Kitabu Mir Ang’wende Pa Musa Wel 23:19 - The Holy Bible In Alur (Lur) Revised Orthography

¹⁹ Mungu en e dhanu ngo, ma nia ecwayu ndra, Kadok wod dhanu de, ma nia eloko cwinye: Ewacu, man ebitime ngo? Kadi eyero, man ebiketho etundo kakare ngo?

Kitabu Mir Ang’wende Pa Musa Wel 23:19 ပူးပေါင်းရင်းမြစ်များ

Thangambere 26:3

bed ni umondo i ng’om maeni, man wabibedo wakudi, man abimio mugisa iri; kum abimio iri ng’om maeni ceke, man ni nyikwei, man abiketho kwong’ m’akwong’o ni Ibrahim ma wuru ucungi;

Thangambere 28:15

Man, nen, wanuti wakudi, man abigwoki ka ma tek icidho i ie, e abikeli kendo i ng’om maeni: kum abiweki ngo, ma fok’atimo lembe m’ayero pire iri ngo.

1 Ubimo 14:11

Dhanu pa Yeroboam m’utho i adhura gwogi bicamu; man ng’atu m’utho i podho winyo ma kor polo bicamu: kum Yehova yero maeni.

2 Ubimo 15:12

Maeni lembe pa Yehova m’eyero ku Yehu, ewacu kumae, Woti bijany wi komker mir Israel cil kum dhanum’utuk mir ang’wende. E etimbre kumeca.

2 Ubimo 7:2

Jego m’ubimo jeng’ i cinge ulund uloko lembe ni dhanu pa Mungu, man ewacu kumae, Nen, tek Yehova timo wang’ot i polo, e maeni copo bedo? Man ewacu kumae, Nen, ibinene ku weng’i, ento ibicamu kume ngo.

I Lemkei 17:17

Man maeni en e gin ma nok i weng’i, E Mungu; ento iyero pi ot pa jatic peri pi nindo ma dit ma bibino, man inena calu bedo pa ng’atu ma dwong’, E Yehova Mungu.

Zaburi 110:4

Yehova kwong’o, man ebilokre ngo: In i jalam mi nja Calku kura Melkizedek.

Zaburi 132:11

Yehova kwong’o ni Daudi ku lemandha; Ebidok cen ungo kud i kume: Abiketho kodhi mi kumi wi komker peri.

Zaburi 77:9

Wi Mungu wil kum bero pare? Eciko ba kisa pare ma ng’ic ku ng’ecwiny pare? [Sela.

Zaburi 89:34

Lembariba para abituro ngo, Kadi lembe m’uai kud i dendhoga de abiloko ngo.

Zaburi 89:35

Wang’ acel akwong’o kwong’ ku leng’ para kumae: Abicwayu ndra ni Daudi ngo:

Isaya 21:17

man dong wel mi weg atum, dhanu ma jukero mi nyithindho mi Kedar, bidoko nok; kum Yehova, Mungu mir Israel, uyero maeni.

Isaya 31:2

Ento en bende e riek, man ebikelo lembe ma rac, man ebigamu lembe pare kendo ngo, ento ebiai kum ot mi jutimrac, man kum kony mi ju m’utimo kier.

Isaya 40:8

Lum ner, thiuboko kite rwinyo; ento lembe pa Mungu mwa bicungo mi nja.

Isaya 46:11

m’alwong’o ko winyo ma kwiny ku yo nyangu, ng’atu mi lembapora para kud i ng’om ma bor; eyo, ayero, abiketho etimbre bende; akeco, abitime bende.

Isaya 55:11

e lembe para m’uai kud i dhoga de bibedo kumeca: ebidwogo i bang’a mananu ngo, ento ebitimo gin m’ayenyo, man ebibedo miero kum gin m’aore pire.

Yeremia 4:28

Pi maeni ng’om biywak, man polo ma malu bibedo col; kum ayero maeni, akeco maeni, e aloko cwinya ngo, kadi abilokra cen de ngo ni maeni.

Daniel 4:28

Gin maeni ceke wok kum ubimo Nebukadnezar.

Hoseya 11:9

Abitimo ku lak ng’ecwiny para ngo, abidwogo ninyotho Efraim ungo: kum an a Mungu, an a dhanu ngo; Ng’atu Maleng’ i kindi; e abibino ku kwinyo ngo.

Mika 7:20

Ibitimo lemandha ni Yakobo, man mer mi bero ni Ibrahim, m’ikwong’o ni kwaru mwa ugambre i nindo ma con.

Habakuk 2:3

Kum ginmawokiwang’ fodi en e pi nindo ma juketho, man etimo pio i dhu kajikne, man ebicwayu ndra ngo: kadok egalu, kure; kum ebibino andha, ebigalu ngo.

Malaki 3:6

Kum an, an a Yehova, alokra ngo; ka kumeno wun, E wot Yakobo wunyothru ngo.

Kitabu Mir Ang’wende Pa Musa Wel 14:35

An, an a Yehova, ayero, andha abitimo maeni ni udul ma rac maeni ceke, ma gicokri karacelo i wia: gibinyothri i langa maeni, e gibitho kuca.

Kitabu Mir Ang’wende Pa Musa Wel 23:18

Man eting’o lembabola pare, man ewacu kumae, Ai malu, Balak, man iwinji; Cik ithi i bang’a, in i wod Zipor:

Luka 21:33

Polo ku ng’om bikadhu woko: ento lembe para bikadhu woko ngo.

Jurumi 11:29

Kum giramia ku lwong’o pa Mungu lokri mbe kude.

Jurumi 9:6

Endre ebedo calu lembe pa Mungu doko ni gin mananu ngo. Kum gin ceke ma gi mi Israel, gi Israel kagi ceke ngo:

2 Timoteo 2:13

tek wan wa jumandha ngo, en re en e mandha; kum ecopo kwere gire ngo.

Tito 1:2

i genogen mi kwo ma rondo ku rondo, ma Mungu, ma kucop cwayu ndra ngo, ung’olo por yang’ con;

Juebrania 6:18

kara ni kum gin ario ma lokre ngo, ma i maeni cwayu ndra copre ngo ni Mungu, wabed ku juk ma tek, wan ma waringo wayenyo ko kaboth kara wamak genogen ma juketho i wang’wa;

Juebrania 7:21

(kum gin andha judwokogi ni julam ma ku kwong’ ungo; ento en re ku kwong’ ni kum ng’atu m’eyero pire kumae, Rwoth ukwong’o man ebilokre gire ngo, In i jalam mi nja);

Yakobo 1:17

Giramia ceke ma ber kubang’gi kubang’gi man giramia ceke ma ndhu cu kubang’gi kubang’gi, uai malu, uloro piny ku ba Wego mi der, ma lokri rr umbe kude, kadok tipopiny ma podho kum lokri rr.

Yakobo 4:5

Kadi iwu pido ya nyo lembagora pa Mungu yero mananu? Cwiny maeno m’eketho ubed i iwa ava ubenege cil ku kumira?

Yocuwa 21:45

Gin moko ma ber umbe m’urem ma Yehova yero ni ot mir Israel; gin ceke timbre kakare,

1 Samwil 15:29

Man bende Jatego mir Israel bicwayu ndra kadi lokre de ngo; kum en e dhanu ngo, ma nia elokre.

1 Samwil 3:12

I ceng’ maeno abitimo kum Eli gin ceke m’ayero pi ot pare, ugambre i thekrine cil kum kajikne.