Kitabu Mir Ang’wende Pa Musa Wel 24:24 - The Holy Bible In Alur (Lur) Revised Orthography

²⁴ Ento combo biai dhu Kitim, Man gibisendo Ascur, man gibisendo Eber; E en bende ebiwok ni nyoth.

Kitabu Mir Ang’wende Pa Musa Wel 24:24 ပူးပေါင်းရင်းမြစ်များ

Thangambere 10:4

Man wot Yavan gi eni: Elica, man Tarcic, man Kitim, ku Dodanim.

Thangambere 14:13

E ng’atu acel m’uboth ubino, man eyero ni Abram ma Jaebrania: nwang’u ebedo ceng’ni bongu mi Mamre, ma Jaamori, m’umin Eckol, man umin Aner; man maeni giribri kud Abramgi.

Isaya 10:12

Kum kumeno ebitimbre, nia, kinde ma Rwoth utimo tic pare ceke wi got Sayuni man kum Yerusalem, e abisendo nying adunde ma tek mir ubimo mir Ascur, man dwong’ mi nen pare ma malu.

Isaya 10:5

E Jaascuri, in i uluth mi ng’ecwiny para, in i dul ma kwinyo para ni i cingi!

Isaya 23:1

Ewolembe ma pi Turo. Wugoi nduru, wu combo mi Tarcic; kum judwoke ni uvuru, ketho nia ot umbe, mondo mbe: kud i ng’om Kitim enyuthre igi.

Ezekiel 27:6

Gitimo upol peri ku bongu mi Bacan; gitimo kom peri ku yend atego ma jumwono lakliec i ie, m’uai i cula mi Kitim.

Daniel 10:20

Elund ewacu kumae, Ing’eyo nia abino i beng’i pir ang’o? man kawono abidok nikiedo ku jaditmawijo mir Ajemi: man kan acidho, nen, jaditmawijo mi Yunani biwok.

Daniel 11:30

Kum combo mi Kitim bibino i kume; ka kumeno can binege, e ebidwogo, man ng’ecwiny binege kum lembariba ma leng’, man ebitimo calu ie yenyo; e ebidwogo, man ebineno yo ba ju m’uweko lembariba ma leng’.

Daniel 11:45

Man ebiguro hema mi odker pare i die nam ku got ma leng’ ma ber; ento ebitundo kum kajikne, man ng’atu moko mbe ma bikonye.

Daniel 2:35

E nyunyu, kud ulobo, ku mola, man mola ma tar, ku mola ma kwar, ulund ung’eny nziki nziki karacelo, man edoko calu cung’ ma wi lelacam mi dwij lietho; e yamu dunye ceke, ketho kakagi nwangre ngo igi: man kidi m’ugoyo ayi gin m’acwiane doko ni got ma dit, man epong’o ng’om yu.

Daniel 2:45

Kum calu ineno ya kidi tongre kud i got ma ku cing’ ungo, man nia eturo nyunyu nziki nziki, man mola, kud ulobo, ku mola ma tar, man mola ma kwar; Mungu ma dwong’ uketho ubimo ng’ei gin ma bitimbre ma cen: man lekne en e andha, man tuco there de andha.

Daniel 8:21

Man nyog diel ma jarop en e ubimo mi Yunani: man tung ma dit ma ni i ter nyime en e ubimo ma kwong’a.

Kitabu Mir Ang’wende Pa Musa Wel 24:20

Man eneno wi Amalek, e eting’o lembabola pare, man ewacu kumae, Naka Amalek en e ma kwong’a mi thek: Ento kajikne ma cen biwok i nyoth.

Kitabu Mir Ang’wende Pa Musa Wel 24:23

Man eting’o lembabola pare, man ewacu kumae, E akayo, ng’a ma bibedo kwo kinde ma Mungu timo maeni?

Matayo 24:15

Ka kumeno ka wuneno gin mir adegi mi nyoth, ma yang’ Daniel wacu pire, ucungo i kamaleng’ (wek ng’atu m’usomo ung’ei),

Luka 20:24

Wuleng’ denarius anen. Ayi ng’a ku ramblembene de? Giwacu kumae, Pa Kaisari.

Yohana 11:48

Tek waweke kumeno, dhanu ceke biyio ire: Jurumi de bibino kabu kakawa woko ku thek mwa.