Kitabu Mir Ang’wende Pa Musa Wel 24:14 - The Holy Bible In Alur (Lur) Revised Orthography

¹⁴ Man kawono, nen, adok ba dhanu para: koibin, man abiewo iri gin ma dhanu maeni bitimo kum dhanu peri i ceng’ ma cen.

Kitabu Mir Ang’wende Pa Musa Wel 24:14 ပူးပေါင်းရင်းမြစ်များ

Thangambere 49:1

Man Yakobo lwong’o wote, man ewacu kumae: Wucokru giwu karacelo, kara ayer iwu pi gin ma bitimbre iwu i ceng’ ma cen.

Isaya 24:22

E jubicokogi karacelo, calu jucoko jukol i vur, man jubiciko bang’gi i odkol; e yo ng’ei nindo dupa jubiliewogi.

Yeremia 48:47

Ento abidwoko ng’eca mi Moab i nindo ma cen, Yehova wacu. Lembapoka mi Moab en e kumeni.

Yeremia 49:39

Ento ebitimbre i nindo ma cen, nia abidwoko ng’eca mir Elam, Yehova wacu.

Daniel 10:14

Kawono abino kara aketh ing’ei gin ma biwok ma cen kum juthu; kum ginmawokiwang’ne fodi en e mi nindo dupa.

Daniel 2:28

ento Mungu nuti i polo ma ewo lembamung’a, man eketho ubimo ma Nebukadnezar ung’ei gin ma biwok i acoka nindo. Lek peri, ku ginmawokiwang’ mi wii wi kavuto peri, gi eni:

Hoseya 3:5

yo ku ng’eye nyithindho mir Israel bidwogo, man gibiyenyo Yehova Mungu migi, ku Daudi m’ubimo migi, man gibibino ku lworo ba Yehova man ba bero pare i dong’ nindo.

Mika 6:5

E dhanu para, poi kawono pi lembe ma Balak m’ubimo mi Moab uporo, man lembe ma Balam ma wod Beor udwoko ire; wupoi ugambre Citim cil kum Gilgal, kara wung’ei tic ma pwe pa Yehova.

Kitabu Mir Ang’wende Pa Musa Wel 24:17

Anene, ento kawono ngo; Ang’ie, ento ceng’ni ngo: Cero biai kud i Yakobo, Man uludhbim biai i kind Israel, Man ebigoyo i gui mi Moab, Man ebituro wot yakni ceke piny.

Kitabu Mir Ang’wende Pa Musa Wel 24:25

E Balam uai malu, e ecidho edok i pacu pare; man Balak bende cidho i yo pare.

Tic Mi Jukwenda 2:17

Mungu wacu kumae, Gini bitimbre i kajik ceng’, Abikonjo kum Tipo para moko wi weg kum ceke: Man wotu ku nyigu gibiewo, Awobi mu de gibineno ginmawokiwang’, Judongo mu m’uti ke gibileko lek:

2 Timoteo 3:1

Endre ing’ei mae, nia i ceng’ mi kajik rundi nindo mi can biwok.

Yocuwa 13:22

Balam bende ma wod Beor, ma jabila, nyithindho mir Israel ginego ku palamularu i kind dong’ dhanu ma junego.

Lembanyutha 2:10

Lworo kud unegi kum gin ma fodi nyanok ibisendri kudo: nen, wonabali ni ceng’ni bayu kindwu moko i odkol, kara jumul ko iwu; man wubibedo ku masendi ceng’ apar. Dong’ ibed mandha cil i tho, man abimio iri jamkermiwic.

Lembanyutha 2:14

Endre nyalembe moko ni i ia i kumi, kum jumoko ni i beng’i ma gimaku lemponji pa Balam, m’uponjo Balak ya ubol gin ma redho jo i wang’ nyithindho pa Israel, ya gicam gin ma julamu ni ayi gin m’acwia, man’nitimo tarwang’ bende.