Kitabu Mir Ang’wende Pa Musa Wel 24:17 - The Holy Bible In Alur (Lur) Revised Orthography

¹⁷ Anene, ento kawono ngo; Ang’ie, ento ceng’ni ngo: Cero biai kud i Yakobo, Man uludhbim biai i kind Israel, Man ebigoyo i gui mi Moab, Man ebituro wot yakni ceke piny.

Kitabu Mir Ang’wende Pa Musa Wel 24:17 ပူးပေါင်းရင်းမြစ်များ

Thangambere 49:10

Uludhker biai ungo ba Yuda, Kadi uluth pa jabim ku kind tiende, Cil ma Cilo bino ko; Man woro mi kodhidhanu bibedo ire

2 Samwil 8:14

Man eketho ot ma tek mir ali i Edom; i Edom ceke mba mba eketho ot ma tek mir ali, man Juedomi ceke gidoko jutic pa Daudi. Man Yehova mio aloci ni Daudi i ka ceke ma tek ecidho i ie.

2 Samwil 8:2

Man egoyo Moab, man eporogi ku thol, m’eketho givuto piny i ng’om; man eporo wang’e ario kara eneggi, man wang’e acel bo juwek ubed kwo. Man Jumoabi gidoko jutic ni Daudi, e gikelo ajok.

2 Ubimo 3:5

Ento etimbre, kinde ma Ahab utho, nia ubimo mi Moab ujai ni ubimo mir Israel.

I Lemkei 18:2

Man egoyo Moab; e Jumoabi gidoko jutic pa Daudi man gikelo ajok.

Zaburi 110:2

Yehova bioro uluth mi tego pare kud i Sayuni: Bim i kind judegi peri.

Zaburi 45:6

Komker peri en e mi nja ku nja, E Mungu: Uluth m’atira en e uluth mi ker peri.

Isaya 15:1

Ewolembe ma pi Moab. Kum Ar mi Moab unyothre i diewor acel, man judwoke mananu; kum judwoko Kir mi Moab ni uvuru i diewor acel man judwoke mananu.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Yeremia 48:1

Lembe mi Moab. Yehova mir udul, Mungu mir Israel, uwacu kumae, Can wi Nebo! kum judwoke ni uvuru; Kiriathaim junyayu lewic i wie, jumake; junyayu lewic wi Misgab man jurwombe piny.

Yeremia 48:45

Ju m’uringo gicungo m’umbe tego the tipopiny mi Hecbon; kum mac uai kud i Hecbon, man lebmac kud i die Sihon, man ewang’u gund Moab, man die wi ju m’uwoi.

Zekaria 10:4

Kidi ma wi gui biai i bang’e, musumali biai i bang’e, atum mir ali biai i bang’e, jubim kubang’gi nzu karacelo biai i bang’e.

Zekaria 12:10

Man abikonjo tipo mi bero ku kwac wi ot pa Daudi, man wi ju m’ubedo i Yerusalem; man gibineno i bang’a ma gicobo; e gibiywak pire, calu ng’atu ma ywak pi wode ma kulong’, man can binegogi pire, calu ng’atu ma can nego pi kayu pare.

Kitabu Mir Ang’wende Pa Musa Wel 21:29

Can i wii, Moab! Inyothri, E dhanu mi Kemoc: Emio wote calu ju m’uringo, Man nyige ni ng’eca, Ni Sihon m’ubimo mi Juamori.

Kitabu Mir Ang’wende Pa Musa Wel 24:16

Ewacu, ng’atu m’uwinjo lembe pa Mungu, Man m’ung’eyo ng’eyong’ec pa Ng’atu ma Malu Ngbir, M’uneno ginmawokiwang’ pa Jategokpo, M’upodho piny, ma wang’e de bedo ayaba:

Luka 1:78

Kum kisa ma ng’ic pa Mungu mwa, Ni kum maeni rupiny m’uai malu biliewowa,

Juebrania 1:8

ento pi Wod re ewacu kumae, E Mungu, komker peri en e mi rondo ku rondo; Man uluth mi lembatira en e uluth mi ker peri.

Juebrania 7:14

Kum ebedo ngbeng’ nia Rwoth mwa ai kud i Yuda; ma Musa kuyero gin moko ngo pi julam mi surune.

2 Petro 1:19

Man wabedo ku lembila ma judwoko tek ma sagu; ka kumeno wutimo dre kum wuketho cwinywu kum lembene, calu ni thala m’uberieny i ka ma col, rama piny ru ko, man cerojobi wok i adundewu:

Yuda 1:11

Can i wigi! kum gikwanyu yo pa Kain, man gikonjri vur i kier pa Balam kara ginwang’ sukulia, e girwinyo i piem pa Kora.

Lembanyutha 1:7

Nen, ebino kud afuru; man ku ba wang’ ceke binene, ku ju m’ucobe de; man thek ceke m’i ng’om biywak ire. Cil kumeno. Amen.

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.

Lembanyutha 22:16

An a Yesu aoro malaika para nituco iwu gin maeni ni kanisa. An a ulag man nyakwar Daudi, cero ma rieny, mi rupiny.

1 Samwil 14:38

Man Saul uwacu kumae, Wucor ceng’ni keni, wu judongo ceke mi dhanu; man wung’ei wunen ka ma dubo ni i ie i ceng’ maeni.