Kitabu Mir Ang’wende Pa Musa Wel 24:9 - The Holy Bible In Alur (Lur) Revised Orthography

⁹ Enyoc, eriebre piny calu umvor, Man calu min umvor; ng’a ma bipoye juk malu? Mugisa bed wi dhanu ceke kubang’gi kubang’gi m’umio mugisa iri, Man lam ubed wi dhanu ceke kubang’gi kubang’gi m’ulemi.

Kitabu Mir Ang’wende Pa Musa Wel 24:9 ပူးပေါင်းရင်းမြစ်များ

Thangambere 12:3

man abimio mugisa ni ju m’umio mugisa iri, man ng’atu m’ulemi abilame: man wat ceke m’i ng’om binwang’u mugisa ni kumi.

Thangambere 27:29

Dong’ kodhidhanu gitim iri, Man thek girum piny i beng’i: Bed rwoth wi utumeru, Man wek wot meru girum piny iri: Kwong’ ubed wi dhanu m’ukwong’i kubang’gi kubang’gi, Man mugisa bed wi dhanu ceke m’umio mugisa iri kubang’gi kubang’gi.

Thangambere 49:9

Yuda en e nyathin umvor; Woda, iai ku bang’ amaci: Erum piny, eriebre calu umvor, Man calu min umvor; ng’a ma bituge?

1 Ubimo 10:20

Man umvor apar wi ario cungo keca wi kaidho abusiel yor i ng’ete acel abusiel ke yor i ng’ete mucelo: jutimo wadi ma kumeno ngo i ker moko.

2 Lemkei 9:18

Man kaidho mi komkerne abusiel, karacelo ku kom mi tielo mi mola ma kwar, ma juribo ku komkerne, man yen ma ni i ng’et kabedo kun ku kun, man umvor ario m’ucungo i ng’et yende.

Ester 6:13

Man Haman ugonyo ni Zerec ma cege ku jurimbe de pi gin ceke m’utimbre i kume. Jurieko pare ku Zerec ma cege gilund giwacu ire kumae, Tek Mordekai, m’itheko podho i wang’e, en e mi kodhi mi Juyahudi, ibicope ngo, ento ibipodho i wang’e andha.

Kitabu Pa Yob 41:10

Ng’atu moko mbe ma kwiny ma tegocwinye nuti m’ethube ko; Ka kumeno ng’a ma copo cungo i wang’a?

Zaburi 122:6

Wukwai pi kwiocwiny mi Yerusalem: Lembe bibedo miero ni ju m’umeri.

Zaburi 2:12

Wucwi limb wod, ng’ecwiny umaru nege, man wunyothru i yo, Kum kwinyo pare dhingo opo. Mugisa ni dhanu ceke m’upondo i bang’e.

Ai 23:22

Ento tek ibiwinjo dwande andha, man ibitimo gin ceke m’ayero; e abilund bedo jadegi mi judegini, man jasend mi jusend peri.

Isaya 31:4

Kum Yehova wacu ira kumae, Calu umvor ku nyathin umvor twak wi ayeki pare, tek julwong’o udul jukwac i kume, cwinye bing’abre ngo kum dwandgi, kadi ebijwigre gire de ngo ni kum badwandgi; e Yehova mir udul biloro piny kara ekied wi got Sayuni kumeca, man wi ungulu gode.

Mika 5:8

Man dong’ Yakobo bibedo i kind thek, i die kodhidhanu dupa, calu umvor i kind yedi m’i luli, calu nyathin umvor i kind udul rombe; ma, tek ekadhu akadha, enyono piny man eyeco nziki nziki, e ng’atu moko mbe ma laru.

Kitabu Mir Ang’wende Pa Musa Wel 22:12

E Mungu wacu ni Balam kumae, Ibicidho kugi ngo; ibilamu dhanune ngo; kum jumio mugisa i wigi.

Kitabu Mir Ang’wende Pa Musa Wel 22:6

Ka kumeno, akwei, koibin nyakawono, ilam dhanu maeni ira; kum gi tek ira m’usagu: kuno nyo abisagu, kara wagoigi, man kara ariemgi woko kud i ng’ombe; kum ang’eyo nia ng’atu ma tek imio mugisa i wie e mugisa bedo i wie, man ng’atu ma tek ilamu e lam bedo i wie.

Kitabu Mir Ang’wende Pa Musa Wel 23:24

Nen, dhanune giai malu calu min umvor, Man calu thwon umvor etingre gire malu: Ebivuto piny ungo cil m’ecamu ko ayeki ngo, Man cil m’emadhu ko rimb ju ma junegogi.

Kitabu Mir Ang’wende Pa Musa Wel 24:10

E ng’ecwiny pa Balak uopo kum Balam, man epadu cinge karacelo; e Balak uwacu ni Balam kumae, Alwong’i kara ilam judegina, man, nen, imio mugisa igi andha wang’ adek maeni.

Matayo 25:40

Ubimo de biloko lembe ebiwacu igi kumae, Andha awacu iwu kumae, Kum calu wutime ni ng’atu acel ma kind utumira maeni, cil ni maeni ma gi nyithigiki nwang’u wutime ira.

Matayo 25:45

Ebilund loko lembe igi, ebiwacu kumae, Andha awacu iwu kumae, kum calu wutime ngo ni ng’atu acel mi kind maeni ma nyithigiki, nwang’u wutime ira ngo.

Tic Mi Jukwenda 9:5

Man ewacu kumae, In i ng’a, Rwoth? Ewacu kumae, An a Yesu m’ibenyayu ragedo i kuma:

Poi Mi Cik 30:7

E Yehova Mungu peri biketho kwong’ maeni ceke wi judegini, man wi ju m’udegi, m’unyayu ragedo i kumi.