Kitabu Mir Ang’wende Pa Musa Wel 22:12 - The Holy Bible In Alur (Lur) Revised Orthography

¹² E Mungu wacu ni Balam kumae, Ibicidho kugi ngo; ibilamu dhanune ngo; kum jumio mugisa i wigi.

Kitabu Mir Ang’wende Pa Musa Wel 22:12 ပူးပေါင်းရင်းမြစ်များ

Thangambere 12:2

man abiketho ibedo thek ma dit, man abimio mugisa iri, man abiketho nyingi ubed dwong’; man ibed ni jamimugisa:

2 Lemkei 31:10

Man Azaria ma jalam ma dit, mi ot pa Zadok, uloko lembe ire man ewacu kumae, Ugambre ma dhanu theko kelo girathiera i ot pa Yehova, wacamu man eromowa, man waweko dupa: kum Yehova mio mugisa ni dhanu pare; e m’udong’ en e piny m’akana ma dit maeni.

Zaburi 144:15

Dhanu ma bedo kumeni gi jumutoro; Eyo, dhanu ma Mungu migi en e Yehova gi jumutoro.

Zaburi 146:5

Ng’atu m’ubedo ku Mungu pa Yakobo ni kony pare en e jamutoro, Ma genogen pare ni i Yehova Mungu pare:

Isaya 61:9

Man jubing’eyo kodhigi i kind thek, man nyikwaigi i kind kodhidhanu: dhanu ceke m’unenogi bing’eyogi, nia gi kodhi ma Yehova mio mugisa igi.

Mika 6:5

E dhanu para, poi kawono pi lembe ma Balak m’ubimo mi Moab uporo, man lembe ma Balam ma wod Beor udwoko ire; wupoi ugambre Citim cil kum Gilgal, kara wung’ei tic ma pwe pa Yehova.

Kitabu Mir Ang’wende Pa Musa Wel 22:11

Nen, dhanu m’uai kud i Misiri, giumo wang’ ng’om: kawono, koibin ilamgi ira; kuno nyo abicopo kiedo kugi, man abiriemogi woko.

Kitabu Mir Ang’wende Pa Musa Wel 22:13

E Balam uai malu kugweno, man ewacu ni judongomawijo pa Balak kumae, Wudok i ng’om mu; kum Yehova kwero kud acidh kudu.

Kitabu Mir Ang’wende Pa Musa Wel 22:6

Ka kumeno, akwei, koibin nyakawono, ilam dhanu maeni ira; kum gi tek ira m’usagu: kuno nyo abisagu, kara wagoigi, man kara ariemgi woko kud i ng’ombe; kum ang’eyo nia ng’atu ma tek imio mugisa i wie e mugisa bedo i wie, man ng’atu ma tek ilamu e lam bedo i wie.

Kitabu Mir Ang’wende Pa Musa Wel 23:23

Ajoga mbe ku Yakobo andha; Kadok ewo lembe moko de mbe kind Israel: Kawono jubiwacu pi Yakobo man pir Israel kumae, A Mungu timo meni ba!

Kitabu Mir Ang’wende Pa Musa Wel 23:3

E Balam uwacu ni Balak kumae, Cung ba lam m’awang’a peri, man abicidho: kuno nyo Yehova bibino waromb kude; man gin ceke ma tek enyutho ira abiyero iri. E ecidho eidho wi nyathi got.

Kitabu Mir Ang’wende Pa Musa Wel 23:8

Abilamu nenedi, ma Mungu kulamu ngo? Man abidhunjo nenedi, ma Yehova kudhunjongo?

Kitabu Mir Ang’wende Pa Musa Wel 24:9

Enyoc, eriebre piny calu umvor, Man calu min umvor; ng’a ma bipoye juk malu? Mugisa bed wi dhanu ceke kubang’gi kubang’gi m’umio mugisa iri, Man lam ubed wi dhanu ceke kubang’gi kubang’gi m’ulemi.

Matayo 27:19

E kinde m’ebedo wi kom mi pokolembe, e cege oro lembe ire, ewacu kumae, Kud irodhri i lembe pa ng’atu ma pwe; kum asendra ku giki dupa tin ku wang’ lek i kume.

Jurumi 11:29

Kum giramia ku lwong’o pa Mungu lokri mbe kude.

Juefeso 1:3

Mugisa ni Mungu ma Won Rwoth mwa Yesu Kristu, m’umio mugisa iwa ku ba mugisa ceke mi tipo i ka mi polo i Kristu:

Poi Mi Cik 2:7

Kum Yehova Mungu peri mio mugisa iri i tic ceke mi cingi; eng’eyo woth peri kud i langa maeni ma dit: rundi pier ang’wen maeni Yehova Mungu peri bedo kudi: gin moko mbe m’urem iri.

Poi Mi Cik 23:5

Ento Yehova Mungu peri yio ngo ewinj Balam; ento Yehova Mungu peri loko lam ni mugisa iri, kum Yehova Mungu peri meri.

Poi Mi Cik 28:6

Mugisa bikwenyi kinde m’imondo, man mugisa bikwenyi kinde m’iwok woko.

Poi Mi Cik 33:29

In i jamugisa, E Israel: Ng’a ma calu in, ma dhanu ma Yehova bodho, Ban mi kony peri, Man palamularu mi dwong’ peri! Man judegini bijwigri iri; Man ibinyono ka ma malu migi.

Poi Mi Cik 7:14

Mugisa bikwenyi ma sagu kodhidhanu ceke: ng’atu moko mbe ma nico kadi ma dhaku ma mugumba bikwanye i kindwu, kadi i kind lim mu.