceke m’ucoro ceng’ni, m’ubino ceng’ni ba hema pa Yehova, etho: kubang’wa ceke wabitho?

Kitabu Mir Ang’wende Pa Musa Wel 25:11

Finehas, ma wod Eleazar, ma wod Harun ma jalam, uloko kwinyo para woko i kum nyithindho mir Israel, kum nyeko time ku nyeko para i kindgi, ketho nia anyotho nyithindho mir Israel ungo kum nyeko para.

Kitabu Mir Ang’wende Pa Musa Wel 25:5

E Musa wacu ni jupoklembe mir Israel kumae, Ku ba dhanu ku ba dhanu ng’atuman uneg dhanu pare m’uribre ba Bal-peor.

Yocuwa 7:26

E girodo kidi ma dit i wie, cil i ceng’ ma tin; e Yehova lokre ni lak ng’ecwiny pare. Kum kumeno julwong’o nying’ kakeno kumae, poga mir Akor, cil i ceng’ ma tin.