Kitabu Mir Ang’wende Pa Musa Wel 25:2 - The Holy Bible In Alur (Lur) Revised Orthography

² kum gilwong’o dhanu ba lam mi mungu migi; e dhanu gicamu, man girumbri ni mungu migi.

Kitabu Mir Ang’wende Pa Musa Wel 25:2 ပူးပေါင်းရင်းမြစ်များ

1 Ubimo 19:18

Ento abiweko ira dhanu rubanga abiro i kind Israel, ma cong’gi ceke fokurum ungo ni Bal, man dhoggi ceke kubang’e kubang’e ma fok’ucwie ngo.

Zaburi 106:28

Giribri gigi bende kum Bal-peor, Man gicamu lam mi ju m’utho.

Ai 20:5

kud irum piny i bang’gi, kadi kud itim igi; kum an a Yehova ma Mungu peri a Mungu ma janyeko, m’aketho dubo mi wego wi nyithindho, wi dhanum’utuk mir adege ku mir ang’wende mi ju m’udaga,

Ai 22:20

Ng’atu m’umio lam ni mungu moko, ma ku ni Mungu kende ngo, jubinyothe ma gwei.

Ai 23:24

Kud irum piny ni mungu migi, kadi atima de kud itim igi, kadi kud itim calu tic migi de; ento ibing’ielogi pet, man ibituro mbegi migi nziki nziki.

Ai 32:6

E urwone giai malu pir kugweno, man githiero lam m’awang’a, man gikelo lam mi kwiocwiny; e dhanu bedo piny kara gicam man gimadhi, man giai malu kara gimiel.

Yeremia 40:11

Kumeno kinde ma Juyahudi ceke ma gini i Moab, man i kind nyithindho mir Amon, man i Edom, man ma ni i ng’om ceke, giwinjo nia ubimo mi Babeli weko dong’ dhanu mi Yuda, man nia eketho Gedalia ma wod Ahikam, ma wod Cafan, i wigi;

Hoseya 9:10

Anwang’u Israel calu nyingulok i langa; aneno kwaruwu calu nyingyen ma kwong’a i kind yendubolo i nindo pare ma kwong’a: ento gibino ba Bal-peor, man githieri gigi ni gin mi lewic, e gidoko ni ginmajudagu calu gin ma gimaru.

Mika 6:5

E dhanu para, poi kawono pi lembe ma Balak m’ubimo mi Moab uporo, man lembe ma Balam ma wod Beor udwoko ire; wupoi ugambre Citim cil kum Gilgal, kara wung’ei tic ma pwe pa Yehova.

1 Jukorinto 10:20

Ento awacu, nia gin ma Thekdhanumange gilamu, meca gilamu ni pajogi, ni Mungu ngo: man ayenyo ngo ya wuribru ku pajogi.

Poi Mi Cik 32:38

Ma camu mio mi lam migi, Ma madhu pigulok mi lam m’amadha migi? Wek giai malu gikonywu, Wek gibed ni jamgwok mu.

Yocuwa 22:17

Kier mi Peor e nok hai iwa ma fodi walwokra giwa ngo cil i ceng’ maeni, kadok thong’om upodho wi udul pa Yehova,

Yocuwa 23:16

Ka wukadhu ku wi lembariba pa Yehova Mungu mu, m’eng’olo iwu, man wucidho wutimo ni mungu mange, man wurum giwu i bang’gi; e kwinyo pa Yehova bilund opo i kumwu, man wubinyothru pio kud i ng’om ma ber m’emio iwu.

Yocuwa 23:7

kara kud wumond i kind thek maeni, maeni m’udong’ i kindwu; kadok kud wuwec pi nying’ mungu migi, kadi kud wuketh jukwong’ kugi, kadok timo igi de, kadi kud wurum giwu i wang’gi;

Lembanyutha 2:14

Endre nyalembe moko ni i ia i kumi, kum jumoko ni i beng’i ma gimaku lemponji pa Balam, m’uponjo Balak ya ubol gin ma redho jo i wang’ nyithindho pa Israel, ya gicam gin ma julamu ni ayi gin m’acwia, man’nitimo tarwang’ bende.