Kitabu Mir Ang’wende Pa Musa Wel 23:21 - The Holy Bible In Alur (Lur) Revised Orthography

²¹ Eneno dubo i Yakobo ngo; Kadok kier de eneno ngo i Israel: Yehova Mungu pare ni karacelo kude, Man kok mir ubimo ni i kindgi.

Kitabu Mir Ang’wende Pa Musa Wel 23:21 ပူးပေါင်းရင်းမြစ်များ

2 Lemkei 13:12

Man, nen, Mungu ni kudwa i wiwa, man julam pare kud agwara mir atwong’a kara uywak mir atwong’a i kumwu. E nyithindho mir Israel, kud wukied kum Yehova, Mungu pa kwaruwu; kum lembe mu bibedo miero ngo.

Zaburi 103:12

Calu yo nyangu bedo bor ku yo reto, E ecoro kier mwa bor kumeno kud i kumwa.

Zaburi 118:15

Dwal mir anyong’a ku both ni i hema mi ju ma pwe: Cing’ ma yor acwic pa Yehova timo gin ma tek.

Zaburi 135:21

Mugisa m’uai kud i Sayuni ubed ni Yehova, M’ubedo i Yerusalem. Wupak Yehova.

Zaburi 23:4

Eyo, kadok akadhu kud i longro mi tipopiny mi tho, Lworo binega ngo kum gin moko ma rac; kum ini karacelo kuda; Musongolo peri kud uluth peri, gijuka.

Zaburi 32:2

Mugisa ni ng’atu ma Yehova kwanu kier pare ngo, Man ma tipone mbe kud abombi.

Zaburi 32:5

Atuco dubo para iri, Man kier para amung’o ngo: Awacu kumae, Abituco camuco para ni Yehova: Man iweko kier mi dubo para.

Zaburi 46:11

Yehova mir udul ni kudwa; Mungu pa Yakobo en e kapondo mwa. [Sela.

Zaburi 46:7

Yehova mir udul ni i bang’wa; Mungu pa Yakobo en e kapondo mwa. [Sela.

Zaburi 97:1

Yehova bimo; wek anyong’a neg ng’om; Wek anyong’a neg udul cula.

Zaburi 99:2

Yehova e dwong’ i Sayuni; Man eni malu wi kodhidhanu ceke.

Ai 13:21

Man Yehova cidho i wang’gi ku dieceng’ kud i mbegi mir afuru, kara utel wigi i yo, man ku diewor i mbegi mi mac, kara umi igi der; kara giwoth ku dieceng’ man ku diewor:

Ai 3:12

Man ewacu kumae, Wabibedo wakudi andha; man maeni bibedo giranyutha iri, nia aori: kinde m’iwodho dhanu woko kud i Misiri, wubitimo ni Mungu wi got maeni.

Ai 34:9

Man ewacu kumae, Tek anwang’u bero i weng’i kawono, E Rwoth, akwei, wek Rwoth ucidh i kindwa; kum en e dhanu ma ng’utgi tek; man iwek kier mwa ku dubo mwa de woko, man ijolwa ni aba peri.

Isaya 1:18

Wubin kawono, man wek waporu lembe karacelo, Yehova wacu: kadok dubo mu bedo kwar ngbo, gibibedo tar calu pei; kadok gi kwar calu rimo, gibibedo calu yuk rombe.

Isaya 12:6

Lwong’ ma tek man ikoki, in i ng’atu m’ubedo i Sayuni; kum Ng’atu Maleng’ mir Israel e dwong’ i kindi.

Isaya 33:21

Ento Yehova bibedo karacelo kudwa i dwong’ kuca, en e ka mi kulo ma lac man kulo ma nok, ka ma yei mi jukol bicidho i ie ngo kud upol, kadok combo de bikadhu kud i kume ngo.

Isaya 33:22

Kum Yehova en e japoklembe mwa, Yehova en e jamicik mwa, Yehova en e ubimo mwa; ebibodhowa.

Isaya 38:17

Nen, en e pi kwiocwiny para ma nia abedo kud ulecu ma dit: Ento ibodho ng’eyong’ec para kud i vur mi nyoth ni kum mer; Kum ibayu dubo para ceke yor i ng’ei.

Isaya 41:10

lworo kud unegi, kum wanuti wakudi; cwinyi kud ung’abre, kum an a Mungu peri; abimio iri tego; eyo, abikonyi; eyo, abijengi ku cing’ ma yor acwic mi bedopwe para.

Isaya 8:10

Wupor lembe karacelo, e jubidwoke mananu; wuyer lembe, e ebicungo ngo: kum Mungu ni karacelo kudwa.

Yeremia 50:20

I ceng’ maeca, man i nindo maeca, Yehova wacu, jubiyenyo kier mir Israel, e ebibedo mbe; man dubo mi Yuda, e gibinwangri ngo: kum abiweko dubo ni donge m’aweko dong’.

Ezekiel 48:35

Ebibedo bol rubanga apar wi abora gbur: man nying adhurane ugambre i ceng’ maeca bibedo kumae, Yehova ni kuca.

Yoel 2:27

E wubing’eyo nia ani i kind Israel, man nia an a Yehova Mungu mu, man ng’atu moko mange mbe; e jubinyayu lewic wi dhanu para ki ngo.

Lembe Mi Julawi 9:24

E mac uai i wang’ Yehova, man ewang’u lam m’awang’a wi pemblam ku mio: e kinde ma dhanu ceke neno maeni, gikok, man gipodho arieba wang’gi.

Kitabu Mir Ang’wende Pa Musa Wel 14:18

Yehova bedo yo ni ng’ecwiny, man e dit ku mer mi bero, m’eweko ko kier ku dubo; m’ebiweko dubo de ki ngo, m’eketho ko kier mi wego wi nyithindho, wi dhanum’utuk mir adege ku wi mir ang’wende.

Kitabu Mir Ang’wende Pa Musa Wel 14:19

Akwei, wek kier mi dhanu maeni, calku dwong’ mi mer mi bero peri, man calu iweko dubo mi dhanu maeni, ugambre i Misiri cil kawono nini.

Kitabu Mir Ang’wende Pa Musa Wel 16:3

e gicokri gigi karacelo wi Musa man wi Harun, man giwacu igi kumae, Wutedru giwu m’usagu, kum udul ceke gi leng’, kubang’gi ceke, man Yehova ni i kindgi: pirang’o wutingru giwu wi cokri pa Yehova?

Kitabu Mir Ang’wende Pa Musa Wel 9:22

Kadok en e ceng’ ario, kadi dwi, kadi rundi, ma afuru galu wi hema, m’ebedo i wie, nyithindho mir Israel gibedo i kagonjo, gitugo woth ungo; ento kinde m’etingre, giwotho.

Matayo 1:23

Nen, nyaku ma sumba ma ng’won bibedo ku ic, man ebinyolo nyathin ma nico, Man gibilwong’o nyinge Imanuel; thelembene, ka juloke, Mungu wakugi.

Jurumi 6:14

Kum dubo mbe ku kero i wiwu: kum wun wuni the cik ungo, ento the bero.

Jurumi 8:1

Kum kumeno kawono dong’ pokolembe ma rac umbe wi ju ma gini i Kristu Yesu.

2 Jukorinto 2:14

Ento foyofoc ni Mungu, m’etelo wiwa thiri thiri i sag ma jusagu ko ni kum Kristu, man eketho mido mi ng’eyong’ec pare nyuthre i kaka ceke ni kumwa.

2 Jukorinto 5:19

en e kumeni, ya Mungu ni i Kristu m’ebepoto ng’om ire gire, ma k’ebekwanu kier migi igi ngo, nwang’u emio iwa lembe mi pot.

2 Jukorinto 6:16

Ribri manedi ma hekalu pa Mungu giribri ko gikud ayi gin m’acwia? kum wan wa hekalu pa Mungu ma kwo; cil calu Mungu wacu kumae, Abibedo i igi, man abiwotho i igi; man abibedo Mungu migi, man gibibedo dhanu para.

Poi Mi Cik 31:23

Man emio km ni Yocuwa ma wod Nun, ewacu de kumae, Bed jakero man ku tegocwiny ma ber; kum ibitero nyithindho finir Israel i ng’om m’akwong’o igi: e wabibedo wakudi.

Poi Mi Cik 32:5

Ginyothri gigi, gi nyithindho pare ngo, en e mulima migi; Gi dhanum’utuk ma juco m’ugondri de.

Poi Mi Cik 33:5

Man en e ubimo i Yecurun, Kinde ma juwidhanu cokri, Suru ceke mir Israel karacelo.

Poi Mi Cik 9:24

Wujai ni Yehova ugambre i nindo m’amaku ng’eyowu i ie.

Jupoklembe 6:13

Man Gideon uwacu ire kumae, Ei, rwoth para, tek Yehova ni kudwa, nedi gin maeni ceke wok i kumwa? man tic pare ceke ma wang’u ijo ma kwaruwa yero iwa pire ni kani, ma giwacu kumae, Yehova kelowa malu kud i Misiri ngo? ento kawono Yehova bayuwa woko, man ekethowa i cing’ Midian.

1 Samwil 25:28

Akwei, wek kier pa bong’ peri: kum Yehova bitimo ot ma tek ni rwoth para andha, kum rwoth para kiedo lwiny pa Yehova; man jubinwang’u dubo ngo i beng’i i ceng’ peri ceke.