Kitabu Mir Ang’wende Pa Musa Wel 24:4 - The Holy Bible In Alur (Lur) Revised Orthography

⁴ Ewacu, ng’atu m’uwinjo lembe pa Mungu, M’uneno ginm’uwokiwang’ pa Jategokpo, M’upodho piny, ma wang’e de bedo ayaba:

Kitabu Mir Ang’wende Pa Musa Wel 24:4 ပူးပေါင်းရင်းမြစ်များ

Thangambere 15:1

Yo ng’ei gin maeni lembe pa Yehova bino bang’ Abram i ginmawokiwang’, m’uwacu kumae, Kud ilwor, Abram: an a ban peri, ku sukulia peri ma dit apila.

Thangambere 15:12

E kinde ma ceng’ ubepodho, nindo ma pek upodho wi Abram; man, nen, ndiri mi mudho ma dit upodho i wie.

1 Ubimo 22:17

Man ewacu kumae, Aneno Israel ceke kethri wi gudi, calu rombe ma jakwacgi mbe: e Yehova wacu kumae, Won maeni mbe; wek gidok kubang’gi kubang’gi ng’atuman ba ot pare ku cwinye m’ukwio.

Zaburi 89:19

Ilund iweco i ginmawokiwang’ mi jumaleng’ peri, Man iwacu kumae, Aketho ng’atu ma tek ni jakony; Adodo ng’atu ma jugoyo wie i kind dhanu.

Ezekiel 1:28

Calu nen mi danyu ma ni i afuru i ceng’ mi koth, e nen mi rieny ma gbur ubedo kumeca. Maeni en e nen mir ayi mi dwong’ pa Yehova. Man kinde m’aneno maeni, apodho arieba wang’a, man awinjo dwand ng’atu m’uyero.

Kitabu Mir Ang’wende Pa Musa Wel 12:6

Man ewacu kumae, Dong’ wuwinj lembe para: tek jabila ni i kindwu, an a Yehova abiketho wang’eira kude i ginmawokiwang’, wabiweco wakude de ku wang’ lek.

Kitabu Mir Ang’wende Pa Musa Wel 22:20

E Mungu bino ba Balam ku diewor, man ewacu ire kumae, Tek dhanu bino lwong’i, ai malu, wuci kugi; ento lembe m’ayero iri kende, e m’ibitimo.

Kitabu Mir Ang’wende Pa Musa Wel 22:31

Yehova lund uyabu wang’ Balam, man eneno malaika cungo i yo, ku palamularu pare sii i cinge; e ekulo wie, man epodho arieba wang’e.

Kitabu Mir Ang’wende Pa Musa Wel 24:15

Man eting’o lembabola pare, man ewacu kumae, Balam ma wod Beor uwacu, E ng’atu ma wang’e mire wacu;

Kitabu Mir Ang’wende Pa Musa Wel 24:5

E Yakobo, hema peri ber mire ma, E Israel, hema peri mire ma!

Tic Mi Jukwenda 10:10

e kec umaku nege, man eyenyo ecam: ento kinde ma gibeyiko cam, e piny urwinyo kude biti;

Tic Mi Jukwenda 10:19

E kinde ma Petro bepido pi ginmawokiwang’, Tipo wacu ire kumae, Nen, dhanu adek gibeyenyi.

Tic Mi Jukwenda 22:17

E etimbre, nia, kan adwogo Yerusalem, e kinde m’arwo i hekalu, piny urwinyo kuda biti,

Lembanyutha 1:10

Nwang’u ani i Tipo i ceng’ pa Rwoth, e awinjo dwal ma dit yor i ng’eya, calu mir agwara,

Lembanyutha 1:17

E kan anene, apodho the tiende pami ng’atu m’utho. Man eketho cinge ma yor acwic i kuma, ewacu kumae, Lworo kud unegi; an a ma kwong’a ku ma cen de,

1 Samwil 19:24

Man en bende ewodho kendi pare, e en de eewo lembe i wang’ Samwil, man evuto piny muneru i ceng’ maeca duu ku dieworne soro. Kum kumeno giwacu kumae, Saul bende ni i kind jubila?