Kitabu Mir Ang’wende Pa Musa Wel 22:8 - The Holy Bible In Alur (Lur) Revised Orthography

⁸ Man ewacu igi kumae, Wuvut keni diewor maeni, man abikelo lembe i beng’wu kendo, calu Yehova biyero ira: e judongomawijo mi Moab gibedo giku Balamgi.

Kitabu Mir Ang’wende Pa Musa Wel 22:8 ပူးပေါင်းရင်းမြစ်များ

1 Ubimo 13:8

Man dhanu pa Mungu wacu ni ubimo kumae, kadok imio ira ng’et ot peri ngi, wabimondo wakudi ngo, kadi camu kwen kadi madhu pi de abitimo ngo kakeni;

1 Ubimo 22:14

E Mikaya wacu kumae, Calu Yehova bedo kwo, gin ma Yehova wacu ira, maeca abiyero.

Yeremia 12:2

Ipidhogi, eyo, giguro ulaggi; gitwi, eyo, gicego nying’gi; in i ceng’ni i dhoggi, man i bor kud adundegi.

Ezekiel 33:31

Man gibino i beng’i calu dhanu bino, man gibedo i weng’wu calu dhanu para, man giwinjo lembe peri, ento gitimogi ngo; kum ginyutho mer ma dit ku dhoggi, ento adundegi cidho tok kuloka migi.

Kitabu Mir Ang’wende Pa Musa Wel 12:6

Man ewacu kumae, Dong’ wuwinj lembe para: tek jabila ni i kindwu, an a Yehova abiketho wang’eira kude i ginmawokiwang’, wabiweco wakude de ku wang’ lek.

Kitabu Mir Ang’wende Pa Musa Wel 22:18

Man Balam uloko lembe ewacu kumae ni jutic pa Balak, Kadok Balak umi ira ot pare pong’ ku mola ma tar man mola ma kwar, acopo kadhu ku wi lembe pa Yehova Mungu para ngo, ma nia atim nok kadi dit.

Kitabu Mir Ang’wende Pa Musa Wel 22:38

E Balam uwacu ni Balak kumae, Nen, abino i beng’i: kawono abedo ku nyatego moko m’ayero ko gin moko? lembe ma Mungu ketho i dhoga, eca e m’abiyero.

Kitabu Mir Ang’wende Pa Musa Wel 22:7

Man judongo mi Moab ku judongo mi Midian gicidho ku sukulia mi ewo thelembe i cing’gi; man gibino ba Balam, e giyero ire lembe pa Balak.

Kitabu Mir Ang’wende Pa Musa Wel 22:9

Man Mungu bino ba Balam, man ewacu kumae, Maeni dhanu ma nedi ma ni karacelo kudi?

Kitabu Mir Ang’wende Pa Musa Wel 23:12

E eloko lembe man ewacu kumae, Maku kud aketh cwinya kara ayer gin ma Yehova ketho i dhoga?

Kitabu Mir Ang’wende Pa Musa Wel 23:3

E Balam uwacu ni Balak kumae, Cung ba lam m’awang’a peri, man abicidho: kuno nyo Yehova bibino waromb kude; man gin ceke ma tek enyutho ira abiyero iri. E ecidho eidho wi nyathi got.

Kitabu Mir Ang’wende Pa Musa Wel 24:13

Kadok Balak mi ira ot pare pong’ ku mola ma tar ku mola ma kwar, acopo kadhu ku wi lembe pa Yehova ngo, m’atim ko ber kadi rac ku pidoia gira; gin ma Yehova yero, maeca e m’abiyero?