Kitabu Mir Ang’wende Pa Musa Wel 22:6 - The Holy Bible In Alur (Lur) Revised Orthography

⁶ Ka kumeno, akwei, koibin nyakawono, ilam dhanu maeni ira; kum gi tek ira m’usagu: kuno nyo abisagu, kara wagoigi, man kara ariemgi woko kud i ng’ombe; kum ang’eyo nia ng’atu ma tek imio mugisa i wie e mugisa bedo i wie, man ng’atu ma tek ilamu e lam bedo i wie.

Kitabu Mir Ang’wende Pa Musa Wel 22:6 ပူးပေါင်းရင်းမြစ်များ

Thangambere 12:3

man abimio mugisa ni ju m’umio mugisa iri, man ng’atu m’ulemi abilame: man wat ceke m’i ng’om binwang’u mugisa ni kumi.

Thangambere 27:29

Dong’ kodhidhanu gitim iri, Man thek girum piny i beng’i: Bed rwoth wi utumeru, Man wek wot meru girum piny iri: Kwong’ ubed wi dhanu m’ukwong’i kubang’gi kubang’gi, Man mugisa bed wi dhanu ceke m’umio mugisa iri kubang’gi kubang’gi.

1 Ubimo 22:13

Man jakwenda m’ucidho nilwong’o Mikaya yero ire, ewacu kumae, Nen kawono, lembe mi jubila yere ber bang’ ubimo ku dhok acel: wek lembe peri, akwei, bed calu lembe pa ng’atu acel m’i kindgi, man iyer ber.

1 Ubimo 22:6

Ubimo mir Israel ulund ucoko jubila karacelo, calu dhanu dak ang’wen, man ewacu igi kumae, Abicidho kum Ramoth-gilead i lwiny, kadi abidong’i? Man giwacu kumae, Idh malu; kum Rwoth bimie i cing ubimo.

1 Ubimo 22:8

Man ubimo mir Israel uwacu ni Yehocafat kumae, Fodi ng’atu acel nuti ma wacopo penjo lembe ba Yehova ni kume, en e Mikaya ma wod Imla: ento adage; kum eewo lembe ber pira ngo, ento rac. Man Yehocafat uwacu kumae, Dong’ ubimo kud uwac kumeno.

Nehemia 13:2

kum gicidho ngo nirombo ku nyithindho mir Israel ku kwen man ku pi, ento gimio sukulia ni Balam i wigi, kara elamgi: ento Mungu mwa loko lamne ni mugisa.

Zaburi 109:28

Wek gikwong’, ento imi mugisa: Kinde ma giai, lewic bimakugi, Ento anyong’a binego jatic peri.

Lembrieko 26:2

Calu kira i woth pare, calu ugwelo i ringo pare, E kwong’ ma lembe mbe de wok ungo kumeca.

Ezekiel 13:6

Gineno ndra ku ng’eyolembe mi ndra, m’uwacu kumae, Yehova wacu kumae; ento Yehova orogi ngo: man giketho dhanu geno nia lembe bitimbre.

Mika 6:5

E dhanu para, poi kawono pi lembe ma Balak m’ubimo mi Moab uporo, man lembe ma Balam ma wod Beor udwoko ire; wupoi ugambre Citim cil kum Gilgal, kara wung’ei tic ma pwe pa Yehova.

Kitabu Mir Ang’wende Pa Musa Wel 22:12

E Mungu wacu ni Balam kumae, Ibicidho kugi ngo; ibilamu dhanune ngo; kum jumio mugisa i wigi.

Kitabu Mir Ang’wende Pa Musa Wel 22:17

kum abidodi ni yung ma dit apila, man gin ceke ma tek iwacu ira abitimo: ka kumeno, akwei, koibin, ilam dhanu maeni ira.

Kitabu Mir Ang’wende Pa Musa Wel 23:13

E Balak uwacu ire kumae, Akwei, koibin kuda i kamange, ku ka m’icopo nenogi i ie; e ibineno ng’etgi ma yo woko kende, man ibinenogi ceke ngo: man ibilamugi ira ku kuca.

Kitabu Mir Ang’wende Pa Musa Wel 23:27

E Balak uwacu ni Balam kumae, Koibin kawono, abiteri kamange: kuno nyo ebiyire ni Mungu nia ilamgi ira ku kuca.

Kitabu Mir Ang’wende Pa Musa Wel 24:9

Enyoc, eriebre piny calu umvor, Man calu min umvor; ng’a ma bipoye juk malu? Mugisa bed wi dhanu ceke kubang’gi kubang’gi m’umio mugisa iri, Man lam ubed wi dhanu ceke kubang’gi kubang’gi m’ulemi.

Tic Mi Jukwenda 16:16

Man etimbre, kinde ma wabecidho karwo, ya warombo ku nyaku ma won tipo mi ewo giraewa, m’ekelo piny dit ni wegi kum lembe m’ebedeewo.

Poi Mi Cik 23:4

kum ging’olowu i yo ku kwen ku pi de ngo, kinde ma wuai i Misiri, man kum gigamu Balam ma wod Beor m’uai Pethor mi Mesopotamia, i kumi ku sukulia kara ebin elemi.

Yocuwa 24:9

Balak ma wod Zipor, m’ubimo mi Moab, elund eai man ekiedo kum Israel: man eoro elwong’o Balam ma wod Beor kara ekwong’wu;

1 Samwil 17:43

Man Jafilisti wacu ni Daudi kumae, An a gwoki, ma nia ibino i bang’a ku yen e? E Jafilistine lamu Daudi ku mungu pare.